Ek hou Pinkster in La Rochelle gemeente in Bellville hierdie week. Tema: Gemeentes in die weegskaal (Jesus se briewe aan sewe gemeentes in Openbaring 1-3).
Ek neem dus ‘n blaaskans vir Pinkster.
Die bydraes hervat volgende week 10 Junie met bydraes oor die Wederkoms. Hier is ‘n lys van die vrae en antwoorde (en teksgedeeltes vir Sondae) wat ek in die loop van die volgende 21 weke gaan hanteer. Ons maak klaar op die 3de November, DV.
Uitgestelde verwagting
Kinders wat kan wag op beloning, doen beter op skool en vaar oor die algemeen beter in die volwasse lewe wat wag.
Hierdie beginsel is deur Walter Mischel van Stanford Universiteit bewys in ‘n eksperiment wat in 1970 met vierjariges gedoen is – iets wat nou ook al in TV advertensies gebruik is. Hy het ‘n vierjarige alleen in ‘n vertrek gelaat met ‘n malvalekker (“marshmellow”) en ‘n klokkie. Indien die kleinding die klokkie lui, kom Walter dadelik terug, en die kind eet die malvalekker. Indien die kleinding kon wag dat Walter uit eie keuse terugkom, kry hy of sy ‘n ekstra lekker.
1. Lees die aanhalings uit die Apostoliese Geloofsbelydenis 5-6, die Geloofsbelydenis van Nicea 5-6, die Geloofsbelydenis van Athanasius 38-39 en die Heidelbergse Kategismus 45-46, en 49-51. Wat leer jy oor die opstanding en hemelvaart van Jesus Christus? Wat beteken dit vir jou? Wat vra dit van jou?
Wie sal ons veroordeel? Christus Jesus is tog die Een wat vir ons gesterf het, wat boonop ook opgestaan het, wat op die ereplek langs God sit en wat daar vir ons pleit. (NLV)
1. Paulus spel drie aspekte van Jesus Christus se dood, opstanding, hemelvaart en teenwoordigheid by God vir ons uit: Hy het vir ons gesterwe; Hy sit op die ereplek langs God; Hy pleit daar vir ons. Wat beteken dit vir jou?
2. Paulus herinner ons aan hierdie dinge dat ons nie moedeloos moet raak as daar teenstand teen ons lewe en getuienis is nie. Ons sal nooit weer in veroordeling kom nie, want Jesus staan vir ons in. Hoe laat dit jou voel?
3. Lees die verse later vandag weer om jou te herinner aan Jesus wat vir jou gesterf het, en op die ereplek langs God sit en vir jou pleit.
4. Jy kan later vanaand die gedeelte weer lees in die konteks van Romeine 8 sowel as my bydrae daaroor: Romeine 8:18-39 – As God vir ons is, wie kan teen ons wees.
Jesus is toe in die hemelruim opgeneem terwyl hulle toekyk. Hy het in ’n wolk verdwyn. Toe Hy wegraak en hulle nog stip die hemelruim inkyk, het daar skielik twee mans in wit klere by hulle gestaan. Die twee mans sê toe: “Galilese manne, waarom staan julle na die hemel en kyk? Jesus is van julle af weggeneem die hemel in. Hy sal egter nét so terugkom soos julle Hom die hemel sien ingaan het!” (NLV)
1. Die dissipels kon Jesus se hemelvaart duidelik ervaar, sodat hulle kon weet dat Hy weg is na God toe. ‘n Wolk was telkens in die Bybel die teken van God se teenwoordigheid. Wat beteken dit vir jou dat Jesus nou by God is?
2. Die engele het die dissipels verseker dat Jesus nét so sou terugkom soos hulle Hom die hemel sien ingaan het. Watter hoop bring dit vir jou?
3. Lees die verse later vandag weer om jou te herinner aan die werklikheid nie net van die hemelvaart nie, maar ook van die wederkoms.
4. Jy kan later vanaand die gedeelte weer lees in die konteks van Handelinge 1 sowel as my bydrae daaroor: Handelinge 1:1-26 – Wag op die gawe van die Heilige Gees.
Onlangse kommentaar