Author: Chris van Wyk

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Ons kom aan die einde van die tweede reeks Psalms – Psalm 110-118 – in die vyfde Psalmboek wat die geloofsgemeenskap gehelp het om te fokus op God se beloftes. Psalm 118 rond nou dié inleidende fokus op God se beloftes af met die gedagte dat daar aan God se liefde geen einde is nie, soos Hy dit oor en oor in die geskiedenis bewys het. Daarvan moet Israel getuig. Daarvoor moet Israel God loof. Die Psalm kan in twee dele opgedeel word aan die hand van die inhoud. Die eerste deel fokus op gebedsverhoring wat onderstreep dat God goed is, dat aan sy liefde daar geen einde is nie – vers 1-18. Dit is waarskynlik bedoel as ‘n danklied vóór die tempel deur die koning of een of ander leier wat die geloofsgemeenskap se dank verwoord. Die tweede deel fokus op die lofprysing en danksegging wat onderstreep dat die Here lewe skenk, dat aan sy liefde daar geen einde is nie – vers 19-29. Dit is waarskynlik bedoel as ‘n danklied ín die tempel soos ons uit vers 19 aflei: “Maak die tempelpoort vir my oop: ek wil ingaan en die Here loof.”

Bid die Psalm

“Loof die Here, want Hy is goed! Sy goedheid duur vir altyd. Laat Israel sê: “Sy goedheid duur vir altyd.” Laat die huis van Aäron sê: “Sy goedheid duur vir altyd.” Laat almal wat die Here dien, sê: “Sy goedheid duur vir altyd.” In my nood het ek tot die Here gebid. Die Here het my geantwoord en my bevry. Die Here is by my, ek sal nie bang wees nie. Wat kan ’n mens aan my doen? Die Here is by my, Hy help my. Ek sal neersien op my haters. Dit is beter om by die Here te skuil as om staat te maak op mense. Dit is beter om by die Here te skuil as om op vername mense te vertrou. Al die nasies het my omsingel; in die Naam van die Here het ek hulle afgeweer. Hulle het my inderdaad van alle kante omsingel, maar in die Naam van die Here het ek hulle afgeweer. Soos bye het hulle om my geswerm, maar soos brandende doringtakke is hulle geblus. In die Naam van die Here het ek hulle afgeweer. Hulle het probeer om my heeltemal om te stoot, maar die Here het my gehelp. Die Here is my sterkte en my beskerming; Hy het my redder geword. Vreugdeliedere van redding word gesing in die tente van die regverdiges. Die Here se regterhand het roemryke dinge gedoen. Die Here se regterhand is triomfantlik omhoog. Die Here se regterhand het roemryke dinge gedoen. Ek sal nie sterf nie, maar lewe, en van die Here se werke vertel. Die Here het my swaar gestraf, maar nie aan die dood oorgegee nie.” NLV

Boodskap en betekenis

Die Psalm begin met die belydenis dat God goed is, dat aan sy liefde daar geen einde is nie. Dít is iets wat die volk Israel sowel as sy geestelike leiers uit die huis van Aäron moet inspireer om te getuig. Trouens: Elkeen: “wat die Here dien” – vir Hom ontsag het – moet getuig daarvan dat sy liefde geen einde het nie. In die danklied vóór die tempel verwoord die koning of een of ander geestelike leier die dank wat hulle het omdat God hulle gebede verhoor. Soos in Psalm 23 bely hulle dat die Here by hulle is, en dat hulle daarom geen vrees het nie: “Wat kan ‘n mens aan my doen?” Die Here is die enigste skuilplek wat van waarde is. Geen fisiese skuilplek kan só help as die geestelike skuiling wat ‘n mens by die Here kan vind nie. Selfs toe nasies “soos bye” die volk omsingel het, kon hulle in die Naam van die Here die aanval afslaan. Die bye het: “soos doringtakke in ‘n vuur verdwyn.” Die vyande wou die volk platloop, maar het nie rekening gehou met die Here wat hulle uit die gevaar gered het nie.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Hierdie Psalm het twee besondere dinge wat dit laat uitstaan. Dit is die kortste Psalm, trouens die kortste hoofstuk in die Bybel. Dit is ook die middelste hoofstuk in die Protestantse Bybel. Daar is 594 hoofstukke daarvoor en 594 hoofstukke daarna, in totaal 1189 hoofstukke met Psalm 117 ingesluit. Die Psalm is eintlik net een lang sin. Dit roep alle nasies saam met die Godsvolk op om God te prys en wel om twee redes: God se liefde is onmeetlik; God se trou is oneindig.

