Tag: Leesrooster 2021

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

MARKUS 8:27-38

PETRUS SE BELYDENIS

(Matt 16:13-20; Luk 9:18-21)

²⁷Jesus en sy dissipels het na die dorpe van Caesarea-Filippi vertrek. Op pad het Hy vir sy dissipels gevra: “Wie sê die mense is Ek?” ²⁸Hulle antwoord Hom: “Johannes die Doper; ander sê Elia, en nog ander sê een van die profete.” ²⁹Hy vra hulle toe: “Maar julle, wie sê julle is Ek?” Petrus antwoord Hom: “U is die Christus.” ³⁰Jesus het hulle toe opdrag gegee om niemand van Hom te vertel nie.

EERSTE LYDENSAANKONDIGING

(Matt 16:21-28; Luk 9:22-27)

³¹Hy het begin om hulle te leer dat die Seun van die Mens baie moet ly, deur die familiehoofde, leierpriesters en skrifkenners verwerp en doodgemaak moet word, en ná drie dae moet opstaan. ³²Hy het openlik hieroor gepraat. Petrus het Hom eenkant toe geneem en Hom begin berispe. ³³Maar Hy het omgedraai, na sy dissipels gekyk en Petrus berispe: “Gaan weg agter my, Satan! Want jy bedink nie die dinge van God nie, maar die dinge van mense.”

³⁴Nadat Hy die skare saam met sy dissipels nader geroep het, het Hy vir hulle gesê: “As iemand agter My aan wil kom, moet hy homself verloën, sy kruis opneem en My volg. ³⁵Want wie sy lewe wil red, sal dit verloor; maar wie sy lewe ter wille van My en die evangelie verloor, sal dit red. ³⁶Wat baat dit ‘n mens immers as hy die hele wêreld as wins bekom, maar sy lewe verloor? ³⁷Wat sou ‘n mens gee as losprys vir sy lewe? ³⁸Want wie hom vir My en my woorde skaam in hierdie owerspelige en sondige geslag, vir hom sal die Seun van die Mens Hom skaam wanneer Hy in die heerlikheid van sy Vader kom, saam met die heilige engele.”

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

PSALM 19

19¹Vir die musiekleier. ‘n Psalm. Van Dawid.

²Die hemelruim verkondig die eer van God

en die hemelkoepel maak die werk van sy hande bekend.

³Dag ná dag bring dit ‘n boodskap voort

en nag ná nag deel dit kennis mee.

⁴Alhoewel daar geen spraak en geen woorde is nie

en hulle stem nie hoorbaar is nie,

⁵gaan hulle boodskap uit oor die hele aarde

en hulle woorde tot aan die einde van die wêreld.

Vir die son het Hy ‘n tent opgeslaan in die hemel.

⁶Die son is soos ‘n bruidegom wat by sy slaapkamer uitgaan –

vol vreugde, soos ‘n held wat op die pad hardloop.

⁷Aan die een kant van die hemel gaan hy op

en aan die ander kant gaan hy onder,

en niks ontkom aan sy hitte nie.

⁸Die wet van die Here is volmaak,

dit gee nuwe lewenskrag;

die bepalings van die Here is betroubaar,

dit gee wysheid aan die onkundiges.

⁹Die opdragte van die Here is reg,

dit maak die hart bly;

die gebod van die Here is suiwer,

dit verhelder die oë.

¹⁰Ontsag vir die Here is rein,

dit hou vir altyd stand;

die beslissings van die Here is waar,

dit is almal regverdig.

¹¹Dit is begeerliker as goud,

begeerliker as ‘n oormaat fyngoud;

dit is soeter as heuning,

as ‘n heuningkoek wat drup.

¹²Boonop, u dienskneg word daardeur gewaarsku;

wanneer ‘n mens daarby hou, is die beloning groot.

¹³Wie het insig in sy onbewuste dwalings?

Spreek my vry van verborge sondes!

¹⁴Weerhou u dienskneg ook van vermetelheid.

Laat dit nie oor my heers nie;

dan sal ek onskuldig wees en vry van ernstige oortredings.

¹⁵Laat die woorde van my mond en die bepeinsing van my hart

vir U aanvaarbaar wees, Here, my Rots en my Verlosser.

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

SPREUKE 1:20-33

OPROEP VAN DIE WYSHEID

²⁰Wysheid roep opgewonde op straat,

op die stadspleine laat sy haar stem hoor.

²¹Aan die bopunt van ‘n rumoerige straat roep sy uit,

by die ingange na die stadspoorte klink haar woorde op:

²²“Hoe lank nog gaan julle, onkundiges, onkunde liefhê,

gaan spotters ‘n geklets waardevol ag,

en gaan dwase kennis haat?

²³Julle moet reageer op my teregwysing.

Kyk, ek sal my gees vir julle laat uitstroom,

ek sal my woorde aan julle bekend maak.

²⁴Omdat ek geroep, maar julle geweier het,

ek my hand uitgesteek, maar julle geen aandag gegee het nie,

²⁵julle al my raad in die wind geslaan het,

my teregwysings nie aanvaar het nie,

²⁶sal ek op my beurt lag oor julle teenspoed,

die spot dryf wanneer julle verskrikking kom,

²⁷wanneer julle verskrikking kom soos ‘n stormwind,

en julle teenspoed losbreek soos ‘n orkaan,

wanneer benoudheid en angs julle oorval.

