Tag: Bid die Psalms

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Maar dié Psalm gaan nie net oor die heerlikheid van die skepping nie. Dit beweeg van ‘n loflied oor die skepping na ‘n loflied oor die wet van God wat vir die mens doen wat die son doen vir die skepping. In vers 8-10 word die waarde van die Woord beskrywe in terme van die impak wat dit in ‘n mens se lewe kan hê, nie as ‘n paaiboelie nie, maar as ‘n inspirasie. In vers 11 word die waarde vergelyk met dié van goud en heuning. In vers 12-13a word dié waarde uitgespel as ‘n leerervaring wat uitmond en afsluit in vers 13b-15 met die gebed dat God van binne-af sal verander, sal reinig deur sy Woord en ‘n vastigheid sal gee wat die toets van die tyd sal kan deurstaan.

Bid die Psalm

“Die Here se voorskrifte is volkome, dit gee nuwe lewenskrag. Die bepalings van die Here is betroubaar; dit maak die eenvoudige verstandig. Die Here se bevele is reg, dit bring vreugde vir die hart. Die opdragte van die Here is duidelik; dit gee insig vir die lewe. Die gebooie van die Here is suiwer, dit bly vir altyd staan. Die Here se voorskrifte is reg; elkeen van hulle is regverdig. Hulle is kosbaarder as goud, selfs as die fynste goud. Hulle is soeter as heuning, as druppels uit ’n heuningkoek. Dis ’n waarskuwing vir u dienaar, en ’n groot beloning vir dié wat dit gehoorsaam. Wie kan sy eie oortredings verstaan? Spreek my vry oor verborge sondes, en bewaar my van opsetlike sondes! Laat hulle nie oor my heers nie. Dan sal ek vry wees van skuld, en onskuldig aan groot oortredings. Mag die woorde van my mond en die gedagtes van my hart vir U aanneemlik wees, Here, my rots en my Verlosser.” NLV

Boodskap en betekenis

Hierdie Psalm bring lig en krag en die teenwoordigheid van God self tot in die dieptes van die menslike hart (NT Wright). En die wet is natuurlik die spilpunt van die verbond wat Israel aan God verbind het, die hart van Sy Woord aan hulle. Met die wet as hulle wegwyser, was Israel die uitverkore volk van die Skepper God. Die Psalmis het gehoop dat dié skets van die Woord, soos druppels heuning uit ‘n heuningkoek, hulle sou inspireer, sou laat begeer om in die Woord te lewe, dit hulle huis te maak, sodat God nie net ‘n veraf en van-bo-af God sou bly nie, maar die persoonlike God, dié een wat in die lewe deur sy Woord betrokke is, en hulle Hom sou ontmoet in die Woord en met sy Woord aan hulle sy en in hulle hart met Hom ‘n pad sou stap. In Kolossense 1:15-20 werk Paulus met ‘n herinterpretasie van hierdie Psalm, en noem hy Jesus die vervulling van die skepping (Kol 1:15-16) sowel as van die verbond (Kol 1:18b-20). Die Skeppergod is ook die verlossende Verbondsgod. Die verskil tussen Psalm 19 en Kolossense 1 is natuurlik dat die teologie van Jesus, die Messias, die een deur wie beide die skepping as die verlossing te weeg gebring is, die beskrywing van Psalm 19 afrond. Loof die Here dat jy Hom beide in Skepping en Woord kan beleef.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Psalm 19 is een van die skeppingspsalms. Dit roep in die eerste deel die verloop van die skeppingsverhaal van Genesis 1-3 in herinnering. In vers 2 word die sigbare heerlikheid van God in die heelal geskets. In vers 3-5a word die onsigbare teenwoordigheid van God – wat dag na dag en nag na nag op ‘n woordelose maar ervaarbare manier oorgedra word – besing. In vers 5b-7 word die son as sigbare verteenwoordiger van God geskets wat van die een kant van die aarde af tot die ander kant die wêreld verlig en verwarm met sy gloed.