Bid die Psalm

“Loof die Here, al die nasies. Prys Hom, alle volke. Want sy liefde is groot oor ons; die trou van die Here bly vir altyd. Prys die Here!” NLV

Boodskap en betekenis

Die eerste rede vir die Psalmis se lofprysing is die feit dat God se liefde vir ons so sterk is. Die Hebreeus gebruik ‘n woord vir “sterk” wat vir jou die idee gee dat sy liefde soos ‘n groot toring is wat ontsag by ons wek – soos om langs ‘n hoë gebou te staan en deur die grootte daarvan oorweldig te word . Die NET Bible vertaal daarom op voetspoor van dieselfde woord in Ps. 103:11: “For his loyal love towers over us.” Peterson vertaal dit só: “His love has taken over our lives.” (The Message). Die 1953-vertaling het dit weer as: “want sy goedertierenheid is geweldig oor ons.” Hoe ook al, God se liefde is ongelooflik groots in ons lewe. Sy liefde is onmeetlik. Die tweede rede is die feit dat daar geen einde aan God se trou is nie. Soos God se liefde se “hoogte” oorweldigend groot is, is sy trou iets waarvan ‘n mens nie by die einde daarvan kan kom nie. Dit asof God se liefde as ‘n vertikale werklikheid geteken word, en sy trou as ‘n horisontale werklikheid. Sy trou kom vanuit die oneindigheid van die ooste en strek tot die oneindigheid van die weste. Dieselfde van die suide af tot in die noorde. Daar is geen einde aan God se trou nie. Sy trou is oneindig. En as jy dié twee dinge saamgooi, sy groot liefde, en sy oneindige trou, kan ‘n mens dit só opsom: God is oneindig betroubaar in sy onmeetlike liefde vir ons. Daarom moet God geprys word. Dit is ‘n boodskap wat vir alle nasies is. Daar is net een God vir alle nasies. Daar is ook net een God vir die kerk. Wat beteken dat almal opgeroep word om Hom vir sy betroubare liefde te loof, soos Paulus in Romeine 15:7-13 dit doen met ‘n aanhaling uit Psalm 117:1 (sowel as uit Ps. 18:50; 2 Sam 22:50; Deut. 32:43; Jes. 11:10). Dink vandag terug aan ervarings wat vir jou onderstreep dat God se liefde vir jou sterk is, en dat daar geen einde aan sy trou is vir jou nie. En prys Hom in gebed regdeur die dag.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

Nadat die Psalmis sy liefde vir die Here verklaar het weens sy ervaring van verlossing, beskryf hy op ‘n roerende manier sy geloof wat ten spyte van die gevaar en vertwyfeling nie tot niet gegaan het nie. Die Here het Hom gered en daarom sal hy die Here nou in die geloofsgemeenskap dank. Die Psalmis lewer daarom ‘n getuienis in die geloofsgemeenskap wat twee keer beskrywe word – Psalm 116:13-14; 18-19 – om die belangrikheid daarvan te onderstreep. Dit sluit ‘n drankoffer in, sowel as ‘n gelofte wat Hy aan die Here betaal in die teenwoordigheid van die geloofsgemeenskap.

Bid die Psalm

“Daarom wandel ek voor die Here in die land van die lewendes. Ek het geglo toe ek gesê het: “Ek is in groot ellende.” In my angs het ek uitgeroep: “Alle mense is leuenaars!” Hoe kan ek die Here vergeld vir al sy goeie dade aan my? Ek sal die beker van redding optel en die Naam van die Here aanroep. My geloftes aan die Here sal ek betaal in die teenwoordigheid van sy hele volk. Die dood van sy getroue dienaars is kosbaar vir die Here. Here, ek is u dienaar. Ja, ek is u dienaar, seun van u dienares. U het my bevry van my bande! Ek sal ’n dankoffer aan U bring en die Naam van die Here aanroep. My geloftes aan die Here sal ek betaal in die teenwoordigheid van sy hele volk in die voorhowe van die huis van die Here, in die hart van Jerusalem. Prys die Here!” NLV

