Bybelskool
13 Jan2011

Bybelskool oor die boek Jesaja – begin 20 Januarie

Written by Chris van Wyk. Posted in Bybelskool

Ons lees die boek Jesaja in die eerste kwartaal.  In die gemeente van Somerstrand word dit gekombineer met ‘n Bybelstudie– en preekreeks.  Lidmate kan hulle in die week vooraf óf by ‘n Bybelstudiegroep óf in die Bybelskool ingrawe in die fokusteks vir die Sondag en bydraes maak, voor ons saam gaan luister na wat God vir die gemeente sê. Klik hier om direk na die bydraes oor die boek Jesaja te gaan.

Leesplan

Ons begin Donderdag 20 Januarie met die inleiding en oriëntering op die boek Jesaja sowel as die lees van hoofstukke 1-6.  Die eerste byeenkoms in die gemeente is Woensdag die 26ste Januarie 2011 18:30.

Datum Teks Byeenkoms 18:30
20-26/1 Jesaja 1-6 26/1
27/1-2/2 Jesaja 7-12 2/2
3-9/2 Jesaja 13-27 9/2
10-16/2 Jesaja 28-35 16/2
17-23/2 Jesaja 36-39 23/2
24/2-2/3 Jesaja 40-48 2/3
3-9/3 Jesaja 49-55 9/3 – geen byeenkoms!
10-16/3 Jesaja 56-61 16/3
17-23/3 Jesaja 62-66 23/3
24-30/3 Jesaja in die NT 30/3

Registrasie

Enigiemand is baie welkom om in te skakel.  Registreer aan die regterkant by Registrasie / TEKEN IN (of klik hier vir die direkte skakel), en ek sal die bydraes per e-pos vir jou stuur.  Registrasie en inskakeling is gratis.  Onthou ook om kommentaar te lewer of jou vrae te vra.  Jy kan dit doen aan die onderkant van enige bydrae deur op comments te klik.  Ek antwoord graag.

Jy kan ook enigeen van die vorige Bybelskool kursusse op jou eie tyd deurwerk:

Bydraes oor die boek Jesaja

[jwcatpostlist includecats=146]

     

Tags:

Trackback from your site.

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (2)

  • Avatar

    Lindie Steenkamp

    |

    Dagsê

    Ek wil graag weet of daar steeds gratis studie materiaal beskikbaar is vir 2015-2016?

    Reply

    • Avatar

      Chris van Wyk

      |

      Ja, die beplanning is DV om die Psalms dié jaar klaar te lees, dan Job in die eerste kwartaal volgende jaar, en daarna die eerste sewe boeke van die Bybel, Genesis tot Rigters. Dan sal my reis met die Bybel saam met julle voltooi wees.

      Reply

Leave a comment

Onlangse kommentaar

  • Avatar

    Chris van Wyk

    |

    Die woord wegraping kom nie in die Bybel voor nie. Dit is ‘n afleiding wat gemaak word op grond van die beskrywing van Jesus se hemelvaart en ons ontmoeting met Hom in 1 Tessalonisense 4.

  • Avatar

    Past C Tities

    |

    Pastoor ek soek graag Meer inligting oor rampe veral geestelik

    Dankie vir u wonderlik ervaring wat u met andere deel

  • Avatar

    Milana Van Rooyen

    |

    Goeie dag

    Waar in bybel staan die woord wegraping …
    Skrif asb
    Dankie
    Millanie

  • Avatar

    Chris van Wyk

    |

    Hi Marietjie. Die gedeelte wys dat ‘n mens ‘n oppervlakkig verhouding met Jesus kan hê, wat dinge soos profetiese aktiwiteit insluit (kyk na Mrk 9:38; Hand 19:13 waar spesiek na duiweluitdrywery verwys word wat deur ander groepe gedoen is). Maar, waar jy nie gehoorsaam is aan Jesus en die wet verbreek – soos Hy hier uitspel – beteken jou verhouding niks nie. Die 1933 / 53 vertaling het in vers 23: “julle wat die ongeregtigheid werk!”. maar die 1983-vertaling het heel korrek “julle wat die wet van God oortree.” Die 2020-vertaling vertaal ook so: “julle wat wetteloosheid bedryf!” Dissipelskap behels dus dat jy God in elke detail van sy Woord gehoorsaam, nie maar net duiwels uitdryf nie.

  • Avatar

    Chris van Wyk

    |

    Dankie Kobus! Eenvoudige rede. In die gemeente het ek by Genesis begin, maar eers my bydraes op die web begin plaas toe ek by die twee Samuel boeke gekom het. Ek het toe aan die einde weer teruggegaan na Genesis en dit deurgewerk op die web tot by Rigters. Maar, ek het ook ‘n bietjie rondgespring bv met die vyf Psalmboeke, en dit afgewissel met ander Bybelboeke.

  • Avatar

    Abram Pretorius

    |

    Kan Dominee my asseblief help met die volgende vrae en wat die skrif daaroor sê

    1.Wat is liefde
    2.Wat is romanse
    3.Wat is n verhouding tussen twee mense (man en vrou)
    Ek wil graag duidelikheid daaroor kry om dit beter te verstaan

  • Avatar

    Kobus Viljoen

    |

    Goeie dag.
    Eerstens wil ek my dank aan jou uitspreek vir jou unieke metode om die Bybelboeke so te ontleed. As gevold daarvan, het jy my so vasgevang in die Ou Testament dat ek nou ‘n groot liefde daarvoor ontwikkel het. Dit is nou maar net so – Die OT trek my aan en wil ek alles daarvan weet en leer. Ek wil weer die OT se boeke deurwerk maar let op dat jy nie by die pentateug begin het nie maar wel by die Samuel Boeke? Is daar ‘n spesifieke rede daarvoor?

  • Avatar

    Marietjie van Niekerk

    |

    Ds Chris ek het n vraag oor Matt 7: 21 – 23. Ek het Die Bergrede en Matt 7 aan hand van Adrio Konig se boek gedoen. My vraag is, hoe kan iemand in die Naam duiwels uitdryf en wonders doen, maar tog nie in verhouding met Jesus Christus wees nie? Dis asof daar teen strydigheid is – kom sulke games nie van die Heilige Gees nie? Maar ten spyte is daar nie verhouding met die Here nie?