Markus 8:11-21 – Hoe blind is dié wat nie wil sien nie
Markus
Hiervandaan is Jesus na Dalmanuta toe waar ‘n aantal Fariseërs met Hom begin redeneer oor ‘n wonderteken. Jesus sug (‘n ander tipe sug as met die dowe man!) oor hulle poging om Hom op die proef te stel. Hy het immers net tevore brood vermeerder, wat tog ‘n duidelike wonderteken is, en verklaar stellig dat hulle beslis nie ‘n teken sal kry nie. Hulle kies om nie te sien nie! “Hy het hulle daar laat staan” en weer na die oorkant na Betsaida vertrek.
Op pad oor die see draai die gesprek weer oor die tema van brood, met Jesus wat in beeldspraak verwys na die wyse waarop die suurdeeg van die Fariseërs mense kan verblind. Suurdeeg is deur die Jode as ‘n aanduiding van verderf. Hou ook in gedagte hoe suurdeeg by die Paasfees verwyder moes word uit die huise, om gereinig te word om die Paasfees te kan geniet. Interessant: Paulus sluit by dié gedagte aan in 1 Kor 5:6-8 waar hy verkondig dat Christene soos nuwe ongesuurde deeg moet wees, vol van reinheid en waarheid.
Die dissipels verstaan Hom egter verkeerd waarop Hy hulle skerp aanspreek oor die gevaar wat hulle bedreig; dat hulle wat in die binnekring is en van beter behoort te weet, eintlik net soos die buitestaanders en spesifiek die Fariseërs die wonder van God se teenwoordigheid kan mis, al sien hulle wat min ander ooit kon sien. Jesus wys dan na die twee wondertekens rondom die brood (anders as met die Fariseërs ) om hulle tot begrip te probeer lei.
Dit tref my hoe blind mense is wat nie wil sien nie, die Fariseërs, en teenoor hulle, hoe blind ander mense is wat sien, maar dit nie reg kan onderskei nie, die dissipels. Die enigste een wat dieper insig toon, is die heidense vrou van gister, wat eintlik dié voorbeeld raak van iemand wat Jesus se ware aard verstaan.
Matteus
Lukas vertel nie dié verhale nie.
Matteus gee ‘n heeltemal ander inhoud aan Jesus se gesprek met die Fariseërs – nie verrassend nie, omdat die gesprek nie verbatim weergegee word nie – en wys hulle versoek vir ‘n teken af met die voorbeeld van die tekens van die weer teenoor die tekens van die tye. Met die eerste is die Fariseërs goed, met die tweede glad nie. Daarom sal net een teken vir hulle gegee word, die teken van Jona, wat heel moontlik na die episode in die vis verwys, as beeld van die dood en opstanding van Jesus.
Matteus onthou anders as Markus dat daar glad nie brood in die skuit was nie (nie eers een nie!). Hy beskryf ook die dissipels as kleingelowiges en sluit af met ‘n verwysing na ‘n dieperwordende begrip, verder as die letterlike, by die dissipels dat hulle versigtig moet wees vir die leringe van die Fariseërs.
Fanie Bekker
| #
Ek is bly vir vandag se boodskappie: “Vraag 6: Wat is die Bybel?”, want ek loop nou al vir ‘n week en wonder hoe kan ek die saak met u opneem, geagte Dr van Wyk. Veral die gedeelte: “Die Bybel is die geskrewe Woord van God. Die Heilige Gees getuig in my hart dat dit so is.”
Ek dink dit is eenvoudig net nie waar nie. Eens, toe ek ook nog naief geglo het in die Bybel as die “Woord van God”, sou ek vreugde gevind het in u pragtig uiteengesette boodskappie. Vandag egter, baie ure se persoonlike Bybelstudie later, weet ek, bo alle twyfel, dat die Bybel nie die “Woord van God” is nie en dat die “Heilige Gees” nie bestaan nie. Hoekom is ek so oortuig daarvan? Eerstens kan ek bo redelike twyfel verklaar dat die materiaal wat u op hierdie Webblad skryf, u woord/e is. Ek weet dit want u en ek het al daaroor gekommunikeer, en ek kan dus verklaar: “Bybelskool is die woord van Dr van Wyk.” Maar, ek kan nie dieselfde van die Bybel verklaar nie omdat dit eenvoudig nie God se Woord/e is nie- dit is mensewoorde. En tweedens: hoe kan dieselfde Heilige Gees wat my eens soos u laat verklaar het dat die Bybel die Woord van God is, my nou so oortuig dat dit toe inderwaarheid nie die Woord/e van God is nie. As gelowiges dus verklaar dat die Heilige Gees hulle lei om te verklaar dat die Bybel die “Woord van God” is, dan sê ek dit is wensdenkery: die werklikheid is egter dat dit nie so is nie. En wat meer is: ek dink ons oorspeel ons hand as ons namens God oor God dinge besluit, en woorde in Sy “Mond” lê, soos om die “Heilige Gees” se “oortuigingsmag” aan God toe te skryf. Ek wonder – wat dink u?
Jan Louw
| #
Die gedagte dat God praat, praat met my.
Chris van Wyk
| #
Dankie Jurgens. Dit is my lewe.
Jan Louw
| #
Dankie Chris andermaal. Interessant die ooreenkoms tussen NGB en Westminister.
Jurgens de Jager
| #
Chris
Ek waardeer jou liefde vir die Here en sy kinders ontsettend baie!
Piet du Toit
| #
Chris wat sou die betekenis van Heb 2:14 wees waar gese word dat satan mag het oor die dood?
Chris van Wyk
| #
Hi. Dit is nie sonde nie, maar lees hier meer daaroor.
Corrie
| #
Boeke môre ek wil graag vra is verassing sonde want die woord sê van stof is jy gemaak en tot stof sal jy terug keer. Het as en stof die self betekenis hier? Groete Corrie.
Corrie
| #
Môre baie dankie vir die antwoorde waardeer op reg sal begin met Markus en sal weer vra as ek nie iets nie verstaan nie geseënde naweek vir U groete Corrie.
Chris van Wyk
| #
Hulle probeer jou oortuig om hulle leringe te aanvaar. Daar is geen boeke uit die Bybel weggelaat nie. Hulle leer bv dat Jesus nie God is nie. Dit beteken dat Hy dan ook nie vir ons kan verlos nie. Want, ons het ‘n Middelaar nodig wat God en mens is. Jesus is mens. Gebore uit Maria. Jesus is God. Gebore uit God. Hy is dus God self (Johannes 1:1-14). Ek stel voor jy begin by ‘n boek soos Markus en lees dit deur om Jesus beter te leer ken. Klik op die skakel en volg die instruksies. Geniet die reis!