Lectio Divina
Indien jy ’n meer omvattende Lectio Divina metodiek wil gebruik, kan jy hierdie een van Alice Fryling (The Art of Listening) gebruik wat ek self baie sinvol vind, hoewel ’n mens meer tyd hiervoor opsy moet sit. Dit werk met 6 bewegings:
Silencio – kom tot rus voor God en aanvaar die uitnodiging om in Sy teenwoordigheid te wees. Gebruik musiek, óf ’n Psalmvers, óf ’n meditasie oefening, óf net die stilte van die omgewing. Dink na oor wat sleg was die afgelope dag (week). Vra die Here vir vergifnis, verandering, vertroosting. Dink na oor wat goed was die afgelope dag (week). Sê vir die Here dankie daarvoor. Bid vir insig in jou lees van die Bybel.- Lectio – lees die Skrifgedeelte, hardop indien moontlik, en fokus op die verse of gedagtes wat jou tref. Dink na oor temas in die gedeelte. Wat sê dit van God? Wat sê dit van mense? Wat sê dit van die wêreld? Soek vir een sleutelgedagte wat jou besonderlik tref. Skryf dit in jou joernaal neer. Lees my bydrae en dink na oor wat jou daarin tref.
- Meditatio – kies een gedagte, en oordink die praktiese impak van die gedagte op jou lewe. Dink na oor wat God vir jou deur die sleutelgedagte wil sê. Waar raak die gedagtes in die Bybel jou lewe in die praktyk? Wat vra dit van jou? Wat belowe dit vir jou? Wat moet jy dink of doen daarmee? Wat is die boodskap van dié gedagte vir jou dag en lewe? Besluit hoe jy gaan reageer daarop.
- Oratio – antwoord God in gebed daarop. Fokus op dit wat jy ervaar die Here op jou hart lê. Doen ook voorbidding. Skryf dit alles neer in jou joernaal.
- Contemplatio – geniet God se teenwoordigheid sonder om te praat. Dit kan ’n paar minute wees of langer. Spandeer een keer ’n week ’n bietjie meer tyd hieraan.
- Incarnatio – wees gehoorsaam aan wat God sê. Laat die boodskap wat God jou gee met jou saamgaan deur die dag. Leef dit uit.
Óf die leier van die Bybelskool kan in wisselwerking met die groep meer tyd spandeer om hulle insigte en vrae te fasiliteer en hoofstuk vir hoofstuk deur die Bybelteks te werk. Fokus telkens op wat die afgelope week se leeswerk vir julle van God sê, van mense, en van die wêreld.
Probeer om deelnemers se verstaan van die Bybelteks op te helder, veral in die hantering van hulle insigte en vrae. Lei die gesprek altyd ook in die rigting van die betekenis daarvan vir julle as gemeente, en vir elkeen persoonlik. En beklemtoon dat ons eers regtig die teks verstaan wanneer ons begin om dit wat ons lees ook uit te leef.
Discover more from Bybelskool
Subscribe to get the latest posts sent to your email.
Tilla
Hi Chris
Gister in ons Bybelstudie het ons gesprek gegaan oor Hebr 4: 14 – 5:10.
Ons het nie duidelikheid oor 5 vers 7 gehad nie: en Sy gebede is verhoor.
Hy het dan aan die kruis gebid: Vader, as dit U wil is, laat hierdie beker by My verbygaan.
Die gebed is nie verhoor nie, want Hy moes sterf vir ons.
Gerda het in ‘n preek gelees dat die verhoring van Sy gebed desnoods heenwys op die feit dat Hy die vrees vir die dood oorwin het.
Kan ons dit so aanvaar en verstaan?
Chris van Wyk
Die BDV vertaal: “en Hy is verhoor uit sy angs.” Die Griekse woord eisakouo wat met “verhoor” vertaal is, word op ander plekke met “luister” of “hoor” en een keer met “gehoorsaam” weergegee. In dié konteks word dit met “verhoor” vertaal, omdat dit die betekenis dat God geluister het net na Jesus die beste oordra. God het op twee maniere hierop geantwoord:
God het dus inderdaad vir Jesus uit sy angs verhoor!