Skip to main content

Author: Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Gaan in deur die nou poort

MATTEUS 7:13-14

13 “Gaan in deur die nou poort, want wyd is die poort en breed die pad wat na ondergang lei, en dié wat daardeur ingaan, is baie.

14 Hoe nou is die poort en moeilik die pad wat na die lewe lei, en daar is min wat dit kry.”

Continue reading

Vra, dan sal vir julle gegee word

MATTEUS 7:7-12

7 “Vra en vir julle sal gegee word, soek en julle sal vind, klop en vir julle sal oopgemaak word,

8 want die een wat vra, ontvang en die een wat soek, vind en vir die een wat klop, sal oopgemaak word.

9 Of watter mens is daar onder julle vir wie sy seun brood vra – hy sal hom tog nie ’n klip gee nie?

10 Of as hy ’n vis vra – hy sal hom tog nie ’n slang gee nie?

11 As julle dan, alhoewel julle sleg is, weet om goeie gawes vir julle kinders te gee, hoeveel te meer sal julle Vader in die hemel goeie dinge gee vir dié wat Hom vra.

12 Alles dan wat julle wil hê dat die mense vir julle moet doen, so moet julle ook vir hulle doen, want dit is die betekenis van die wet en die profete.”

Continue reading

Moenie skynheilig oordeel nie, sodat julle nie geoordeel word nie

In Matteus 7 fokus Jesus op die vrug van geregtigheid in die lewe van sy dissipels. Jesus spel ses elemente van só ‘n lewe uit vir sy dissipels wat ’n prentjie skets van die omvang van die vrug van geregtigheid wat Hy in die dissipels se lewe verwag. Ons lees die ses gedeeltes opeenvolgend, maar onthou dat dit ‘n eenheid vorm:

  1. Moenie skynheilig oordeel nie, sodat julle nie geoordeel word nie – Matt. 7:1-6
  2. Vra, dan sal vir julle gegee word – Matt. 7:7-12
  3. Gaan in deur die nou poort – Matt. 7:13-14
  4. Pas op vir die vals profete; hulle is wolwe in skaapsklere – Matt. 7:15-20
  5. Die een wat die wil van my Vader doen, sal ingaan in die koninkryk van die hemele – Matt. 7:21-23
  6. Die fondament van jou huis is stewig, as jy hierdie woorde van My hoor en dit doen – Matt. 7:24-29

MATTEUS 7:1-6

1 “Moenie oordeel nie, sodat julle nie geoordeel word nie,

2 want met die oordeel waarmee julle oordeel, sal julle geoordeel word, en met die maat waarmee julle meet, sal vir julle gemeet word.

3 En hoekom sien jy die splinter in jou broer se oog, maar die balk in jou oog merk jy nie op nie?

4 Of hoe sal jy vir jou broer sê: ‘Laat my toe om die splinter uit jou oog uit te haal,’ en daar is inderdaad ’n balk in jou oog?

5 Skynheilige, haal eers die balk uit jou oog uit, en dan sal jy goed sien om die splinter uit jou broer se oog uit te haal.

6 Moenie wat heilig is vir die honde gee nie, sodat hulle nie omdraai en julle verskeur nie, en moenie julle pêrels voor die varke gooi nie, sodat hulle dit nie onder hulle voete vertrap nie.”

Continue reading

Soek eers die koninkryk van God en wat Hy vereis, en al hierdie dinge sal vir julle gegee word

MATTEUS 6:25-34

25 “Daarom sê Ek vir julle: Moenie bekommerd wees oor julle lewe, wat julle moet eet of wat julle moet drink nie, en nie oor julle liggaam, wat julle moet aantrek nie. Is die lewe nie meer as kos en die liggaam as klere nie?

26 Kyk na die voëls van die lug: hulle saai nie en hulle oes nie en maak nie bymekaar in skure nie; tog voed julle Vader in die hemel hulle. Is julle nie meer werd as hulle nie?

27 En wie van julle kan, deur hom te bekommer, een el (ongeveer 45 sentimeter. Hier figuurlik gebruik vir ‘n “kort tydjie”.) by sy lewensduur voeg?

28 En hoekom is julle bekommerd oor klere? Kyk mooi na die veldlelies, hoe hulle groei: hulle werk nie en hulle spin nie;

29 maar Ek sê vir julle dat selfs Salomo in al sy prag nie geklee was soos een van hulle nie.

30 As God dan die gras van die veld wat vandag daar is en môre in ’n vuuroond gegooi word, so klee, dan tog baie meer vir julle, julle kleingelowiges?

31 Moet julle dus nie bekommer en sê: Wat moet ons eet? of: Wat moet ons drink? of: Wat moet ons aantrek? nie.

32 Want die heidene begeer al hierdie dinge. Julle Vader in die hemel weet immers dat julle al hierdie dinge nodig het.

33 Maar soek eers die koninkryk van God en wat Hy vereis, en al hierdie dinge sal vir julle gegee word.

34 Moet julle dus nie oor môre bekommer nie, want môre sal vir homself sorg. Elke dag het genoeg moeilikheid van sy eie.”

Continue reading

Julle kan nie God én Mammon dien nie

Ons kom hierdie opmerking ook teë in Lukas 16:13 waar Lukas dit gebruik as deel van die gelykenis van die oneerlike bestuurder.

MATTEUS 6:24

24 “Niemand kan twee here dien nie, want hy sal óf die een haat en die ander liefhê, óf hy sal lojaal wees teenoor die een en die ander verag. Julle kan nie God én Mammon dien nie.”

Teks en konteks

6:24 Jy kan nie twee base dien nie. Dit is die eenvoudige waarheid van die lewe. Jy sal óf vir God leef en Hom dien en op Hom vertrou, óf jy sal vir jou eie welvaart lewe en dít dien en daarop vertrou. Mammon staan vir geld en besittings in die sin van iets waarop jy jou vertroue plaas.

Boodskap en betekenis

Die probleem wat Jesus hier aanspreek, is nie geld as sodanig nie. Dit is die verdeelde lojaliteit wat kom as ‘n mens besittings najaag. Soos Paulus later skryf: “Geldgierigheid is ’n wortel van allerlei kwaad. Party het geld nagejaag en toe van die geloof afgedwaal; daardeur het hulle hulleself baie ellende op die hals gehaal.” (1 Tim 5:11). Hy sal nog talle kere daaroor praat, omdat dit een van die belangrikste hindernisse in die pad van dissipelskap is (vgl. Matt. 8:18-22 oor dissipelskap; vgl. Matt. 19:16-26 – die verhaal van die ryk jongman).

Onlangse kommentaar