Boodskap en betekenis

Ons kan baie by die Psalm leer oor hoe om ons eie getuienis in die geloofsgemeenskap te lewer. Uiteraard help detail om begrip te gee vir die situasie, maar die fokus moet op die Verlosser val, nie op die verloste nie. Die belangrike klem op die liefde vir God in die eerste deel word geëggo in die liefde wat God vir sy troue dienaars het: “Vir die Here is die dood van sy troue dienaars geen geringe saak nie.” (Ps. 116:15). Dit is ‘n geweldige troos in die tipe uitdagings waarvoor elke getroue kind van God te staan kom. Dit is dié God wat ons in geloof laat bly volhard! Die drankoffer word in die Skrif verbind aan beide die verlossing uit gevaar – vgl. die verhaal van Jakob wat ‘n drankoffer uitgiet op die klip waar hy die ontmoeting met die Here by Bet-El gehad het (Gen. 35:14) – sowel as aan die offerkultus in die tempel. Interessant genoeg verbind ook Paulus geloof aan die metafoor van ‘n drankoffer in Filippense 2:17: “Julle geloof is ’n offer in diens van God. Selfs al word my bloed daarby as drankoffer uitgegiet, is ek daaroor bly, ja, is ek saam met julle almal bly.” Dit is só wonderlik om die getuienis te hoor van hierdie Psalmis: “Die dood van sy getroue dienaars is kosbaar vir die Here,” of soos die 1983-vertaling dit vertaal: “Vir die Here is die dood van sy troue dienaars geen geringe saak nie.” (Ps. 116:15). Uiteraard kan dit soms nie vermy word nie – soos die Here Jesus Christus ook moes agterkom – maar dit raak die hart van God.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

‘n Mens kan Psalm 116 in twee dele indeel op grond van die belangrike klem van die liefde vir God in vers 1-8 en die verdere klem op sy geloof in God wat tot verlossing gelei het en waarvoor hy die Here dank in die geloofsgemeenskap: vers 9-19. Die Psalm is ook belangrik weens die belangrike wyse waarop die Psalmis se getuienis fokus op God as die Verlosser en nie op homself as die verloste nie. Ons lees dit in twee dele.

Daar is ‘n besondere roerende weergawe van dié Psalm in die Liedboek van die NG Kerk van T.T. Cloete op die melodie van Maître Pierre Davantés: J’aime mon Dieu, car lorsque j’ay crié wat alreeds in 1562 getoonset is. Die melodie is dus al vier en ‘n half eeue met ons:

“God het ek lief, omdat Hy my verhoor.

Ek was beangs; Hy het na my geluister.

Toe ek Hom roep vanuit die dood se duister:

‘Heer, red my tog,’ het Hy my stem gehoor.”

Hier is ‘n orrelweergawe van Dick Sanderman wat jy op jou rekenaar kan speel terwyl jy dié vers saamsing of saambid (Whatsapp gebruikers kan dit op die webtuiste bybelskool.com vind).

Bid die Psalm

“Ek het die Here lief, want Hy antwoord my smeekgebed. Omdat Hy na my geluister het, sal ek Hom aanroep solank ek lewe. Bande van die dood het my omring, angs van die doderyk het my oorval. Vrees en verdriet het my oorweldig. Toe roep ek die Here se Naam aan: “Here, red my tog!” Die Here is genadig en regverdig. Ons God bewys barmhartigheid. Die Here beskerm die eenvoudiges. Ek was in nood, maar Hy het my gered. Nou kan ek weer gerus wees, want die Here was goed vir my. U het my van die dood gered, my oë van trane bevry, my voete van struikeling weerhou.” NLV

Boodskap en betekenis

Let op dat die Psalmis baie direk oor die liefde vir God praat. Daar is verskeie Psalms wat praat van God se liefde vir sy mense (Ps. 11:7; 41:12; 146:8), sy liefde vir die reg (Ps. 33:5; 37:28; 45:8; 99:4) en sy liefde vir Sion (Ps. 84:2). ‘n Hele paar Psalms praat ook van die geloofsgemeenskap se liefde vir die tempel en Sion (Ps. 26:8; 84:2; 102:15), asook vir die wet (Ps. 119:113, 119, 163), die verordeninge (Ps. 119:167), en die woord (Ps. 119:140). Maar net drie Psalms praat direk van die Psalmis se liefde vir God self:

