Skip to main content

Sewe Geeste van God

Fire Flames Background 1Ek het ‘n navraag gekry oor die “sewe Geeste” van God en of hulle name het of nie.

Die frase “sewe Geeste van God” word na my mening op twee maniere in die Bybel gebruik. As ‘n beskrywing van die Heilige Gees (Openb 1:4; 4:5) sowel as ‘n beskrywing van die Here Jesus (Openb 5:6).

1. “Sewe Geeste” is ‘n beskrywing van die Heilige Gees in Openbaring 1:4 en 4:5.

Dit lei ek af uit die feit dat dit in Openbaring 1:4 deel vorm van die Trinitariese seën aan die begin van die boek. Die Triniteit word dan as volg beskrywe:

  • God die Vader is: “Hy wat is en wat was en wat kom.
  • Die Heilige Gees is: “die sewe Geeste voor sy troon.
  • Jesus Christus is: “die geloofwaardige getuie, die eerste wat uit die dood opgestaan het, die heerser oor die konings van die aarde.

Dieselfde geld die beskrywing in Openbaring 4:5 waar die Gees met “sewe vuurfakkels wat die sewe Geeste van God is” beskryf word.

Die feit dat die Heilige Gees as “sewe Geeste” beskryf word, dui op die volmaaktheid van sy werk, soos dit meermale met die getal sewe die geval is.

Dit kan ook weet dat dieselfde die beskrywing in Openbaring 5:6 van die “sewe Geeste” geld, wat dan die Gees van Jesus sal wees (vgl Hand 16:7). Ek is egter van mening dat dit eerder met ‘n tweede moontlikheid hieronder verbind moet word

2. “Sewe Geeste” is ‘n beskrywing in Openbaring 5:6 van die alwetenheid van die Lam van God, die Here Jesus Christus.

In die konteks word daar ook van die Lam se sewe horings (krag) en sy sewe oë (alwetendheid – vgl Sag 4:10) gepraat. Hierdie “sewe oë” word direk as die “sewe Geeste” van God beskryf. Die beskrywing van “sewe Geeste” pas dus vir my beter by ‘n beskrywing van die Lam self as van die Gees.

Het die “sewe Geeste” name?

Die antwoord is nee, maar met ‘n kwalifikasie.

NEE: Die “sewe Geeste” in Openbaring word nie direk name gegee nie. Sommige verbind wel die beskrywing van die Heilige Gees as “sewe Geeste” aan Jesaja se tekening van die Gees van God met sewe eienskappe. En gee dan dié name aan die Heilige Gees: Gees (goddelik), wysheid, verstand, raad, sterkte, kennis en vrees van die Here (Jes 11:2).

Dié eienskappe is egter nie name nie. Dit is gawes van die Gees aan die Messias vir sy bediening. Die NET Bible neem byvoorbeeld die laaste ses beskrywings in Jesaja 11:2 as drie kombinasies van wat die Gees van God vir die Messias gaan gee: buitengewone wysheid (gives extraordinary wisdom), kragtige planne (provides the ability to execute plans), absolute lojaliteit (produces absolute lojalty to the Lord). Dit maak vir my baie sin.

KWALIFIKASIE: Die Gees van God word wel met verskeie name beskryf op talle ander plekke in die Skrif. Dit gee ‘n mens ‘n paar uiters belangrike perspektiewe op die werk wat Hy in ons doen. Ek gee sewe van dié beskrywings. Daar is meer:

  • Sag 12:10 – “Gees van genade en smekinge
  • Joh 16:13 – “Gees van waarheid
  • Rom 1:1  – “Gees van heiligheid
  • Rom 8:2  – “Gees van lewe
  • Rom 8:14  – “Gees van aanneming
  • Hebr 10:29 – “Gees van genade
  • 1 Pet 4:14 – “Gees van heerlikheid

In ‘n sekere sin kan ‘n mens dus dié beskrywings van die Gees as “name” sien. Alhoewel dit nie direk die name van die “sewe Geeste” in Openbaring is nie, is dit wel name wat die Gees se wese en werk beter vir ons omskryf.

Die Bybel nooi ons dus wel uit om die betekenis wat die Gees vir ons het, aan dié name te koppel.


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (6)

Maak 'n opmerking

  • Chris van Wyk on 1 Kronieke 28-29Groete!
  • Wansen Engelbrecht on 1 Kronieke 28-29Baie dankie. Groetnis Wansen Engelbrecht Klerksdorp
  • Chris van Wyk on Genesis 1:1-2:3Is dit op 'n selfoon?
  • Johan Kirsten on Genesis 1:1-2:3Middag Chris. Ek merk dat as jy op die "menu" hierbo tik, die blok wat aan die linkerkant verskyn, blanko is. Daar is wel "onsigbare" skakels wat jou na die verskillende bladsye neem. Groete. Johan
  • Chris van Wyk on Psalm 11Dankie, Jenny. Ek het self weer baie moed uit dié Psalm 11 gekry. Veral uit die feit dat ons nie baie beheer het oor die fondamente nie, maar op God kan vertrou wat opregtes suiwer en goddeloses skroei, soos dit in die laaste deel van die Psalm uitgespel word. God kan oneindig meer doen as wat ons k…
  • Jenny on Psalm 11Baie dankie vir die boodskap wat weereens soos vorige boodskappe my help om deur baie swaar tye te kan kom. Die laaste jaar is daar so baie berge wat my toesak dat ek net kan vasklou aan God se woord en U maak dit makliker om sekere dinge beter te verstaan en net aan te hou glo en vertrou. Baie dank…
  • Chris van Wyk on Die Twaalf Kleiner ProfeteDankie Johan, waardeer.
  • Johan v Zyl on Die Twaalf Kleiner ProfeteHi Chris net so baie dankie vir die enorme werk wat jy in Bybelskool doen. Ek gebruik dit elke dag in my bediening hier in Lichtenburg Klipkerk. Ek het op 60 die Bybel herontdek met nuwe passie . Jesusliefde Johan v Zyl
  • Chris van Wyk on Salwing in die BybelEk is bly, Stoffie, dat ek kon help. Die waarhede in die Skrif is ons diepste en enigste beskerming teen dwaling.
  • Stoffie Van Dyk on Salwing in die BybelEk het die afgelope Sondag 'n diens bygewoon wat my baie ontstem het - mense in die gehoor is gesalf deur 'n "profetes", en snaakse dinge het gebeur. Hierdie hele skrywe oor die salfgebruik, en van die antwoorde op vrae was vir my baie leersaam omdat dit vir my Skriftuurlik is. Baie dankie
  • Chris van Wyk on 2 Samuel 18Dankie Lesley, waardeer.
  • Lesley Barnard on 2 Samuel 18Pragtig, ñ mooi toepaslike verduideliking.
  • Chris van Wyk on 2 Samuel 17Hi Hettie. Daar is twee letters in Hebreeus wat amper dieselfde geskryf word, maar verskillend uitgespreek word. Daar is die normale h wat uitgespreek word soos ons dit normaalweg doen. Dan is daar egter ook die letter ḥ (geskryf met 'n h met 'n punt onder) wat anders uitgespreek word. Die uitspraak…
  • Hettie Swart on 2 Samuel 17Baie dankie vir die oopbreek van die Woord. Ek sien dat my Bybel 35 vertaling na Husai verwys en nie Gusai soos in die Bybelstudie aangetoon word nie. Is dit verskillende uitsprake vir dieselfde mens? Help my reg asseblief.
  • Chris van Wyk on Josua 2 – Ragab se ontsag vir Jahwe spaar die verkenners se lewe👍