²⁸“Dan sal hulle na my roep, maar ek sal nie antwoord nie;

hulle sal my soek, maar my nie vind nie.

²⁹Aangesien hulle kennis gehaat het,

ontsag vir die Here nie gekies het nie,

³⁰my raad nie aanvaar het nie,

al my teregwysings versmaai het,

³¹sal hulle die vrug van hulle optrede moet eet,

sal hulle genoeg kry van hulle eie planne.

³²Ja, die ongeërgdheid van onverstandiges kos hulle dood;

die selfversekerdheid van dwase vernietig hulle.

³³Maar wie na my luister, sal veilig woon;

hulle sal rustig wees, sonder die verskrikking van onheil.”

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

JAKOBUS 3:1-12

BEHEERSING VAN DIE TONG

¹Moenie almal leermeesters wil wees nie, my broers, omdat julle weet dat ons strenger geoordeel sal word. ²Almal van ons struikel tog dikwels. As iemand nie met woorde struikel nie, is hy ‘n volmaakte man, en ook daartoe in staat om sy hele liggaam in toom te hou. ³Ons sit stange in perde se bekke, sodat hulle ons gehoorsaam, en daarmee stuur ons hulle hele liggaam. ⁴Kyk, selfs skepe, hoewel hulle so groot is en deur hewige winde aangedryf word, word met ‘n baie klein roer gestuur na waar die stuurman wil. ⁵So is die tong ook ‘n klein ledemaat wat op groot dinge roem. Kyk watter klein vuurtjie steek ‘n groot hoop hout aan die brand! ⁶Die tong is ook ‘n vuur, ‘n wêreld van ongeregtigheid. Die tong is deel van ons ledemate, maar besoedel die hele liggaam. Dit steek die hele lewensloop aan die brand, en word uit Gehenna aangesteek. ⁷Want elke soort wilde dier en voël, en kruipende dier en seedier, word en is getem deur die mensdom. ⁸Maar geen mens kan die tong tem nie; dit is ‘n onbestendige kwaad, vol dodelike gif.⁹Daarmee loof ons die Here en Vader, en daarmee vervloek ons mense wat na die beeld van God geskep is.¹⁰Uit dieselfde mond kom seën en vervloeking. Dit, my broers, behoort nie so te wees nie. ¹¹‘n Fontein laat tog nie uit dieselfde oog vars én bitter water uitborrel nie? ¹²‘n Vyeboom, my broers, kan tog nie olywe dra, of ‘n druiwestok vye nie? ‘n Brak fontein kan ook nie soet water gee nie.

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

MARKUS 7:24-37

GELOOF VAN DIE SIRO-FENISIESE VROU

(Matt 15:21-28)

²⁴Hy het daarvandaan weggegaan en na die gebied van Tirus vertrek. Hy het ‘n huis binnegegaan en wou nie hê dat iemand dit moes weet nie; maar Hy kon nie onopgemerk bly nie. ²⁵En gou het daar ‘n vrou wie se dogtertjie ‘n onrein gees gehad het, van Hom gehoor, en voor sy voete kom neerval. ²⁶Dit was ‘n Griekse vrou, van Siro-Fenisiese afkoms. Sy het Hom gevra om die demoon uit haar dogter uit te dryf. ²⁷Hy het vir haar gesê: “Laat die kinders eers versadig word, want dit is nie mooi om die kinders se brood te neem en vir die hondjies te gooi nie.” ²⁸Sy antwoord Hom toe: “Here, die hondjies onder die tafel eet darem van die kindertjies se krummels.” ²⁹Daarop sê Hy vir haar: “Op grond van wat jy gesê het, gaan huis toe! Die demoon het reeds uit jou dogter uitgegaan.” ³⁰En toe sy by haar huis kom, kry sy die kindjie op die bed lê, en die demoon was reeds uit haar uit.

GENESING VAN ‘N DOOFSTOM MAN

³¹Jesus het weer uit die gebied van Tirus vertrek en deur Sidon na die See van Galilea gegaan, deur die gebied van Dekapolis. ³²Hulle bring toe iemand wat doof was en met ‘n spraakgebrek na Hom, en smeek Hom om die man die hande op te lê. ³³Nadat Hy die man eenkant toe geneem het, weg van die skare af, het Hy sy vingers in die man se ore gesteek, gespoeg en sy tong aangeraak. ³⁴Nadat Hy na die hemel opgekyk het, sug Hy en sê vir hom: “Effata!” dit is, ‘Gaan oop!’ ³⁵En dadelik is sy ore geopen, die band van sy tong losgemaak, en hy kon normaal praat. ³⁶Jesus het hulle beveel om dit aan niemand te vertel nie. Maar hoe meer Hy hulle dit beveel het, hoe meer het hulle dit uitbasuin. ³⁷Hulle was uitermate verwonderd en het gesê: “Hy het alles goed gedoen – selfs dowes laat Hy hoor en stommes laat Hy praat.” (2020-vertaling)

Teks en konteks