Skip to main content

Nog woorde van die wyses – II

Written by Chris van Wyk on . Posted in Spreuke. No Comments on Nog woorde van die wyses – II

Soos ek vroeër al gesê het, is daar 2 bundels van die gesegdes van die wyses in die boek opgeneem (22:17-24:22; 24:23-34).  Die eerste bundel het 26  spreuke van wisselende lengte, afhangende van hoe jy die spreuke indeel.  Die tweede bundel is ‘n kort addendum tot die eerste een met ‘n inleiding (24:23) en 5 spreuke.  Dit werk veral met sinteses (“Iemand wat eerlik antwoord, is ‘n ware vriend.” – 24:26).

Spreuke 24:23-34 – Prioriteite bepaal alles

Written by Chris van Wyk on . Posted in Spreuke. No Comments on Spreuke 24:23-34 – Prioriteite bepaal alles

Die band met die vorige bundel spreuke van die wyses word in ‘n kort mededeling gelê in Spreuke 24:23a.  Hierna volg daar 5 spreuke oor die voordele van regverdigheid (1ste), eerlikheid (2de,4de), die regte prioriteite (3de) en verstandige fluksheid (5de).  Die voordele daarvan is nie net vir jou persoonlik van waarde nie, maar ook vir jou vriende en die gemeenskap.

Continue reading

Die spreuke van Salomo – II

Written by Chris van Wyk on . Posted in Spreuke. No Comments on Die spreuke van Salomo – II

Die tweede bundel van spreuke van Salomo  is lank ná sy tyd versamel en geredigeer deur koning Hiskia (716-687 vC) se amptenare, ongeveer 2 eeue na Salomo in die 8ste eeu vC.  Die woord vir opgeteken in 25:1, kan ook met georden vertaal word, wat waarskynlik beteken dat ‘n klomp losstaande spreuke wat aan Salomo toegeskryf is in rubrieke of volgens onderwerpe ingedeel is.

Jy kan meer lees oor hom in my bydrae oor sy verhaal in Konings: 2 Konings 18-20 – God luister waar sy eer in gedrang kom.  Daar is nog meer oor Hiskia te lees in my hantering van sy geskiedenis soos ‘n mens dit deur die bril van die profeet Jesaja sien.  Want hierdie spreuke is in die tyd van die profeet Jesaja versamel, in die tyd wat Jesaja skroeiende kritiek op die volk en hulle konings gelewer het .  Lees wat ek daaroor te sê het in my 5 bydraes oor Hiskia se geskiedenis in my Bybelskool oor Jesaja:

Continue reading

Spreuke 25:1-28 – Dink voordat jy doen

Written by Chris van Wyk on . Posted in Spreuke. No Comments on Spreuke 25:1-28 – Dink voordat jy doen

Hierdie hoofstuk bevat 23 spreke wat oor 28 verse versprei is.  Die spreuke is ook in 8 groepe rondom temas versamel, soos ek dit hieronder verduidelik. Vers 1 is natuurlik die inleiding op die 4 hoofstukke, en reeds behandel met die vorige bydrae.

Wat my tref is hoe die reeks spreuke in dié hoofstuk versigtigheid, nadenke, selfbeheersing en emosionele volwassenheid aanprys.  Dit laat my dink aan die idioom om te dink voordat jy doen, wat dan ook die titel van die hoofstuk vir my geword het.

Continue reading

Spreuke 26:1-28 – Dwaasheid ken geen perke nie

Written by Chris van Wyk on . Posted in Spreuke. 1 Comment on Spreuke 26:1-28 – Dwaasheid ken geen perke nie

Let op hoe:

  • die eerste 12 verse meesal eksplisiet (behalwe vers 2) met verskillende gestaltes van dwaasheid te make het,
  • die volgende 4 met verskillende gestaltes van luiheid, wat ‘n passiewe vorm van dwaasheid is, te make het en
  • die laaste 12 weer met ‘n paar ander gestaltes van dwaasheid, hoewel die woord dwaas nie daar gebruik word nie, maar wel woorde wat daarmee verbind kan word (onvanpaste woede, mal bedrieërs, kwaadstokers, twissiekes, skindertonge, haters, skynheiliges, leuenaars, vleiers).

Dit is opvallend hoe sonder enige perke die dwase se optrede geskilder word in hierdie hoofstuk en dus in ‘n skrille kontras met die selfbeheersing, versigtigheid en emosionele volwassenheid van die wyse se optredes van die vorige hoofstuk staan.  Spreuke sê hiermee:

  • Wyse mense weet waar die grense lê in menslike verhoudings en leer om daarmee saam te leef, en dit te respekteer.
  • Dwase mense ignoreer ander mense se grense en tree sonder respek vir die waarheid op en daarby oordadig.  Dwaasheid ken dus geen perke nie.

Continue reading

Onlangse kommentaar