Skip to main content

Oorsig van Lukas

Dit sal jou help in die deurlees van die evangelie van Lukas om eers ’n breë oorsig te kry oor die inhoud en temas wat Lukas aan die orde stel (ek gee ’n soortgelyke oorsig oor Handelinge) [1]:
Lukas vertel die storie van die redding van Israel wat deur Jesus en die Gees te weeg gebring word.
Hy beklemtoon:

 

  • Die Messias het na sy mense gekom, wat die belofte aan die heidene insluit.
  • Jesus het vir die verlorenes gekom, wat die gemarginaliseerdes insluit.
  • Jesus tree op in die krag van die Heilige Gees.
  • Jesus se dood en opstanding is noodsaaklik vir die vergifnis van sonde.

Hy plaas die storie van Jesus in die konteks van wêreldgeskiedenis (hoofstuk 2-3).

Hy sluit die Gees se voortgaande bediening in en deur die kerk in Handelinge in.

Interessant is Lukas 1:1-4, die begin van die evangelie, en Handelinge 28:30-31, die einde van sy verhaal, wat in perfek gestileerde Grieks geskryf is, met alles tussen-in in meer Joods-klinkende Grieks.

Indeling:

Hoofstuk 1-2 lei die verhaal in en antisipeer al die hooftemas:

  • Verwysings na Ou Testament beloftes
  • Jesus as die Dawidiese koning
  • Die Redding van Israel
  • Die insluiting van die heidene
  • God wat omgee vir die armes
  • Die rol van die Heilige Gees
  • Die verwagte teenstand
  • Die vreugde oor die evangelie van Jesus

Hoofstuk 3-4:13 verbind die bediening van Johannes die doper en Jesus.

  • Jesus word voorgestel aan Israel as ‘n gedoopte en ‘n getoetste.
  • Hy word deur sy geslagsregister, wat tot by Adam gegee word, aan die heidense sending gekoppel.

Hoofstuk 4:14-9:50 speel af in Galilea meesal in die platteland:

  • Jesus onderrig en genees in Galilea.
  • Die eerste optrede op ‘n Sabbat is ‘n prototipe van wat gaan volg:
  • Ou Testament beloftes word vervul
  • Die Gees rus op die Messias
  • Sy bediening is goeie nuus vir die armes
  • Die heidene word ingesluit
  • Sommige in Israel sal Hom verwerp

Hoofstuk 9:51-19:44 speel af “op pad na Jerusalem”.

  • Jesus begin die reis na Jerusalem “vasbeslote” (9:51; 10:38; 13:22; 17:11; 18:31)
  • Jesus versamel steeds dissipels om Hom, daag almal uit met sy onderrig, verwerp ‘n Farisese verstaan van God en word verwerp deur die religieuse en politiese leiers.

Hoofstuk 19:45-24:53 speel in die stad Jerusalem af.

  • Jesus word verwerp deur die Joodse leiers en gekruisig.
  • Die kruis en opstanding was egter die redding van Israel.
  • Dit eindig met Jesus se hemelvaart en die dissipels se vreugde.

[1] Vgl “The Gospels and Acts in the Biblical Story” in How to Read the Bible book by book deur Gordon Fee en Douglas Stuart (2002, Zondervan: Grand Rapids, Michigan, p 267 e.v.

Handelinge, Lukas


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (2)

Maak 'n opmerking

  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan
  • Chris van Wyk on Psalm 11Dankie, Jenny. Ek het self weer baie moed uit dié Psalm 11 gekry. Veral uit die feit dat ons nie baie beheer het oor die fondamente nie, maar op God kan vertrou wat opregtes suiwer en goddeloses skroei, soos dit in die laaste deel van die Psalm uitgespel word. God kan oneindig meer doen as wat ons k…
  • Jenny on Psalm 11Baie dankie vir die boodskap wat weereens soos vorige boodskappe my help om deur baie swaar tye te kan kom. Die laaste jaar is daar so baie berge wat my toesak dat ek net kan vasklou aan God se woord en U maak dit makliker om sekere dinge beter te verstaan en net aan te hou glo en vertrou. Baie dank…
  • Chris van Wyk on Die Twaalf Kleiner ProfeteDankie Johan, waardeer.
  • Johan v Zyl on Die Twaalf Kleiner ProfeteHi Chris net so baie dankie vir die enorme werk wat jy in Bybelskool doen. Ek gebruik dit elke dag in my bediening hier in Lichtenburg Klipkerk. Ek het op 60 die Bybel herontdek met nuwe passie . Jesusliefde Johan v Zyl
  • Chris van Wyk on Salwing in die BybelEk is bly, Stoffie, dat ek kon help. Die waarhede in die Skrif is ons diepste en enigste beskerming teen dwaling.
  • Stoffie Van Dyk on Salwing in die BybelEk het die afgelope Sondag 'n diens bygewoon wat my baie ontstem het - mense in die gehoor is gesalf deur 'n "profetes", en snaakse dinge het gebeur. Hierdie hele skrywe oor die salfgebruik, en van die antwoorde op vrae was vir my baie leersaam omdat dit vir my Skriftuurlik is. Baie dankie
  • Chris van Wyk on 2 Samuel 18Dankie Lesley, waardeer.
  • Lesley Barnard on 2 Samuel 18Pragtig, ñ mooi toepaslike verduideliking.
  • Chris van Wyk on 2 Samuel 17Hi Hettie. Daar is twee letters in Hebreeus wat amper dieselfde geskryf word, maar verskillend uitgespreek word. Daar is die normale h wat uitgespreek word soos ons dit normaalweg doen. Dan is daar egter ook die letter ḥ (geskryf met 'n h met 'n punt onder) wat anders uitgespreek word. Die uitspraak…
  • Hettie Swart on 2 Samuel 17Baie dankie vir die oopbreek van die Woord. Ek sien dat my Bybel 35 vertaling na Husai verwys en nie Gusai soos in die Bybelstudie aangetoon word nie. Is dit verskillende uitsprake vir dieselfde mens? Help my reg asseblief.
  • Chris van Wyk on Josua 2 – Ragab se ontsag vir Jahwe spaar die verkenners se lewe👍