Gratis hulpmiddels vir Bybellees op rekenaars, tablette en selfone
Ek het ‘n navraag gekry oor gratis hulpmiddels vir Bybellees op rekenaars, tablette en selfone. Hier is ‘n sinopsis:
- As jy die Afrikaanse Bybel online wil lees, gaan na Bybel.co.za. Kies net die boek/hoofstuk/vers waarin jy belangstel en lees op die Internet.
- As jy belangstel in die Nuwe Afrikaanse vertaling waarvan die NT al voltooi is, en volgende jaar in ‘n proefvertaling vrygestel sal word, kan jy dit solank hier lees by nuwekerkbybel.co.za. Dit is uitstekend! Kan nie wag dat ons dit in die kerk begin gebruik nie.
- As jy die Afrikaanse Bybel op jou rekenaar wil lees, is dit meer van ‘n probleem. Jy kan Online Bible gebruik, maar dit gee tans probleme op my rekenaar. Bestel dan liewer die CD by hulle vir R250 (en hoop dit werk beter!).
- As jy die Afrikaanse Bybel op jou mobiele toestel – selfoon, tablet ensomeer – wil lees, gebruik Youversion se App (toep!) wat vir 10 bedryfstelsels beskikbaar is, onder ander vir Windows 8. Jy kan natuurlik dit dan ook op ‘n Win8 PC gebruik. Daar is ‘n verskeidenheid Bybels beskikbaar, onder andere die 1983 Afrikaanse vertaling. Ek gebruik dit daagliks op my iPad omdat dit so gemaklik is om te lees, voor ek meer indringend kommentaar op die tekste met ander programme lees.
- Die Net Bible is ‘n ander briljante online bron wat ongelooflik baie en goed nagevorsde kommentaar op die teks vir jou gee. Daar is 10 verskillende Engelse vertalings beskikbaar wat jy ook parallel met mekaar kan vergelyk.
- Dan is daar natuurlik die Logos program vir rekenaar, tablette en selfone, hoewel dit ‘n hele paar Rand uit jou sak sal jaag. Kyk ook na van hulle ander digitale toepassings by Vyrso en die uitnemende online bron Biblia.com wat enige tyd net so goed soos NetBible se weergawe is.
- Jy kan ook E-Sword op jou rekenaar gebruik. Laai dit af (50.6 MB), installeer die file (klik op die setup1010.exe file en volg die instruksies), en gaan na die menu binne die program om die Afrikaans af te laai (Download/Bibles – Scroll op in die venster wat oopmaak tot by Afrikaans en kies dan een van die twee vertalings – die Nuwe Afrikaanse vertaling is ongelukkig €5).
Sal graag wil hoor watter ander hulpmiddels julle nuttig vind en vir ander wil aanbeveel.
Giel
Ek stel belang om aanlyn te studeer.
Chris van Wyk
Hi Giel – hierdie Bybelskool sal jou ‘n goeie inleiding gee op die Bybelboeke, en help om die Bybel op ‘n dieper vlak deel van jou lewe te maak. Dit is egter nie ‘n akademiese instansie nie.
Chris van Wyk
Jy kan na enige van dié twee aanlyn instansies kyk of hulle kursusse aanbied wat aan jou behoeftes voldoen:
Joseph Rhodes
Wil graag studies ontvang
Chris van Wyk
Hi Joseph, jy kan enige van die bydraes op die webtuiste self lees. Jy kan ook inskryf vir Prontuit die Waarheid wat weer die 2de April hervat. Volg net die instruksies op die webtuiste.