Skip to main content

Tag: Johannes

Johannes 4:43–5:47 – Lewe kom deur vertroue op God en ’n gehoorsame luister na sy woorde

Written by Chris van Wyk on . Posted in Johannes. No Comments on Johannes 4:43–5:47 – Lewe kom deur vertroue op God en ’n gehoorsame luister na sy woorde

RUS

  • Ek raak stil voor die Here en vra vir insig in wat Hy aan my openbaar deur die evangelie.

HOOR

  • In my lees van hierdie gedeelte tref die volgende aspekte my:

Die gedeelte bestaan uit vier perikope:

  1. die 2de wonderteken van die genesing van die regeringsamptenaar se seun (Matteus 8:5-13 en Lukas 7:1-10 het ’n soortgelyke verhaal waar dit ’n slaaf is wat genees word) – 4:43-54;
  2. die 3de wonderteken van die genesing van die siek man by die bad van Betesda – 5:1-17;
  3. die verweer van Jesus teen die Jode wat reeds nou al sy dood beplan, dat Sy genesings sy band met die Vader bevestig wat die ewige lewe gee vir elkeen wat in Hom glo – 5:18-29;
  4. die werk van Jesus wat Hy as getuienis aanbied waarmee Hy mense uitnooi om die lewe uit Sy hand te aanvaar, ’n getuienis wat ooreenkom met wat die Skrifte inderdaad ook oor Hom getuig, as hulle dit net sou glo – 5:30-47.

Continue reading

Johannes 4:1–42 – Die Samaritaanse vrou aanbid Jesus en bring ’n hele dorpie na Hom toe

Written by Chris van Wyk on . Posted in Johannes. 5 Comments on Johannes 4:1–42 – Die Samaritaanse vrou aanbid Jesus en bring ’n hele dorpie na Hom toe

RUS

  • Dit is nog stil en donker buite.
  • Ek bid om God se teenwoordigheid vir hierdie dag.

HOOR

  • Ek lees die Skrifgedeelte met groeiende verwondering oor die impak wat Jesus op mense het.
  • Wat my in hierdie gedeelte tref:
Let op dat Jesus se volgende gesprek ’n direkte gevolg is van die Fariseërs se kennisname van sy groeiende bediening, ’n bediening wat groter begin word as dié van Johannes die Doper, soos wat hy net in die vorige perikoop beskrywe het, sal gebeur. Hoewel dit nog onderbeklemtoon is, hoor ’n mens daarin ook die broeiende konflik met die leidende Joodse godsdienstige partye.

Interessant genoeg is die leidende metafoor steeds dié van water – ons het alreeds kennis geneem van die verandering van water in wyn (Kana), die verwysing na gebore uit water (Nikodemus), die verwysing na die reiniging met water (Johannes die Doper) en nou die doop (Jesus).  En dít is presies dié metafoor wat in die verhaal van die Samaritaanse vrou die hoofrol gaan speel – ’n dors Jesus by die put, die water wat hy van haar vra, en die lewende water wat Jesus vir haar kan gee.

Continue reading

WEEK 2: Johannes 4:1-8:11

Written by Chris van Wyk on . Posted in Johannes. No Comments on WEEK 2: Johannes 4:1-8:11

Ons lees hierdie week:

  1. die bekende verhaal van die Samaritaanse vrou waarin lewende water ’n belangrike rol speel (4:1-42),
  2. van twee genesings: die regeringsamptenaar se seun (4:43-54) en die siek man by die bad van Betesda (5:1-16) waarop Jesus uitbrei en praat oor die lewe wat Hy bring (5:18-47),
  3. van die vermeerdering van brood (6:1-15) waarop Jesus kommentaar lewer (6:22-40) nadat Hy op die water geloop het (6:16-21) om sy beheer oor dinge wat die dissipels bang maak, te demonstreer,
  4. van die verskillende reaksies op Jesus – die Jode wat Hom nie begryp nie (6:41-59), selfs van sy dissipels (6:60-71) en broers (7:1-9) wat nie glo nie en
  5. van die lewende water wat sal vloei uit dié wat wel glo (7:10-39) wat tot ’n verdere aantal reaksies op Hom lei en dit ’n vrou wat in owerspel betrap is eerder as die Joodse godsdienstige leiers wat in Hom glo (7:37-8:11).

Johannes 2:23–3:36 – As iemand nie van bo-af gebore word nie

Written by Chris van Wyk on . Posted in Johannes. 4 Comments on Johannes 2:23–3:36 – As iemand nie van bo-af gebore word nie

RUS

  • Die huis is stil, dit is pragtig buite.  En ek het net ’n behoefte aan God se teenwoordigheid – om Hom as naby te ervaar.
  • Ek gee hierdie behoefte van my in gebed aan Hom met die verwagting dat dié Skrifgedeelte iets van Hom vir my sal gee.

HOOR

  • Ek lees die gedeelte, een van my geliefdes.
  • Die volgende aspekte tref my (met ’n bietjie insette van kommentare na die tyd daarby ingewerk, soos ek dit altyd doen):

Drie reaksies op Jesus word in hierdie gedeelte vertel: 1) mense wat tot geloof in Hom kom op grond van die wondertekens wat Hy gedoen het – 2:23-25, en 2) die gesprek wat Nikodemus, die Fariseër en bekende leermeester, met Jesus een nag kom voer het – 3:1-22 en 3) die getuienis van Johannes die Doper oor Jesus – 3:22-36.

Let op dat die wonderteken van die water wat in wyn verander is, hou verband met die persoonlike geloofsvernuwing wat in die beoordeling van die wondergelowiges sowel as die geloofsgesprek met Nikodemus aangeroer word.  Net so hou die reiniging van die tempel verband met die godsdiensvernuwing wat in die gesprek met die Samaritaanse vrou by die put net hierna in hoofstuk 4 aangeroer sal word.

Continue reading

Johannes 2:13–22 – Die liefde vir U huis verteer my

Written by Chris van Wyk on . Posted in Johannes. No Comments on Johannes 2:13–22 – Die liefde vir U huis verteer my

RUS

  • My diepste behoefte vanoggend is vrede.
  • Ek bid daarvoor en bring my behoeftes voor God met danksegging en smeking, soos Filippense 4 my leer.

HOOR

  • Ek lees die Skrifgedeelte hardop in my kantoor.
  • Die volgende aspekte tref my:
Hierdie gedeelte kom ook in die ander evangelies voor (Mark 11:15–19; Matt 21:12–17; Luk 19:45–48).  Johannes plaas sy verhaal egter aan die begin van Jesus se bediening, terwyl die ander dit in die laaste week van Jesus se bediening, interessant genoeg ook reg voor ‘n Paasfees, plaas.

Baie is al geskryf om hierdie verskil te verklaar.  Daar is redelike konsensus dat daar net een só ‘n gebeurtenis was, dat dit wel in die laaste week van Jesus se bediening was, en dat Johannes ‘n teologiese punt probeer maak deur die verhaal hier te plaas – Jesus wil die ware aanbidding van God herstel, soos ‘n mens ook in die gesprek met Nikodemus en die Samaritaanse vrou hierna agterkom. Die reiniging van die tempel is dus in daardie konteks vir hom belangrik.

Continue reading

Onlangse kommentaar

  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.
  • sparklybc467b2e69 on Psalm 107:1-9Psalm 1:1 Stel dit so mooi hoe ons, ons pad moet hou en dat ons moet hou en bly by GOD se gebooie
  • sparklybc467b2e69 on Psalm 106:43-48Goeie naand, Psalm 106: 28 Kan u asb vir my verduidelik wat Baâlpeor is ? Baie dankie Amanda