• Psalm 18:2: “Ek het U baie lief, Here, my Sterkte.” Die liefde vir God word in die konteks van Dawid wat uit die mag van Saul verlos is, verklaar.
• Psalm 97:10: “Julle het die Here lief, haat dan wat sleg is.” Die liefde word as motivering vir ‘n heilige lewe aangevoer.
• Psalm 116:1: “Ek het die Here lief, want Hy verhoor my smeekgebede.” Weereens word die liefde in die konteks van die verlossing uit gevaar uitgespreek, soos met Psalm 18.

Die Psalmis is lief vir die Here omdat hy uit gevaar gered is. Die Here het na hom geluister in sy genade, regverdigheid en ontferming (Ps. 116:5). Hy kan dus tot rus kom, want die Here het goed aan hom gedoen, ‘n einde aan sy trane gemaak (Ps. 116:7-8). Die Psalmis beskryf egter die situasie waaruit hy gered is net vaagweg. ‘n Mens kan agterkom dat dit iets te make het met doodsangs (Ps. 116:3,8) waarin hy gedink het dat mense hom óf in die steek gelaat het of net afwesig was (Ps. 116:11). Dit kan ook wees dat hyself gestruikel het op een of ander wyse, of van struikeling bewaar is (Ps. 116:8). ‘n Mens sou goedskiks kon dink dat dieselfde agtergrond van die verlossing uit die mag van Saul van toepassing kon wees, soos dit uitgespel word in Psalm 18, maar ons weet nie genoeg om dit te kan sê nie.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)

Die fokus van hierdie Leesplan is gemeenskap met God. Ons begin telkens met die bid van die Ons Vader, bid dan die Psalm met ‘n tyd van nadenke, en sluit ons gebedstyd af met ‘n kort Lofprysing. Die idee is dat jy na die Ons Vader die kort gedeelte oor die teks en konteks van die Psalm lees, daarna die Psalm met aandag deurlees, en dan vers vir vers in jou eie woorde (hardop as dit kan) bid. Daarna kan jy die kort bydrae oor die boodskap en betekenis lees vir nadenke. Sluit met die bid van die Lofprysing. Die middag en aand bid jy net die Ons Vader, die Psalm, en die Lofprysing.

Ons Vader

“Ons Vader wat in die hemele is, laat u Naam geheilig word. Laat u koninkryk kom. Laat u wil geskied, soos in die hemel, so ook op die aarde. Gee ons vandag ons daaglikse brood. En vergeef ons ons sondes, soos ons ook ons skuldenaars vergeef. En laat ons nie in versoeking kom nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.” (Matt. 6:9-13)

Teks en konteks

‘n Interessante aspek van Psalm 115 help ‘n mens om aan die een kant die moontlike funksie en rol daarvan in oud-Israel agter te kom en aan die ander kant om dit vir jouself toe te eien. Dit is die waarneming van baie geleerdes dat daar verskillende stemme in die Psalm onderskei kan word. Dit wil voorkom asof dieselfde stem die Psalm begin – vers 1-8 – en die Psalm eindig – vers 16-18. Moontlik was dit die geloofsgemeenskap in die tempel. In die middelste gedeelte – vers 9-15 – kan ‘n mens moontlik ‘n voordrag deur van die priesters onderskei in twee dele (gerig aan die volk, en gerig aan almal saam) – wat die gebruik van dié Psalm in ‘n liturgie verder onderstreep. Daarom lees ons die hele Psalm as ‘n eenheid. Ek merk ook die verskillende stemme om jou te help.

