Skip to main content

Matteus 6:31-34 – God gee vir jou alles wat jy nodig het

Written by Chris van Wyk on . Posted in Beloftes.

9 Desember

Matteus 6:31-34 – God gee vir jou alles wat jy nodig het

31“Moet julle daarom nie bekommer en vra, ‘Wat sal ons eet?’ of ‘Wat sal ons drink?’ of ‘Wat sal ons aantrek?’ nie. 32Dit is immers alles dinge waarna die heidennasies soek. Julle hemelse Vader weet tog wat julle alles nodig het. 33Maar soek eers die koninkryk van God en sy geregtigheid, en al hierdie dinge sal vir julle bygevoeg word. 34Moet julle dus nie bekommer oor die dag van môre nie, want môre sal hom oor homself bekommer. Elke dag het genoeg van sy eie kwaad.”

Die probleem wat Jesus net tevore in die Bergrede aangespreek het, was die verdeelde lojaliteit wat kom as ‘n mens besittings najaag. Hier spel Hy uit wat dit beteken vir ‘n mens se bekommernisse oor kos, drank, en klere. Die lewe en jou liggaam is baie meer belangrik as die dinge waarmee jy dit voed en versorg. Ons kan nie ons daaroor bekommer op dieselfde wyse as wat die heidene dit doen nie. Gelowiges het ‘n hemelse Vader wat weet dat hulle al hierdie dinge nodig het.

As jy nie glo dat God sorg nie, sal jy nie anders kan as om te fokus op jou eie besittings, kos en klere nie. Die mens wat egter op God vir sy tydelike behoeftes vertrou, word vrygestel om te soek na God se koninkryk en sy geregtigheid (dit wat God vereis). God sal dan self vir ons al die lewensmiddele verskaf wat nodig is in sy koninkryk.

Ons is nie op aarde om dowe neute nie. Ons is nie hier selfs in die eerste plek vir onsself nie. Ons is hier omdat God deur ons Homself wil verheerlik. Hy wil sy koninkryk en sy geregtigheid oral vestig. Dit is waarom Jesus aarde toe gekom het. Dit is waarvoor Hy geleef, gesterf en opgestaan het. Dit is waaroor die Bergrede gaan. Dit is waarvoor ons moet lewe – vir God en sy geregtigheid – oral waar ons kom. Dít is die evangelie in hierdie teks, die goeie nuus, die insig wat jou bekommernis laat verdwyn, wat jou besittings hulle regmatige plek in jou lewe laat inneem. Belê dus in God se koninkryk en sy belofte is dat Hy sal sorg vir alles wat jy nodig het. Ook vir môre, want dit is ook in God se voorsiening ingesluit.

Lees meer: https://bybelskool.com/matteus-6-jesus-fokus-op-die-lewe-van-geregtigheid-2/

Discover more from Bybelskool

Subscribe to get the latest posts sent to your email.

Beloftes

Chris van Wyk

Ek is Direkteur van Bediening en Geestelike Vorming by Veritas College International. My passie in die lewe is om God bo alles te dien en gelowiges in geloofsvorming te begelei. I am Director of Ministry and Spiritual Formation at Veritas College International. My passion in life is to serve God above all and to lead believers in faith formation.

Maak 'n opmerking

Onlangse kommentaar

  • Chris van Wyk on Psalm 137Dit is my voorreg. Groete!
  • Doreen Snyders on Psalm 137Net om weer 'n slag dankie te sê vir al die wonderlike verklarings en verduidelikings van al die Bybelse waarhede. Ons dien 'n wonderbare en allerheilige God. Ek sien baie uit na die Matteusevangelie. Nogmaals baie dankie. Doreen Snyders
  • Chris van Wyk on Psalm 119:169-176Absoluut!
  • sparklybc467b2e69 on Psalm 119:169-176Psalm 119 is voorwaar ñ baie Geseënde Psalm
  • Chris van Wyk on Psalm 119:145-152Dis self opnuut weer ‘n vreugde vir my.
  • originalblizzard19aaa84c56 on Psalm 119:145-152Ek was altyd baie langtand om Ps 119 aan te durf, nou wens ek dat dit nie ophou nie... Ps 119 is te kort!!! PDH
  • sparklybc467b2e69 on Psalm 119:105-112Goeie middag, baie dankie vir die deel van die kosbare verhaal wat so gepas is met die Psalm
  • originalblizzard19aaa84c56 on Psalm 119:1-8Sien waarlik die nou verband tussen OT EN NT. waarlik verhelderend. אמן
  • Chris van Wyk on Psalm 118:19-29Ek gee maar net aan wat ek ontvang het. Dit bly egter 'n kosbare voorreg.
  • sparklybc467b2e69 on Psalm 118:19-29Goeie môre, baie dankie dat u met ons deel wie en waar die vertaaling van die Bybel sy oorsprong gekry het, dit is so kosbaar, baie dankie vir een en elkeen wat deel is en was om hierdie kosbare woord ook vir ons in ons Taal te kon uitlê
  • sparklybc467b2e69 on Psalm 110Baie dankie vir hierdie kosbaarhede wat u met ons deel. Ek het Openbaring 22 gelees en dit klink baie soos die tuin van Eden, hy praat van die boom van lewe. Die sondeval gemaak dat die mens gesondig het en dat hul nie meer in die tuin kon woon nie asgevolg van die sonde.
  • sparklybc467b2e69 on Psalm 109:6-19Goeie middag, ek wil ook by las dat in Psalm 139:23 bid David;"Deurgrond my, O GOD, en ken my hart, toets my en ken my gedagtes" GOD ken die mens en HY deersoek die hart en die gedagtes. Ek het self al telkens gebid, HERE vergewe hulle want hulle weet nie wat hulle doen nie en dan soos die woord sel…
  • sparklybc467b2e69 on Psalm 107:33-38Baie dankie vir hierdie verduideliking. Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vesti…
  • sparklybc467b2e69 on Psalm 107:33-38GOD is so goeie GOD. HY gee vir ons die voorskrifte vanaf Deut. 28 en dan volg HY dit ook op in Psalm 107 en sê as ons net doen wat HY ons beveel sal dit met ons goed gaan en ons geseënd wees, nie oor ons nie, maar oor GOD en wie HY is.
  • Chris van Wyk on Psalm 106:43-48Ons lees die eerste keer van Baäl-Peor in Numeri 25. Baäl was die Kanaänitiese god van vrugbaarheid, terwyl Peor verwys na die berg in Moab waar hy onder andere aanbid is. Hy is ook in Kanaän aanbid en was 'n groot versoeking vir die Israeliete met hulle vestiging in die Beloofde Land.