Tag: Bid die Psalms

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

In pynlike metafore beskryf Dawid sy smart en lyding, waarin ‘n mens natuurlik weereens nie anders kan as om die kruisigingstoneel van Jesus te herken nie… maar probeer om dit eers net met Dawid te verbind. Die vyande is soos ‘n trop beeste wat hom toestaan. Soos ‘n trop oop-bek leeus storm hulle op hom af. Hy is soos uitgestorte water wat in die sand verdwyn, sy bene val uitmekaar, sy hart smelt weg uit sy binneste, sy tong kleef aan sy verhemelte… hy is soos iemand wat dood is. Soos ‘n trop honde omsingel hulle hom, en soos ‘n trop misdadigers sak hulle op hom toe (vers 13-19). Maar weereens is sy grootste klag dat in hierdie onhoudbare lyding, hy die ervaring van God se teenwoordigheid verloor het, en vra hy dat God hom sal red, van die honde, die leeus en die wilde beeste (vers 20-22a). Uitnemende digwerk!

Bid die Psalm

“Soos ’n trop bulle omsingel my vyande my; wilde beeste van Basan het my omring! Soos brullende leeus wat uitmekaar wil skeur, met oopgesperde bekke storm hulle op my af. My lewe is uitgestort soos water, al my bene val uitmekaar. My hart is soos was wat in my wegsmelt. My krag het opgedroog soos ’n potskerf. My tong kleef aan my verhemelte. U laat my vir dood in die stof lê. Soos ’n trop honde sirkel hulle om my; ’n kwaadwillige bende sak op my toe. My hande en voete is vasgemaak. Ek kan al my bene in my tel. Met leedvermaak gluur my vyande my aan. Hulle verdeel my klere onder mekaar en deur die lot te werp deel hulle my kledingstukke. Here, bly nie ver van my af nie! U is my sterkte; help my tog gou! Red my van die swaard, red my kosbare lewe uit die mag van hierdie honde. Red my uit die bek van die leeu, van die horings van wilde beeste.” NLV

Boodskap en betekenis

Let op hoe die klag in die eerste deel van Psalm 22 opgevolg word in hierdie deel van die Psalm deur ‘n belydenis van vertroue op grond waarvan vir God se ingrype gepleit kan word. Wat beteken dat jy soos Dawid niks van die detail van jou krisis vir die Here hoef weg te steek nie. Steek niks weg vir die Here nie, en vra vir sy ingrype. Pleit dat God sal red. Van die honde, van die leeus en van die wilde beeste wat jou ook toestaan. Onthou dan in die tweede plek dat hierdie Psalm ook Messiaans is. En dit is verstommend om in die verloop van die Psalm eintlik die hele evangelie van Jesus Christus te hoor (vgl. die verdeling van die klere van Ps. 22:19 wat in Joh. 19:24 aangehaal word). Lees weer vers 13-19 asof dit deur Jesus aan die kruis gesê is, en aanbid Hom vir die pyn wat Hy bereid was om vir ons te vat…

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Dit is moeilik om dié Psalm te lees, sonder om die lydenspad en kruisiging van Jesus so duidelik hierin te hoor. En natuurlik is dit ‘n Messiaanse Psalm wat in die lewe van Jesus vervul is. Maar dan vergeet ons te maklik dat dit ook ‘n Psalm van Dawid is, en dat dit in die eerste plek vir hom in sy lewe betekenis gehad het. Psalm 22 gaan in die eerste plek oor die feit dat God die gebed van die hulpeloses nie verontagsaam nie, soos van die vorige Psalms in hierdie reeks rondom die tempel al bevestig het. Psalm 22 bid daarom nie net om verlossing nie, maar loof God vir die verlossing wat Hy reeds gebring het, soos Dawid dit ook in Psalm 21 al gedoen het. In die tweede plek gaan dit ook oor die lyding waardeur Jesus vir ons verlossing bewerk het. Ons lees dit in drie dele.

Bid die Psalm

“Vir die koorleier: ’n Dawidspsalm. Op die wysie van “Die wildsbok van die daeraad”. My God, my God! Waarom het U my verlaat? Waarom bly U so ver wanneer ek roep om hulp, so ver wanneer ek tot U sug? Elke dag roep ek na U, my God, maar U antwoord nie; ook elke nag roep ek, maar daar is geen rus vir my nie. Tog is U die Heilige wat woon waar Israel U prys. Ons voorouers het op U vertrou, hulle het U vertrou, en U het hulle gered. Tot U het hulle geroep, en hulle is verlos. Hulle het op U vertrou, en was nooit verleë nie. Maar ek is net ’n wurm, en nie ’n man nie; ek word bespot deur die mensdom, verag deur almal om my. Elkeen wat my sien, spot met my. Hulle trek vir my gesigte, skud die kop en sê: “Vertrou op die Here; laat Hý hom dan red! Laat die Here hom verlos as Hy hom dan so liefhet!” Maar U het my die lewenslig laat sien, my as suigeling op U laat vertrou. Vanaf geboorte is ek van U afhanklik. Vanaf die begin van my lewe was U my God. Moenie ver van my af bly nie, want ellende kom en daar is geen helper nie.” NLV

Boodskap en betekenis

Die Psalm begin met die diep en donker klag van Dawid dat hy deur God self verlaat voel (vers 2-3). Hy kan dit nie klein kry dat hy bid, en daar is geen antwoord nie, selfs nie as hy dag en nag daarmee volhard nie. Dié klag word opgevolg deur ’n belydenis van vertroue, gebou op sy ervarings van die verlede, dat God teenwoordig is waar sy lof besing word, en dat Hy Hom op soveel wyses al in die verlede bewys het vir die verbondsvolk (vers 4-6). Daarna beskryf Dawid sy lyding, nie net in sy eie ervaring van minderwaardigheid nie: “ek is ‘n wurm, nie ‘n mens nie”, maar ook in terme van hoe mense hom laat voel met hulle spot en venyn (vers 7-9). Maar sy diepste krisis is eintlik dat sy verhouding met God só anders was in die verlede. Van sy geboorte af was hy in God se sorg (vers 10-11) en hy kan nie anders as om sy lot te bekla voor dié God en om hulp te smeek nie (vers 12). ‘n Mens hoor natuurlik ook duidelik in Psalm 22 die lyding van die kruispad van Jesus. Dit is immers ‘n onvergelyklike Messiaanse Psalm wat in die detail van Jesus se lewe vervul is (vgl. die kreet om verlating van Ps. 18:2 in Jesus se kruiswoord in Matt. 27:46; die spottery oor God se sorg van Ps. 18:9 in die woorde van die priesterhoofde in Matt. 27:43). Maar onthou dat dit ook ‘n Psalm van Dawid is, en dat dit in die eerste plek vir hom in sy lewe betekenis gehad het. Daarom ook ‘n lied vir jou.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Die verhoring van sy gebede om oorwinning maak Dawid vol vertroue dat God ook in die toekoms sy vyande sal verdelg, soos dit in die tweede deel van die Psalm uitgespel word. Let op Dawid sy gebed dat die vyande verdelg word nie net doen om homself en sy nageslag te beveilig nie, maar om die eer van die Here te beskerm. Dit is nog ’n belangrike rede waarom die vloek- en wraak-gedagtes so skerp geteken word in die Psalm – God se eer is bo alles belangrik (soos ons ook in die laaste deel van Psalm 18 gesien het).

Bid die Psalm

“U hand sal al u vyande tref. U sterke hand sal al u haters vernietig. U sal hulle vernietig soos in ’n oond die oomblik wanneer U verskyn. Die Here sal hulle in sy toorn verslind, soos vuur sal Hy hulle verteer. U sal hulle kinders van die aarde af uitwis, hulle nageslag uit die mensheid verwyder. Al sou hulle teen U in opstand kom, hulle bose planne sal nie slaag nie. Want U sal hulle laat omdraai en vlug wanneer U pyle op hulle rig. Verhef U in u mag, Here. Ons wil U prys en oor u grootheid sing.” NLV

Boodskap en betekenis

Opstand teen God is nooit ‘n goeie idee nie. Geen bose plan kan God se planne fnuik nie. Daarvoor is God te magtig. En daarop kan ons in elke situasie in ons lewe staat maak. Maar, dit gaan oor God se grootheid, nie ons eie nie. Ons lewens moet God se eer bó alles stel. Dink na oor die wyse waarop God geëer word in jou lewe en gebede. Sy eer is belangriker as joune in die konflikte wat jy ervaar.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Psalm 21 is die keersy van Psalm 20. Waar Psalm 20 die gebed om hulp was, is Psalm 21 die viering van daardie hulp. “U het hom die wens van sy hart gegee en die begeerte van sy lippe nie geweier nie!” En: “Hulle het ’n listige plan uitgedink sonder om iets uit te rig.” Hy kan die Here loof vir sy gebedsverhoring in die eerste deel van die Psalm.

