Tag: Wie is God?

1. Lees die aanhalings uit die belydenisskrifte hieronder. Wat leer jy van God se wese en werke, sy sorg, sy weë en werklikheid uit die geloofsbelydenisse van die verlede? Hoe laat dit jou voel?

Nederlandse Geloofsbelydenis 1

DIE ENIGE GOD

Ons glo almal met die hart en bely met die mond dat daar ‘n enige en enkelvoudige geestelike Wese is wat ons God noem. Hy is ewig, onbegryplik, onsienlik, onveranderlik, oneindig, almagtig, volkome wys, regverdig, goed en die alleroorvloedigste fontein van alles wat goed is.

2 Kor. 3:17; Joh. 4:24; Jes. 40:14.

Westminster Geloofsbelydenis 2.1-2

God and the Holy Trinity

There is only one living and true God,¹who is infinite in being and perfection,²a completely pure spirit,³invisible,⁴without body, parts, or emotions,⁵unchangeable,⁶immensely vast,⁷ eternal,⁸ limitless,⁹ almighty,¹⁰ completely wise,¹¹ completely holy,¹² completely free,¹³ and completely absolute.¹⁴He works everything according to the purpose of his own unchangeable and completely righteous will¹⁵for his own glory.¹⁶He is completely loving,¹⁷gracious, merciful, and long-suffering. He overflows with goodness and truth. He forgives wickedness, transgression, and sin, ¹⁸and rewards those who diligently seek him.¹⁹His judgments are completely just and awesome; ²⁰he hates all sin²¹and will not acquit the guilty.²²

Afgode is eintlik nutteloos, ’n bedrogspul! As die tyd van afrekening kom, sal hulle vernietig word. Maar die God van Israel is nie so ’n afgod nie. Hy het alles wat bestaan, gemaak, ook sy eie volk, sy besonderse besitting. Hy is die Here, die Almagtige! (NLV)

1. Onderstreep die beskrywings van God se werklikheid. Watter troos is daarin vir jou?

2. Jy is God se besondere besitting. Vir elke gelowige is Hy die Here, die Almagtige. Hoe laat dit jou voel? Sê dit vir die Here.

3. Lees die verse later vandag weer om jou lojaliteit aan God te bevestig.

4. Jy kan later vanaand die hele Jeremia 50-51 lees sowel as my bydrae daaroor: Jeremia 50-51 – ’n Boodskap aan Babel

Wie anders het die oseane in sy hand gehou? Wie het die hemel afgemeet met die breedte van sy hand? Wie het die grond van die aarde met ’n maatemmer gemeet, of het die berge en die heuwels met ’n skaal geweeg? Wie kan die Gees van die Here advies gee? Wie weet genoeg om Hom raad te gee of Hom te leer? Het die Here al ooit raad van ander nodig gehad? Het Hy nodig dat iemand Hom vertel wat die goeie is of wat die beste is? Kyk op na die hemel. Wie het die sterre gemaak? Hy laat hulle soos ’n leërmag uitmarsjeer, die een ster na die ander, en roep elkeen by sy naam. Met sy groot krag en mag sorg Hy dat nie een wegraak of verdwaal nie. Israel, hoe kan jy dan sê: “Die Here sien nie my moeilikheid raak nie”? Hoe kan jy beweer: “God weier om na my saak te luister”? Het jy nog nooit gehoor of verstaan nie? Weet jy nie dat die Here van altyd af God is nie? Hy is die Skepper van die hele aarde. Hy word nie moeg of gedaan nie en niemand kan die dieptes van sy insig meet nie. (NLV)

1. Onderstreep die beskrywings van God se sorg. Watter troos is daarin vir jou?

2. Die Here sien ons moeilikheid raak. Hy luister na ons saak. Watter moeilikheid wil jy graag hê dat God sal raaksien? Bid dit met verwagting.

3. Lees die verse later vandag weer. Herhaal jou gebed van verwagting en vertroue op God se sorg.

4. Jy kan later vanaand die hele Jesaja 40-41 lees sowel as my bydrae daaroor: Jesaja 40-41 – Die wat op die Here vertrou, kry nuwe krag.

Daar is nie ’n god soos U nie, Here. Niemand kan u werke naboots nie. Al die nasies wat U gemaak het, sal kom en voor U neerbuig, Here; hulle sal u Naam verheerlik. Want U is groot en doen wonderdade. U alleen is God. Leer my u weë, Here, sodat ek in u waarheid kan wandel. Met my hele hart sal ek U prys, Here, my God. U, Here, is barmhartig en genadig, U is stadig om kwaad te word, vol liefde en trou. (NLV)

1. Onderstreep die beskrywings van God se werke. Watter troos is daarin vir jou?

2. Hoekom is dit nodig dat God ons sy weë leer? Wat leer die Here jou tans?

3. Lees die verse later vandag om jou aan die omvattendheid van God se werke te herinner. Jy kan dit memoriseer as ‘n gereelde gebed vir jouself en die wêreld.

4. Jy kan later vanaand die hele Psalm 86 lees sowel as my bydrae daaroor: Psalm 86 – Gee my ’n teken van u goedheid.

Dit is goed om die Here te dank, om u Naam te loof, Allerhoogste; om soggens u goedheid aan te kondig, en in die aand u getrouheid, met snaarinstrumente, met die harp en die begeleiding met die lier. U groot dade maak my bly, Here! Ek juig oor u handewerk. Hoe groot is u werke, Here! Hoe diep is u gedagtes! U is hoog verhewe. U, Here, bestaan vir ewig. (NLV)

1. Onderstreep die beskrywings van God se wese. Watter troos is daarin vir jou?

2. Onderstreep die reaksies op God. Gebruik die reaksies om met God in jou eie woorde te praat – dank, loof, aankondig, blymaak en juig.

3. Lees die verse later vandag weer om jou aan die rykdom van God se wese te herinner. Jy kan dit memoriseer as ‘n gereelde oggend- of aandgebed.

4. Jy kan later vanaand die hele Psalm 92 lees sowel as my bydrae daaroor: Psalm 92 – Groots is alles wat U doen, Here