Skip to main content

Lukas 3:15-17 – God doop ons met die Heilige Gees en met vuur

Written by Chris van Wyk on . Posted in Beloftes.

8 Desember

Lukas 3:15-17 – God doop ons met die Heilige Gees en met vuur

15Omdat die volk allerhande verwagtings gehad het, het almal in hulle harte gewonder of Johannes nie dalk die Christus is nie. 16Johannes het hulle egter geantwoord: “Ek doop julle wel met water, maar daar kom iemand wat sterker as ek is, en ek is nie eers werd om die riempies van sy sandale los te maak nie. Hy sal julle met die Heilige Gees en met vuur doop. 17Hy het sy hooivurk in sy hand om sy dorsvloer deeglik skoon te maak en om die koring in sy skuur te versamel, maar die kaf sal Hy met ‘n onblusbare vuur verbrand.”

Johannes, die Doper, het die hele tyd die risiko geloop dat daar ‘n verwarring kon ontstaan tussen hom as voorloper en Jesus as Verlosser. Daarom is Johannes duidelik daaroor dat hy nie die Messias is nie. Vir Johannes was dit baie duidelik dat die doop met water wat hy bedien het net ‘n voorloper kan wees van die vuur wat gaan losbrand in mense se lewe as Jesus hulle doop met die Heilige Gees.

Hoekom? Want Jesus doop met die Heilige Gees en vuur. Hierdie vuur het aan die een kant te make met die vuur van oortuiging en vrymoedigheid tot getuienis waarmee die Gees gelowiges sal vervul. Dit het aan die ander kant te make met die onderskeid wat kom tussen dié wat toelaat dat God hulle reinig van sonde deur sy Gees, en dié wat dit teenstaan. Trouens, die bekeerdes is volgens Johannes die Doper die koring wat in die skuur by God se oordeel bymekaar gemaak sal word. Die onbekeerdes is die kaf wat met ‘n onblusbare vuur verbrand sal word.

Ons moet dus goed hoor. Jesus is baie meer as die “liewe Jesus” van ons kindertyd gebede en die meer eenvoudige boodskappe wat ons vroeër gehoor het. Jesus is die Een wat met ‘n oesvurk werk en sy dorsvloer deeglik skoon maak. Hy is die God van beide die vuur van oortuiging van die Heilige Gees as die onblusbare vuur van die ewige oordeel. Aanbid Hom vandag in sy ontsagwekkende gedaante as ook die God van oordeel. Terwyl jy vra dat Hy jou met die Heilige Gees en die vuur van reiniging en oortuiging sal vervul.

Lees meer: https://bybelskool.com/lukas-31-38-jesus-is-familie-van-alle-mense/

Discover more from Bybelskool

Subscribe to get the latest posts sent to your email.

Beloftes

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Comments

Maak 'n opmerking

Onlangse kommentaar

  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.