Reisgenote in geloofsvorming

Ek wil jou uitnooi om die volgende 18 weke op ‘n geloofsvormende reis te gaan. Ek noem dit Reisgenote in geloofsvorming.

Alle gelowiges is reeds besig om in hulle geloof gevorm te word. Deur die kerk, deur ander gelowiges, deur die Bybel, deur die Here self.

Dié geestelike reis van geloofsvorming hou egter nooit op nie. Ons is altyd op pad om nog meer van die Here en sy pad met ons te leer.

Ek wil jou help deur jouself te verdiep in drie basiese geloofsgewoontes.  Dit is dinge waarmee jy nie noodwendig onbekend is nie, maar waarvan ‘n mens altyd meer kan leer.

Drie basiese geloofsgewoontes

Hier is die drie basiese geloofsgewoontes wat deur die eeue gelowiges gehelp het in geloofsvorming.

  1. Die eerste is die daaglikse ondersoek in gebed.
  2. Die tweede is die geestelike lees van die Bybel.
  3. Die derde is die beoefening van die teenwoordigheid van God.

Soos ‘n mens groei in die beoefening van hierdie drie geloofsgewoonte verdiep jou geloof en groei jy in geestelike volwassenheid.

Gaan na hierdie bladsy om met die proses te begin.


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (3)

  • Phillip van den Berg

    More Chris,
    Ek is opsoek na n basiese e joernaal/dagboek, een wat ek lokaal op my rekenaar ook kan stoor in tye wat internet toegang nie moontlik is nie. Miskien het jy al so iets gebruik en of kan jy my adviseer.
    Voorbaat dankie en vriendelike groete

    • Hi Phillip. Ek gebruik tans Evernote wat uitstekend werk (R400 ‘n jaar – die gratis opsie het ‘n paar beperkinge, maar jy kan steeds jou inskrywings aanvul wanneer jy aflyn is). Ek het ook al ‘n WordPress installasie op Wamp gedoen op my rekenaar wat eintlik nog beter is, maar daarvoor moet jy ‘n bietjie weet wat jy doen. Omdat ek Evernote ook vir navorsing gebruik – jy kan verskillende Notebooks gebruik – is dit tans my keuse.

  • Phillip van den Berg

    Baie dankie Chris. Ek gaan so bietjie kyk na Evernote ook. Die meeste van die e joernale het maar n jaarlikse koste as jy van die meer gevorderde funksies wil gebruik.

    Groetnis…

Maak 'n opmerking

%d bloggers like this: