In hierdie sessie gee ek die storielyn van Jesus tot dusver weer in ‘n kort 16 punt oorsig. Sy geboorteverhale tot by sy doop en versoeking. Sy aanvanklike bediening in Galilea tot by ekskursies na Tirus en Sidon, Dekapolis, Sesarea-Filippi terug tot in Kapernaum.

Ek het twee vrae gekry wat ek beantwoord:
• Hoekom was die dissipels bang om Jesus uit te vra oor sy dood?
• Hoe ontvang jy iemand in Jesus se Naam?

Ek bespreek Jesus se tweede aankondiging van sy dood en opstanding en sy lering dat grootheid in diens opgesluit lê.

Onthou die materiaal kan hier afgelaai word.

Jy kan steeds hier inskryf.

Jy kan hierdie video van Woensdag 09:00 af kyk.

Hierdie week staan ons stil by Jesus se beskrywing van Johannes die Doper as Elia – Markus 9:9-13 en Matteus 17:9-13– sowel as die genesing van die seun wat erg gely het onder ‘n sterk demoon – soos aldrie sinoptiese evangelies dit vir ons vertel (Luk 9:37-43; Mark 9:14-29; Matt 17:14-20).

Die seun het simptome van epilepsie gehad en was ook doofstom, soos ons in Matteus se weergawe lees. Jesus genees dan die seun op die vader se versoek. Met hierdie verhaal nooi Jesus ons uit om op sy grootheid te vertrou in hulle werk.

Die vraag is nie of Jesus die seun kan genees nie. Die vraag is of die man dit glo, want alles is moontlik vir hom wat glo. Die verhaal nooi ons dus uit om die ware gestalte en gesag van Jesus na waarde te skat.

Beskikbaar Woensdag 22 April van 09:00 af.

Ons fokus steeds op die Lydende Messias en die Lydende dissipels, soos Markus 8:34-9:1 en Matteus 16:24-28 dit vir ons vertel. Ons het verlede week na Lukas 9:23-27 se weergawe gekyk.

Ons staan ook stil by die berg van verheerliking – die berg Hermon in Sesarea-Filippi, ‘n streek wat met demoniese aktiwiteite geassosieer is, die noordelike rand van Basan, die “poorte van die doderyk – soos al drie sinoptiese evangelies daaroor skryf: Lukas 9:28-36; Markus 9:2-8 en Matteus 17:1-8.

Twee dinge staan vir my uit van hierdie wonderlike ervaring.

1. Die een is die plek waar die verheerliking gebeur. Die “poorte van die doderyk”. Dit wys onteenseglik dat die lig in die duisternis skyn en dat die duisternis die lig nie kan oorweldig nie.

2. Die ander is die heerlikheid wat Jesus en sy twee gespreksgenote – Moses en Elia – gedeel het. Dit is ook die heerlikheid wat ons beskore is, omdat ons in Jesus glo. Soos Paulus sê: “Ek is daarvan oortuig dat die lyding wat ons nou moet verduur, nie opweeg teen die heerlikheid wat God vir ons in die toekoms sal laat aanbreek nie.” (vgl Rom 8:18-39).

Onthou jy kan steeds inskakel en alle vorige gedeeltes by die argief bereik.

Onthou jy kan steeds inskakel en alle vorige gedeeltes by die argief bereik.

Jesus gaan in hierdie vyf gedeeltes dieper in op die boodskap van Hom as die Messias.