Skip to main content

Indeling van die boek Jeremia

Jeremiah lamenting - Rembrand van RijnJeremia is die langste profetiese boek in die OT, in woorde en verse, hoewel nie in hoofstukke nie. Trouens, net die boek van die Psalms is langer as die boek van Jeremia in die Bybel. Die boek van Jeremia bestaan uit verhalende gedeeltes (veral hfst. 34-45, maar ook dele uit hfst. 1,18-20,21,25-29,32,52) sowel as profetiese uitsprake in poëtiese (2-6,9-10,15,17-18,22-23, 30-31,46-51)en meer prosaïese vorm (7-8,11-14,16,20,24, 33) hoewel daar ook heelwat poësie en prosa afwisselend in dié hoofstukke gebruik word.

Die indeling van die hoofstukke is nie oral kronologies nie en sommige hoofstukke het verband met mekaar al staan hulle nie langs mekaar nie, bv.:

  • die profesie in hfst. 7 het verband met die interaksie met Jojakim in hfst. 26,
  • die uitsprake oor onderdanigheid aan Nebukadnesar in hfst. 21 vorm die agtergrond vir die interaksies met Sedekia en die eerste weggevoerde ballinge in Babel in hfst. 27-29, en
  • die veroordeling van die konings in hfst. 22-23 vorm weer die agtergrond vir die interaksies met onder andere Sedekia en Jojakim in hfst. 26-29 en 34-36.

Die volgende indeling gee egter een manier om die opbou van die boek logies te probeer orden:

  • Jeremia se roeping – hfst. 1
  • Jeremia se boodskap aan Juda en Jerusalem – hfst. 2-33

o   Oor die onafwendbare oordeel – hfst. 2-23

      • Volk: “My volk het my vergeet” – hfst. 2-20 (ingesluit Jeremia se sewe “Konfessies”)
      • Leiers: konings, profete en priesters – hfst. 21-23 (met ’n belofte van ’n regverdige koning in hfst. 23)

o   Oor die ballingskap – hfst. 24-29

o   Oor die toekomstige herstel – hfst. 30-33

  • Jeremia se interaksies met die leiers vóór en ná die val van Jerusalem – hfst. 34-45

o   Voor en tot met die val van Jerusalem (die verhale van Jojakim [35-36] is in die middel van dié oor Sedekia [34,37-39] geplaas) – hfst. 34-39

o   Ná die val van Jerusalem (Jeremia is  vrygelaat, maar uiteindelik gevange geneem deur opstandelinge onder leiding van Joganan en na Tagpanges in Egipte weggevoer) – hfst. 40-45

  • Jeremia se boodskap aan die nasies – hfst. 46-51

o   Egipte – hfst. 46

o   Filistyne – hfst. 47

o   Moab – hfst. 48

o   Ammoniete, Edom, Damaskus (Sirië), Kedar en Gasor, Elam  – hfst. 49

o   Babel – hfst. 50-51

  • Sedekia en Jerusalem se val, Jojagin se bevoorregting – hfst. 52 (oorgeneem uit 2 Kon. 24:18–25:30 en 2 Kron. 36:11-21)

 

Jeremia


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments

Maak 'n opmerking

Onlangse kommentaar