My preke by NGK Somerstrand nou ook hier beskikbaar
Hier is ‘n lys van 424 van my preke by NGK Somerstrand van 2008 tot 2023 wat jy hier kan aflaai:
Skakel in by Veritas!
Ek het ‘n navraag gekry oor die Veritas opleiding en deel graag meer inligting, want ek kan aan geen beter beskikbare opleiding vir dissipelskap en die bediening van lidmate en leraars dink nie. Die verdere voordeel is ook dat jy al hoe dieper kan gaan met die materiaal en kan vorder van die sertifikaat en diploma opleiding tot by ‘n geakkrediteerde meesters- of doktorsgraad! Alles met dieselfde uitgangspunte en metodiek. Daar is selfs ‘n roete vir iemand sonder matriek om hierdeur professioneel opgelei te word vir die bediening!
In kort, hoe dit werk:
Die Veritas opleiding fokus op Geïntegreerde Leierskapsontwikkling deur drie prosesse:
- Interpretasie van die Bybel op ‘n praktiese en verantwoordelike wyse
- Toepassing van die absolutes van die Bybel op ‘n spesifieke konteks
- Kommunikasie van die absolutes in die spesifieke konteks
Dit bevorder dus ‘n proses van teologie-in-konteks wat gelowiges en kerke na volwassenheid lei en transformasie van individue, gesinne en die gemeenskap in die breë bevorder.
In die grondvlakfase is daar vier modules wat deur fasiliteerders regdeur Suid-Afrika (en in 44 ander lande) aangebied word:
- Module 1: Uitleg en vermaning (Paulus se briewe) met ‘n fokus op Christenskap, geestelike volwassenheid, oorwinning oor versoeking en sonde, leierskapsontwikkeling, hoe om ‘n Bybelse teologie te beoefen en hermeneutiek te doen en dit prakties toe te pas om ‘n Bybelstudiegroep te lei en hoe om te preek.
- Module 2: Verhale (Pentateug en OT historiese boeke) met ‘n fokus op etiese besluitneming, kinderbediening, rolle van eggenote, huweliksgetrouheid, en ouerskap.
- Module 3: Poësie (Psalms, Wysheidsliteratuur en Profete) met ‘n fokus op pastorale sorg en profetiese betrokkenheid in die samelewing vandag.
- Module 4: Sinoptiese Evangelies, Johannes, Handelinge en Openbaring met ‘n fokus op barmhartigheid, finansies, selfverloëning en die ontwikkeling van ‘n strategie vir die kerklike lewe.
Die opleiding kan in-persoon of per zoom gebeur. Die koste is net die moduleboek wat tans R420 is (R470 vir mense wat in dieselfde proses as fasiliteerders opgelei word). Jy kan weekliks inskakel van Februarie tot September in al die groot sentra in die land. Jy kan reël dat dit oor drie of vier naweke aangebied word, óf selfs in ‘n drie-dag marathon! Zoom is ook ‘n opsie.
Ek begin uiteraard eers volgende jaar ernstig hiermee werk, maar oorweeg solank of jy wil inskakel, sodat ek dit kan deurgee vir die onderskeie spanne (ook in ander lande, want die Bybelskool.com gehoor is mos oor die hele wêreld!) en hulle jou kan indeel.
As jy gehou het van die materiaal van Bybelskool.com gaan jy Veritas as ‘n natuurlike verdere ontwikkeling van jou eie reis met God en die Bybel ervaar. Dit sal ‘n voorreg wees om só verder met julle besig te wees (terwyl Bybelskool.com natuurlik steeds voortbestaan!)
525 preke die afgelope 15 jaar – Chris van Wyk
My aftrede in NGK Somerstrand begin naderkom. Ek tree einde Februarie 2023 af. Ek begin 1 Maart by Veritas College International as Director Ministry and Spiritual Formation. Ek sal by alle opleiding betrokke wees: die grondvlakfase (4 modules – dit kan ook oor zoom aangebied word, as jy belangstel), die voorgraadse opleiding sowel as die nagraadse opleiding.
Ek gee graag vir jou ‘n lys van 525 van my preke die afgelope 15 jaar. Dit is maklik om in hierdie dokument vir beide temas of tekste te soek. Dit is gratis en verniet.
PREKE – volgens Bybelboeke gerangskik
Hier is 293 van my preke die afgelope dekade volgens die orde van die Bybelboeke gesorteer. Die preke wat ek daarna lewer, sal jy DV by ngkerksomerstrand kan bereik.
PREKE: 2008 TOT 2018
Onlangse kommentaar