Bid die Psalm

“Vir die koorleier: ’n Dawidspsalm. Die koning is bly oor u mag, Here, vol vreugde oor u verlossing. U het hom sy hartsbegeerte gegee; niks wat hy gevra het, het U geweier nie. Sela U gaan hom tegemoet met seëninge van voorspoed. Op sy kop sit U ’n kroon van suiwer goud. Lewe het hy van U gevra, en U het dit gegee – ’n lang lewe wat steeds voortduur. U oorwinning besorg hom groot eer; met glans en majesteit het U hom beklee. U het hom bekroon met seëninge vir altyd, en hom gegee die blydskap van u nabyheid. Want die koning vertrou op die Here. Die trou van die Allerhoogste sal hom van struikeling bewaar.” NLV

Boodskap en betekenis

’n Mens hoor in die verwysing na die goue kroon wat die Here op sy kop geplaas het (vers 4), moontlik die verhaal van Dawid se oorwinning oor die Ammonitiese koning in Rabba (2 Sam 12:26-31). Daar word vertel dat Dawid: “die kroon van hulle koning se kop afgehaal (het). Die kroon was van goud, sowat vier en dertig kilogram, en het ’n kosbare steen bevat. Dit het nou op Dawid se kop gekom, en hy het ook ’n groot buit uit Rabba saamgevat.” ’n Baie swaar kroon! Die belangrike vir Dawid is egter nie soseer die oorwinning, of die lang lewe en al die ander voordele wat sy verbintenis aan die Here vir hom gee nie, maar die nabyheid van die Here self. Dit gaan nie oor die dinge van die Here nie, maar oor die Here van die dinge! Dink na oor oorwinnings wat die Here in antwoord op gebed vir jou gegee het en loof Hom daarvoor.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees,  en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Psalm 20 en 21 hou sterk verband. Psalm 20 gaan oor gebedsvoorbereiding. Psalm 21 oor gebedsverhoring. Psalm 20 is gebruik in die tempel as voorbereiding vir die koning om te gaan oorlog maak – soos wat die inhoud dit duidelik maak (vgl. 2 Kron. 20). Vandag sal ons dit waarskynlik gebruik in enige situasie waar ons lewens bedreig word, of waar ons in metaforiese sin teenstand teen die evangelie moet hanteer. Let op dat die geloofsgemeenskap hul solidariteit uitspreek met die uitdaging wat wag – al gaan hulle nie self nie – en saam hul afhanklikheid van God bely. Hulle vermeld ook dat hulle liturgies alles gedoen het wat die Here hulle voorgeskryf het in die proses van oorlog maak – d.w.s. hulle het al die offers gebring wat hulle moes. Jy kan lees in 1 Samuel 7 waar Samuel dieselfde doen, deur op die regte manier die offers te bring wat tot oorwinning lei by Mispa. En dan die omgekeerde daarvan in 1 Samuel 13 waar Saul nie wag vir hierdie liturgiese handeling nie, en voortstorm op sy eie pad. Dit lei tot sy verwerping as koning.

Bid die Psalm

“Vir die koorleier: ’n Dawidspsalm. Mag die Here, in tye van nood, antwoord op jou roepstem. Mag die Naam van die God van Jakob jou beveilig teen gevaar. Mag Hy jou te hulp snel uit die heiligdom, en uit Sion jou versterk. Mag Hy dink aan al jou graanoffers, en jou brandoffers gunstig aanvaar. Sela Mag Hy jou hartsbegeertes vervul, en al jou planne verwesenlik. Mag ons juig oor u oorwinning, en baniere hys in die Naam van ons God. Mag die Here al jou gebede verhoor. Nou weet ek: die Here red sy gesalfde koning. Vanuit sy heilige hemel verhoor Hy hom en red hom deur sy groot mag. Sommige volke vertrou op strydwaens en perde, maar ons vertrou op die Naam van die Here ons God. Daardie volke sal val en ineenstort, maar ons sal opstaan en regop staan. Gee tog oorwinning aan ons koning, Here! Mag die Here antwoord wanneer ons na Hom roep.” NLV

Boodskap en betekenis

Let op dat die Psalm en die gebed om oorwinning sterk verbind is aan die Naam van God, wat die belofte inhou dat Hy in ooreenstemming met Homself en hoe Hy Hom openbaar het in die verlede, sal optree. Die geloofsgemeenskap bely daarom dat die oorwinning nie sal afhang van die strydwaens en perde nie (vers 8) – hoewel dit steeds nie sonder hulle geveg gebeur nie – maar van God wat die oorwinning gee (vers 8-9), wat dan ook die spits is van hulle gebed: “Here, gee tog aan die koning die oorwinning” (vers 10). Dit is vandag nog waar – ons moet doen wat ons moet doen, maar die sukses hang uiteindelik af van God wat optree. Psalm 20 is daarom ’n besondere Psalm om te bid in aanloop tot een of ander stryd in jou lewe, “the day of trouble” soos ’n kommentaar dit stel. Let op die rol van gebede en planne maak wat lei tot die ondersteuning van die geloofsgemeenskap en ’n oproep tot medestryders wat vanuit die gemeente in die stryd gebruik kan word. Onthou, jy staan nie alleen nie! Sorg daarom ook dat jou eie lewe onberispelik is en dat jy “volgemaak” is deur die Woord. Dit is al manier om vas te staan vir die oorwinning wat God sal bring.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)