Bid die Psalm

Geloofsgemeenskap: ^1-8“Nie aan ons nie, Here, nie aan ons nie, maar aan u Naam kom toe die eer op grond van u liefde en u trou. Waarom sou die nasies dan sê: “Nou waar is hulle God?” Maar ons God is in die hemel en Hy maak soos Hy wil. Húlle afgode is van silwer en goud, deur mensehande gemaak. Hulle het monde, maar praat nie, hulle het oë, maar kan nie sien nie. Hulle het ore, maar kan nie hoor nie, ook het hulle neuse, maar kan nie ruik nie; hulle het hande, maar kan nie voel nie, hulle het voete, maar kan nie loop nie. Hulle kan nie eers geluide maak met hulle kele nie! Hulle makers sal net soos hulle afgode wees, so ook almal wat op hulle vertrou.

Priesters: ^9-11Israel, vertrou op die Here! Hy is hulle helper, Hy is hulle skild. Huis van Aäron, vertrou op die Here! Hy is hulle helper, Hy is hulle skild. Julle almal wat die Here dien, vertrou op die Here! Hy is hulle helper, Hy is hulle skild.

Priesters: ^12-15Die Here dink aan ons en seën ons. Hy seën die huis van Israel, Hy seën die huis van Aäron, Hy seën hulle wat die Here dien, sowel klein as groot. Mag die Here julle vermeerder, julle en julle kinders. Mag die Here julle seën, Hy wat hemel en aarde gemaak het. Die hemele behoort aan die Here, maar die aarde het Hy vir die mensdom gegee.

Geloofsgemeenskap: ^17-18Dooies kan die Here nie prys nie, ook nie hulle wat die grafstilte binnegaan nie. Maar óns kan die Here loof, nou en vir altyd! Prys die Here!” NLV

Boodskap en betekenis

Dit gaan in vers 1-8 oor die aanvanklike weeklag van die geloofsgemeenskap, waarskynlik in die ontwrigtende situasie van die terugkoms ná die ballingskap, oor die spottery wat hulle moet verduur van afgodsdienaars wat die Here se bestaan ontken. Hulle herinner die Here aan sy liefde en trou wat eer aan sy Naam gee. Let op hoe die geloofsgemeenskap met dié klag hulle eie posisie in afhanklikheid van die Here uitspel. In vers 9-11 antwoord die priesters op die weeklag van die geloofsgemeenskap en beklemtoon vertroue op die Here se hulp en beskerming. In vers 12-15 herinner hulle die geloofsgemeenskap om na te dink nie net oor hulle klag nie, maar oor die wonderlike werklikheid dat Here aan hulle dink en sy algemene seën aan die geloofsgemeenskap sal skenk. Hulle herinner hulle almal saam aan die Here se beloftes rondom die seën van ‘n nageslag en koppel dit aan sy Skeppingsmag. Dié beloftes word nie net uitgespel nie, maar aktief ingespan om vir die Here se vervulling daarvan te vra. Soos die hemel daar is vir die Here, só is die aarde en sy seën daar vir die mense en pleit hulle dat hulle iets daarvan sal kan ervaar. Die geloofsgemeenskap sluit in vers 16-18 op ‘n lofprysende noot af met die voorneme om die Here steeds te prys, “nou en vir altyd!” in reaksie op die herinnering en beloftes van die middelste gedeelte. Die Psalm is daarom ‘n wonderlike uitnodiging om met jou eie situasie voor die Here te kom en aan die een kant jou eie afhanklikheid van die Here te erken, maar aan die ander kant ook jouself te herinner aan God se beloftes en jou vandag in vertroue op God se hulp, beskerming en seën te verlaat. Die Psalm laat my dink aan die opmerking wat John R.W. Stott oor Bybelstudie gemaak het: “In the Bible God gives us revelations of himself which leads us to worship, promises of salvation which stimulates our faith, and commandments expressing his will which demand our obedience. This is the meaning of Christian discipleship.” Dié Psalm leen hom uitstekend daartoe om dit op soortgelyke wyse te lees vir openbarings van God self – Hy bewys liefde en trou, Hy help en beskerm – sy beloftes – Hy seën in die algemeen sowel as in spesifieke omstandighede – en opdragte – om Hom te vertrou en nou en vir altyd te loof. Die meeste Bybelgedeeltes kan met dié eenvoudige drie vrae gelees word tot groot seën vir jou.

Lofprysing

“Weet vandag en verstaan dat die Here God is; Hy alleen is God in die hemel en op die aarde.” (Deut. 4:39)