Hierdie Psalm is bedoel as ‘n versekering en bemoediging vir die geloofsgemeenskap wat smag na reg en geregtigheid op aarde.  Die lerende inhoud en vloei daarvan in vier duidelike dele dui waarskynlik op ’n liturgiese preek–Psalm.  Die Psalm kan as volg opgedeel word:

• Belydenis oor God se Regterskap as appèl dat Hy moet optree – vers 1–7;
• Appèl op die onverstandiges en dwase – vers 8–11;
• Bemoediging van dié wat op God se woord bly vertrou – vers 12–15;
• Gebed dat God teen korrupte regters sal optree– vers 16–23.

Psalm 95 val in twee duidelike dele uiteen:

• ’n Oproep tot ’n loflied oor God – vers 1–7a
• ’n Waarskuwing om nie hardkoppig en moedswillig te wees nie – vers 7b–11

Soos met die vorige twee Psalms was Psalm 95 ook geassosieer met die Sabbatsviering, hoewel dit nie formeel deel van die “Sabbatsweek” Psalms was nie.  Dit is in Joodse huishoudings gebruik as ’n intrede Psalm, veral die eerste 7 verse, met die aanvang van die Sabbatsritueel op ’n Vrydagaand.  Dit is ook ’n baie geliefde Psalm om as toetredelied of loflied in die liturgie te gebruik.

Psalm 96–100 fokus baie spesifiek op die koningskap van die Here, iets wat nie net geld vir sy volk in terme van die verbond nie, maar vir almal op die aarde, omdat Sy heerskappy ook ’n universele betekenis het.

Die Psalm het twee duidelike dele:

• Sing en getuig tot eer van die God van die gode – vers 1–6
• Prys die Regeerder en Regter van die aarde – vers 7–13

Sing en getuig tot eer van die God van die gode – vers 1–6

Die Psalm kan in twee dele verdeel word:

• “U, Here, is die Allerhoogste oor die hele aarde” – vers 1–9
• “Verbly julle in die Here, regverdiges” – vers 10–12

“U, Here, is die Allerhoogste oor die hele aarde” – vers 1–9

Hierdie Psalm toon groot ooreenkomste met Psalm 96.  Dieselfde tipe struktuur en grotendeels dieselfde inhoud word gebruik:

• Al die nasies van die aarde word opgeroep tot lof aan die Here;
• Dit sluit die skepping in;
• Die rede daarvoor is dat die Here oor die wêreld kom heers met regverdigheid en billikheid.

Sommige dink daarom dat Psalm 98 ‘n ander weergawe van Psalm 96 is, hoewel daar tog ’n hele paar duidelike verskille is.  Byvoorbeeld:

• In die eerste 6 verse is dit God wat oor Homself getuig, eerder as die volk;
• In die laaste verse kom God se Heerskappy meer na vore, en nie soseer sy Regterskap nie, anders as wat dit in Psalm 96 gedoen word.