Bid die Psalm

“Vir die koorleier: ’n Dawidspsalm. Die hemele verkondig die heerlikheid van God. Die uitspansel getuig van die werk van sy hande. Die een dag vertel vir die ander dag; die een nag vir die volgende nag. Hulle praat sonder woord of klank, geluidloos is hulle stem; hulle boodskap gaan uit oor die hele wêreld, hulle woorde tot die uiterste van die aarde. Die son se woonplek is in die hemel, waar God dit geplaas het. Soos ’n bruidegom verskyn hy uit sy kamer, soos ’n held op die baan, ywerig om weg te spring. Aan die een kant van die horison kom hy op en aan die ander kant gaan hy onder. Niks kan sy hitte ontkom nie.” NLV

Boodskap en betekenis

Die Psalmis het gehoop dat dié Psalm mense in vervoering sou laat oor God, sodat hulle later as hulle van die tempel af huis toe gaan, met ‘n groter bewussyn van die heerlikheid van God sou lewe, sodat elke keer wat hulle weer kyk na die hemel en na die son en die normale gang van die dag en die nag ervaar, hulle van God bewus sou bly. Neem tyd vandag om in die natuur te gaan stap en die Here met dié Psalm se eerste deel te loof. Indien jy nie kan nie, kyk ‘n natuurprogram op TV en gebruik die beelde om jou verbeelding te stimuleer om die Here te prys.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Die sesde en laaste deel van Psalm 18 trek die vanselfsprekende gevolgtrekking uit die voorafgaande. Die Here leef! Hy bevry vir Dawid van die man van geweld. Dit is iets wat alle gelowiges moet hoor. Sodat hulle moed kan skep in hulle eie konflikte. Dawid is so oorweldig deur die uitkoms wat God gee, dat hy sy lofbetuiging uitbrei om die lewende Here voor die nasies te verheerlik, wat in ’n sekere sin, eintlik altyd die doel van die wonderwerke is: om alle mense op te roep tot lof aan hulle Skepper. Hy is immers die koning van die nasies.

Bid die Psalm

“Die Here leef! Ek prys my rots! Ek loof God, rots van my redding, God wat wraak neem namens my, wat volke aan my onderwerp. Hy red my van my vyande. Buite bereik van teenstanders verhef U my; U verlos my van geweldenaars. Daarom, Here, sal ek U prys voor die nasies. Tot eer van u Naam sal ek ’n loflied sing! U gee groot oorwinnings aan u koning; aan u gesalfde is U getrou, aan Dawid en sy nageslag vir altyd!” NLV

Boodskap en betekenis

Dink weer na oor die boodskap van die hele Psalm en gebruik die Psalm in sy geheel vir jou gebede in aanvegting in die toekoms. Dawid het ervaar dat hy sy nood na die Here toe kan neem. Die Here luister. Trouens, toe hy benoud was, het die Here nie net gehoor nie, maar “hemel en aarde beweeg” om hom te help, sê Dawid. Selfs vir hom geleer om oorlog te maak. Maar, in dit alles was dit die Here self wat die oorwinning gegee het. Neem dit as ’n belofte ook vir jou stryd in die lewe. Met God kan ook jy ’n bende stormloop. Met Hom spring jy oor ’n muur! Sy goedheid maak jou groot!

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Dawid vier in die vyfde deel van Psalm 18 die oorwinning wat God vir hom gee oor sy vyande. Hy kan onomwonde getuig dat die Here leef en sorg vir sy kinders in die konflikte wat onvermydelik tussen die koninkryk van die lig en die koninkryk van die duisternis ontstaan.

Bid die Psalm

“Die pad onder my maak U breed, en my enkels swik nie. Ek het my vyande agtervolg en ingehaal; ek het nie omgedraai voordat hulle almal uitgewis was nie. Ek het hulle oorrompel en neergeslaan, hulle kon nie opstaan nie; hulle het voor my voete geval. U het my met krag toegerus vir die stryd, en my teenstanders aan my onderwerp. My vyande het U voor my laat vlug; my haters het ek uitgewis. Hulle roep om hulp, maar niemand kom help nie; selfs tot die Here, maar Hy antwoord hulle nie. Ek maal hulle fyn soos die stof van die aarde, soos modder op straat vermorsel ek hulle. In die stryd met teenstanders het U my verlos, my aangestel as koning oor nasies. ’n Volk wat ek nie geken het nie, dien my nou. Uitlanders word my onderdane. As hulle van my hoor, gehoorsaam hulle my. Vreemdelinge word moedeloos en kom bewend uit hulle vestings.” NLV

Boodskap en betekenis

Dit is aan die een kant ‘n ontstellende gedeelte. Dié vyande roep selfs na God in hulle nood, maar Hy antwoord hulle nie (vers 42). Dit verwys waarskynlik na geleenthede soos Saul se onegte “bekerings” teenoor Dawid wat altyd weer in verraad en vyandskap geëindig het, al het Dawid konsekwent gekies om nie sy hand aan Saul as God se gesalfde te slaan nie. God word egter nie deur onegtheid en skynheiligheid om die bos gelei nie (vgl. 2 Tim. 2:11-13 waar Jesus ook dié verloën wat Hom verloën). Daarom maak God se doofheid vir hulle nood sin, want hulle is doof vir God se wil en sy mense se nood.

Maar, aan die ander kant, onthou wel dat Jesus ons leer om steeds te bid vir ons vervolgers. Om ons vyande lief te hê (Matt. 5-7). Paulus leer ons om eerder die kwaad deur goed doen te oorwin (Rom. 12:9-21). Want, soos Paulus die hoop in hierdie Psalm raaksien, neem die Here sy posisie in Christus in as: “koning van die nasies.” (Vgl. Ps. 18:50 in Rom. 15:9). Jesus moes vir sy volk die waarheid van God bevestig deur die beloftes wat die voorvaders ontvang het, waar te maak. Maar, Hy het ook gekom sodat die ander nasies God oor sy ontferming sou verheerlik, soos Paulus Dawid aanhaal: “Daarom sal ek U loof voor die nasies, en tot eer van u Naam sal ek ’n lofpsalm sing.” (vgl. ook Deut. 32:43; Ps. 117:1; Jes. 11:10 wat Paulus ook in dieselfde gedeelte in Romeine 15 aanhaal).

Dit beteken natuurlik nie dat God nie ook optree teen vyande en haters nie. Dit is juis wat ons die krag gee om lief te hê en ‘n tweede myl te stap. “Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here.” (vgl. Rom. 12:19 soos aangehaal uit Deut. 32:25). Maar, dit gee ons die hoop dat God nie net oordeel bring nie, maar ook verlossing, en dit ook spesifiekvir die nasies.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Dawid gee in die vierde deel van Psalm 18 ‘n pragtige beskrywing van God se getrouheid vir almal wat Hom dien – getrou teenoor die getroues; opreg teenoor die opregtes; rein teenoor die reines. Maar God verwerp dié wat huigel (vers 26–28). Dawid gaan oor tot ’n verdere loflied aan hierdie onvergelykbare God wat sy dienaar, Dawid, beskerm en laat oorwin deur die lig wat Hy gee. Die Here laat sy duisternis opklaar (vers 29).

Bid die Psalm

“Vir die getroues is U getrou; vir die opregtes is U opreg. Vir dié wat rein is, is U rein, vir dié wat vals is, is U vals. U red hulle wat nederig is, maar die hoogmoediges verneder U. U laat my lamp skyn, Here my God. U verlig my duisternis. Met U loop ek ’n leër storm; met my God spring ek oor ’n muur. God se pad is volmaak. Die Here se woorde is betroubaar. Hy beskerm dié wat by Hom skuil. Want wie anders as die Here is God? Wie anders as God is ’n rots? God rus my toe met krag; Hy maak my pad veilig. Hy maak my voete soos dié van ’n wildsbok, op hoë plekke laat Hy my veilig staan. Hy oefen my hande vir die geveg, my arms om ’n bronsboog te trek. U redding is vir my ’n skild. U regterhand ondersteun my; u hulp maak my sterk.” NLV

Boodskap en betekenis

Hierdie beskrywings van hoe God aktief is in ons lewe, word baie keer gebruik as versterking in die geloofstryd: “met u hulp loop ek ’n oormag storm, met my God by my is geen stadsmuur vir my te hoog nie” (vers 30). Want wie is God behalwe die Here!? Sy weë is volmaak, selfs al gaan dit deur die konflik van vyandskap en oorlog. Dawid brei uit hoe God hom gehelp het om sy vyande te agtervolg, in te haal en uit te wis. God leer sy hande hoe om oorlog te maak. Hy stel hom in staat om selfs ‘n koperboog te span! Dawid leer ons hier om sterk te staan in die geloofstryd. Die weg van die Here is volmaak, selfs al gaan dit deur donker dieptes. Hy sterk ons in die stryd. Hy waarborg die oorwinning. Sing (of neurie) gerus die “koortjie” wat op vers 34 gebaseer is: “Hy maak my voete soos dié van ’n ribbok; op hoë plekke laat Hy my stewig staan.”

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)