Uiteraard kan elkeen van die Psalms op hulle eie gelees word, soos dit aanvanklik ook geskryf is.  Daar is egter ook ’n besondere chiastiese (konsentriese) patroon merkbaar in die wyse waarop die Psalms in die Psalmboek gerangskik is.  Dit help ‘n mens om Psalm 19 as die sentrum of spilpunt van hierdie reeks Psalms te sien, en die absolute sentrale rol wat dit speel raak te sien, om teologies oor die Godsopenbaring na te dink.

Psalm 15

Die belangrike punt wat die Psalm maak is dat jou lewe met ander mense volledig verweef is met  jou lewe met God.  Hoe jy leef, prakties, elke dag, berei jou voor om in God se teenwoordigheid te leef, en andersom. Jou alledaagse lewe beïnvloed jou geestelike lewe, en jou geestelike lewe beïnvloed jou alledaagse lewe.

Let op hoe die Psalm gemaklik wissel tussen getuienis en gebed, tussen iets sê oor sy verhouding met God, en om God direk aan te spreek.  Sy praat oor God lei tot ’n praat met God en andersom.

Hierdie Psalm, seker die bekendste van alle Psalms, is die gebed vir alle seisoene van die lewe.Dit is die geloofsbelydenis van iemand vir wie die Here van sy jeug af alles was.  En wat ervaar het dat God in alle seisoene van die lewe Homself as herder bewys het.

Psalm 17 – ’n Nag-gebed vir beskerming van ’n onskuldige

Dit is ’n Psalm vir beskerming wat ‘n onskuldige bid wat onder groot druk verkeer.  Dit lyk asof dit ook ‘n nag-gebed is, want hy bid dit waarskynlik gedurende ‘n lang nag se worsteling met sy omstandighede (vers 3,15).