Ek is getref vanoggend in Johannes 3:31-36 deur die wonderlike beskrywing van Jesus wat die Gees sonder maat gee aan elkeen wat in Hom glo. Dit is die basis van ons ervaring van die ewige lewe wat nou reeds begin. Die oorvloed wat God gee, vul my met ontsag en met vreugde.

Ek het ‘n bietjie navorsing gedoen oor wat presies in vers 34 oor die Gees gesê word, en deel dit graag met julle.

Die vers lui in Grieks:

“ὃν γὰρ ἀπέστειλεν ὁ θεὸς τὰ ῥήματα τοῦ θεοῦ λαλεῖ, οὐ γὰρ ἐκ μέτρου ⸀δίδωσιν τὸ πνεῦμα.” (Joh 3:34).

Letterlik vertaal:

“Want Hy wat God gestuur het, spreek die woorde van God, want (Hy) gee die Gees sonder maat.“

Die vraag is watter “Hy” ter sprake is, ‘n woord wat nie in die Grieks voorkom nie, maar veronderstel word. Dui dit op God óf op Jesus? Albei is grammatikaal moontlik.

Ek het ‘n navraag gekry oor die vervulling met die Heilige Gees.  Hier is ‘n paar gedagtes en ‘n preek oor Efesiërs 5:6-6:9 wat jou gedagtes hieroor kan stimuleer.

Elke kind van God ontvang die Heilige Gees met ons wedergeboorte. So sê die Bybel. Almal wat aan Christus behoort en in Hom glo, het dus die Heilige Gees ontvang.

Lees bv. Handelinge 2:38:

“Bekeer julle en laat elkeen van julle gedoop word in die Naam van Jesus Christus, en God sal julle sondes vergewe en julle sal die Heilige Gees as gawe ontvang.”

En lees Romeine 8:9:

“As iemand die Gees van Christus nie het nie, behoort hy nie aan Christus nie.”

Lees ook Titus 3:5-7:

“Hy het ons verlos, nie op grond van iets wat ons vir ons vryspraak gedoen het nie, maar op grond van sy eie ontferming. Dit het Hy gedoen deur die wedergeboorte wat die sonde afwas, en deur die Heilige Gees wat nuwe lewe gee. God het die Heilige Gees oorvloedig op ons uitgestort deur Jesus Christus ons Verlosser. So is ons dan deur sy genade vrygespreek en het ons erfgename geword van die ewige lewe wat ons verwag.”

Ek het hier ‘n kort ietsie geskryf oor hoe ‘n mens die Heilige Gees ervaar: En hier het ek iets geskryf oor hoe die vervulling met en die vrug van die Heilige Gees werk.

Hier is ‘n meer geïntegreerde bydrae aan die hand van Efesiërs 5:6-6:9

Ek het ‘n navraag gekry oor die ervaring van die werk van die Heilige Gees en deel graag ‘n paar gedagtes daaroor.

Ek vind regtig baie troos in die Dordtse Leerreëls (jy kan dit hier aflaai). Dit gee ons 5 sekerhede (soos die 5 solas!), uitgedruk in Engels met die akroniem TULIP. Dit staan vir Total Depravity, Unconditional Election, Limited Atonement, Irresistable Grace en Perseverance of the Saints.

Ek verstaan dit so: