Spreek in tale
Die Bybel sê almal praat nie in tale nie.
Lees bv. die vrae van Paulus in 1 Korintiërs 12:29-30 waarop die antwoord ‘n duidelike nee is: “Is almal miskien apostels? Is almal profete? Is almal leraars? Kan almal miskien wonders doen? Het almal die genadegawes om mense gesond te maak? Of gebruik almal miskien ongewone tale of klanke en kan almal dit uitlê?”
Die Bybel sê almal wat aan Christus behoort en in Hom glo het die Heilige Gees ontvang. Tale is net een van die tekens daarvan.
Lees bv. Handelinge 2:38: “Bekeer julle en laat elkeen van julle gedoop word in die Naam van Jesus Christus, en God sal julle sondes vergewe en julle sal die Heilige Gees as gawe ontvang.” En lees Romeine 8:9: “As iemand die Gees van Christus nie het nie, behoort hy nie aan Christus nie.” Lees ook Titus 3:5-7: “Hy het ons verlos, nie op grond van iets wat ons vir ons vryspraak gedoen het nie, maar op grond van sy eie ontferming. Dit het Hy gedoen deur die wedergeboorte wat die sonde afwas, en deur die Heilige Gees wat nuwe lewe gee. God het die Heilige Gees oorvloedig op ons uitgestort deur Jesus Christus ons Verlosser. So is ons dan deur sy genade vrygespreek en het ons erfgename geword van die ewige lewe wat ons verwag.”
Die spreek in tale is daarby een van die beginner-gawes in die NT.
Daarom sê Paulus dat jy jou moet toelê op die beste genadegawes (1 Kor. 12:31): “Ten eerste is daar apostels, ten tweede profete, ten derde leraars; verder is daar dié wat wonderdade kan doen, dan dié wat genadegawes ontvang het om mense gesond te maak, om hulp te verlen, om leiding te gee of om ongewonde tale of klanke te gebruik.” Hulpverlening is dus ‘n beter gawe as talepraat …
Die gawes word in die latere briewe van Paulus as mense met ‘n spesifieke taak vir die koninkryk beskryf.
Nadat Paulus in Ef 4:7 gesê het dat ons almal genadegawes gekry het, vervolg hy in vers 11 deur mense as gawes te beskryf en brei sy lysie in Korintiërs uit met nog 2 gawes: evangeliste en herders. Dws – dit is nie so belangrik wat jy HET nie, maar wie jy IS in die koninkryk van God en hoe God jou gebruik. Paulus sê wel dat ons kan vra vir gawes, maar dat ons dan moet vra vir die beste gawes, en tale is aan die onderkant van die lys. Al die ander gawes is meer belangrik: wysheid, profesie ensomeer.
Die belangrikste saak wat Paulus egter in die konteks van gawes aanhaal, is dat die liefde nog die allerbeste is!
Paulus volg sy oorsig oor die gawes op in 1 Korintiérs 13 om te sê “wat nog die allerbeste is”! Dit is om met liefde (en hoop en geloof) te lewe. Tale vervaag sê hy in die lig van die liefde, want die liefde is die allerbeste. As jy nie die liefde het nie, is jy doodgewoon niks, al kan jy ook al die bekende en onbekende tale wat daar is, praat. En as jy die liefde het, dan is die gawes doodgewoon nie meer so belangrik nie, en konsentreer ‘n mens op God en wat jy vir hom kan beteken, en raak jyself, alles van jou!, die gawe en is tale doodgewoon minder belangrik. Ek onthou ‘n vriend van my wat na ‘n charismatiese kerk beweeg het en die druk waaronder hy was om in tale te praat. Hy het dit later nagemaak, omdat hy net nie uit wou voel nie. Gelukkig het hy uiteindelik dit gelos. Tale is regtig net die begin … en ‘n kerk wat daar vashaak moet gehelp word om te groei nie net na die beter gawes nie, maar ook na die liefde en na die besef dat hulle as sodanig as kinders van die Here gawes van God is.
Maar, natuurlik, enigiets wat God gee, is iets waarmee hy ons seën, en daarom kan ons voortgaan om die tale te gebruik.
Dit is veral bedoel vir ons binnekamer, want in die gemeente sê Paulus sal hy eerder 5 woorde met sy verstand praat as duisend woorde in ‘n taal (1 Kor 14:19). Goeie raad wat selfs vir oningeligtes sal sin maak.
Discover more from Bybelskool
Subscribe to get the latest posts sent to your email.
anoesjka kouter
Ek praat baie in tale wane ek bid betykeer wonder ek wat ek se en is dit ek wat prt
Chris van Wyk
Jy kan die Here vir insig vra.
anoesjka kouter
Ek prt in tale ma dan vra ek myself kom dit van die here af
anoesjka kouter
As ek in tale prt klink dit vir my soos bantoe taal
George Roux
In ‘n ander taal praat.Chris,ons kan nie net stilstaan by ‘n teksvers;1 Korintiërs 29 nie.Verwarring kan maklik plaasvind as ‘n mens nie die konteks by lees nie.Vers 31 sê ook egter;”(lewende bybel vert.)Julle moèt MOEITE DOEN om die belanrikste gawes te hê.”Lees 1 Kor. 14 vers 2 tot 5 ook by.As jy in tale bid,bid jy tot God self,al verstaan jy en ander nie die taal nie,GOD VERSTAAN DIT.Selfs die duiwel verstaan nie die taal nie en kan dus nie probeer om die gebed te verhinder nie.Vers 5 sê Paulus,Ek sou BLY WEES as JULLE ALMAL IN TALE KON PRAAT……Wanneer so ‘n taal effektief gebruik wil word,gebruik dit in jou private stilte tyd.Ervaar die stigting wat dit in jou gees mee bring.Die Heilige Gees gebruik dan diè woorde om jou gebed aan God te bied’ Romeine 8 vers 26 en 27′.Ek stel voor,vra die Here,bekom die ,spreek in ander tale’ en skryf oor die ondervinding wat jy beleef. Dankie
Lerina
Ek stem saam met Chris, ja mens moet daarna kyk in konteks en dus ook eintlik die hele 2 Kor 12 bestudeer. Wat my keer op keer opval wanneer ek mensies teëkom wat so onwaardig voel omdat hulle God voluit dien, die vrugte van die Gees uitleef en ‘n diep verhouding met die Vader het, en tog nie die gawe van tale ontvang het nie, is vanaf vers 7 – 11 … want aan EEN word deur die Gees ‘n woord van wysheid gegee … aan ‘N ANDER, ‘n woord van kennis, … aan ‘N ANDER geloof …. ens. ……. en dan vers 11 wat sê AL hierdie dinge werk een en dieselfde Gees wat aan elkeen afsonderlik uitdeel soos Hy wil.
Glo my tale is belangrik, en moet verseker be-oefen word as dit jou gawe is. Ek is net so versigtig om dit as enigste kriteria te gebruik as teken van vervulling met die Heilige Gees.
Jattie
Chris, ek worstel met wat mense noem, ‘n bid taal. Ons sel groep lede getuig almal dat hulle intense salwing en krag ondervind wanneer hulle in hul bidtaal met God praat. Ek het aan hulle die vraag gevra, en ook genoem dat ek net sulke kragtige en intieme oomblikke saam met die Here beleef, en maak dit dan my gebed minder intens, of is daar minder diepte in my verhouding met die Here as hulle s’n? Ek glo hulle praat uit ondervinding uit, want hulle almal se ervaring kom ooreen. Hulle sê dat ek moet rustig wees daaroor en dit wel nog sal ondervind. Ek smeek die Here om dit aan my te openbaar, maar ek kry nêrens skrif daaroor in die Bybel nie. Ek voel indien dit so belangrik is, en die Here nie ‘n aanhanger van persoon is nie, dan moet Hy dit mos ook aan my kan gee? Kan jy asb vir my meer duidelikheid gee aangaande dit?
Chris van Wyk
Hi Jattie, jy sal dit nie in die Bybel kry nie, want dit staan nie daar nie. Almal kry nie die gawe van tale nie (1 Kor 12:10,28,30; 13:8). Dit is ook in rangorde minder belangrik as die ander gawes (1 Kor 14:5). Gebed is kommunikasie, so ‘n verstaanbare kommunikasie sal jou hart en lewe meer beïnvloed as iets wat onverstaanbaar is. Dit beteken nie dat tale verkeerd is nie, maar dat niemand jou moet probeer oortuig dat dit die belangrikste gawe is of dat almal dit moet beoefen nie.
Magda Pretorius
Hi Chris. Baie baie dankie. Ek worstel al maande lank daarmee. Ons charismatiese kerk glo dat jy nie die Heilige Gees ontvang het as jy nie ontslae bid/praat nie. Dit laat mens minderwaardig voel al glo jy hart en siel dat jy die gees ontvang het na doop.
Ek is bly vir die Here vir die antwoord wat ek kon vind deur op die artikel af te kom. Halleluja!
Chris van Wyk
Ek is bly, Magda. ‘n Fokus op tale kan keer dat jy die gawes wat die Gees wel gee na waarde ag. Geniet die reis wat God met jou onderneem na ‘n groter en dieper bewussyn van Homself en sy roeping vir jou op aarde.