Author: Chris van Wyk

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Die Psalmis is egter ook in die sesde plek bewus van die feit dat mense, veral armes, dit soms hotagter het waar magtiges hulle verdruk, al het die armes geen skuld daaraan nie. Waar mense dus verminder en wegkwyn onder die druk van teëspoed en moeilikheid, daar bring die Here ook omkeer, beskerming en seën. Die Psalm eindig met die waarneming dat waar opregtes dié dinge sien – God se sorg in toegevalde situasies van ballingskap en gevangenisskap, op die see en die land – is hulle bly. Trouens, deur sy goedheid en getrouheid maak hy bose mense stom. Dit kan ons ter harte neem en ons aandag voluit vestig op wat Hy kan doen.

Bid die Psalm

“Wanneer hulle verminder en kwyn, deur verdrukking, onheil en verdriet, tref Hy hulle leiers met vernedering sodat hulle rondswerf in ’n woesteny sonder ’n pad. Maar die armes in nood beskerm Hy, en Hy maak hulle nageslag so talryk soos troppe vee. Die opregtes sal dit sien en bly wees, maar al die goddeloses sal stom word. Laat dié wat verstandig is dit ter harte neem, en hulle aandag vestig op die trou van die Here.” NLV

Boodskap en betekenis

God se getrouheid snoer die monde van die onregverdiges. Eugene Peterson vertaal: “Good people see this and are glad; bad people are speechless, stopped in their tracks.” (The Message). Opregtes is dus bly omdat die dade van God se getrouheid wys dat God in staat is om die onreg en verdrukking om te keer. Die punt is dat God se goedheid en getrouheid bose mense stilmaak. Daarom moet ons sonder ophou daaroor praat en God daarvoor loof. As jy dus vandag terugkyk op die hele Psalm – lees dit miskien weer as ‘n eenheid – kan jy let op hoe God se liefde in die middelste deel van die Psalm al die bekende ruimtes van dié tyd insluit: die ballingskap en die beloofde land, die aarde en die see, die magtiges en die armes. Let ook op hoe God se genade telkens kom waar daarvoor gebid en gesmeek word. God is goed. Hy is regtig goed. Aan sy getrouheid en liefde is daar geen einde nie. Hom kan jy vertrou. Loof die Here! Die wysheid wat die Psalmis daarom aan ons wil deurgee, word in vers 43 só opgesom: “Laat dié wat verstandig is dit ter harte neem, en hulle aandag vestig op die trou van die Here.” Daar gaan nog baie uitdagings wees, beide in terme van veiligheid en verhoring soos dit in die volgende twee Psalms aangeroer gaan word. Maar, die wyses, die verstandiges, fokus hierop. Hulle gee ag op die bewys van God se trou in die verlede as ‘n inspirasie en motivering om God vir die hede en die toekoms te vertrou. Geen wonder dat dié God geprys moet word nie, want Hy is goed, aan sy liefde is daar geen einde nie.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Die vyfde situasie waar op God se goedheid en getrouheid staat gemaak kan word, is uiteraard ook op die aarde (soos dit ook die geval was op die see). Die psalmis beklemtoon hier dat, alhoewel God ontbering bring as gevolg van mense se sonde, Hy ook seëninge bring (vgl. die vloeke en seëninge van Deut. 28–30).

Bid die Psalm

“Hy verander riviere in woestyne, fonteinryke plekke in ’n dorsland, en vrugbare landerye in brakgrond, weens die kwaad van die inwoners. Maar Hy verander ook woestyne in waterryke vleie, droë grond in fonteinryke plekke waar Hy hongeriges laat bly wat stede kan bou om in te woon. Hulle bewerk lande, en plant wingerde wat goeie oeste oplewer. Hy seën hulle en hulle vermeerder; ook hulle beeste laat Hy nie verminder nie.” NLV

Boodskap en betekenis

Waar God is, daar kan die woestyngebied eintlik nie anders as om ‘n rietvlei, ‘n fonteinryke wêreld te word nie. God se goedheid sluit dus selfs sy seëninge in die natuur in. Daar kan honger mense hulle vestig en floreer omdat hulle gedy in die seën wat die Here skenk.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Die vierde situasie waarop Psalm 107 fokus is seevaarders wat op die see in die nood kom, en magteloos deur die stormwind en golwe heen en weer geslinger word, en dan ervaar dat God hulle na veiligheid begelei, as hulle hom aanroep. ‘n Mens hoor hier eggo’s van wat die matrose in die verhaal van die profeet Jona ervaar het. God het ook hulle na veiligheid en vryheid gelei.

Bid die Psalm

“Sommige mense het met skepe op die see gevaar, en op die groot oseane handel gedryf. Hulle het die Here se werk gesien, sy wonderdade op die diepsee. Hy praat, en die stormwinde steek op, en die golwe word al hoër. Die skepe is hemelwaarts geslinger en het dan weer dieptes toe getuimel. Die matrose, radeloos van vrees, het net soos dronkaards getol en gewaggel, en al hulle kennis was tevergeefs. “Here, help ons!” het hulle geroep in hulle nood, en Hy het hulle uit al hulle ellende gered. Hy het die storm stilgemaak en die golwe het bedaar. Hulle was bly toe dit kalm word en Hy hulle na die hawe toe lei waar hulle wou wees. Laat hulle die Here loof vir sy liefde en vir al sy wonderdade aan hulle. Laat hulle Hom verheerlik in die vergadering van die volk, en Hom prys in die byeenkoms van die leiers.” NLV

Boodskap en betekenis

Waar God ‘n mensestem hoor roep, dáár luister Hy, maak die stormwind stil en gee kalmte. Jare later sou Jesus dit konkreet illustreer vir sy eie dissipels (Mrk. 4:30-41). Ook Paulus sou dit ervaar dat God IN die storm bewaring skenk (Hand. 27). So kan ons Hom ook vertrou, want Hy is goed en getrou.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

In ‘n voortsetting van die vorige beskrywing word gefokus op ‘n derde situasie waar mense in die dwaasheid van ‘n rebelse optrede teenoor God in die nood gekom het, maar tog steeds ervaar het dat toe hulle na Hom roep, Hy hulle daaruit gered het.

Bid die Psalm

“Sommige mense was dwaas in hulle opstand en het weens hulle eie sondes gely. Al hulle eetlus was weg, en die dood was naby. “Here, help ons!” het hulle geroep in hulle nood, en Hy het hulle uit al hulle ellende gered. Met ’n woord wat Hy gestuur het, het Hy hulle genees, en hulle van die dood weggeruk. Laat hulle die Here loof vir sy liefde, en vir al sy wonderdade aan hulle. Laat hulle dankoffers bring en met vreugde van sy dade vertel.” NLV

Boodskap en betekenis

Rebellie teen God het nooit goeie gevolge nie. Soos die Psalmis metafories sê, dit kan jou selfs aan kos laat walg, só swaar is die ellende wat rebelle kan tref. Maar, die evangelie in die Psalm is, God hoor selfs rebelle se hulpgeroep en maak hulle met een woord gesond (moontlik ‘n verwysing na die boodskappe van hoop wat deur die profete oor Israel in ballingskap uitgespreek is). Interessant dat rebellie daarmee eintlik as ‘n soort siekte geteken word wat deur God se genesende hand verwyder word as Hy om hulp genader word! Laat ‘n mens met nuwe oë kyk na van die genesingsverhale in die NT waar Jesus ook telkens vergifnis aanbied saam met of selfs voor die genesing (Luk. 5:17-26).

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)