Bybelskool
09 Dec2019

Jesus gebore in die winter?

Written by Chris van Wyk. Posted in Uncategorized

Photo by Elias Tigiser from Pexels

Ek het ‘n navraag gekry oor hoe dit moontlik is dat Jesus in die winter gebore is? Ek het besluit om dié vraag te beantwoord en ‘n bietjie speels met ‘n paar “asse” te werk om by Jesus se geboortetyd uit te kom. Ek wil daarmee ‘n paar van julle aan die dink sit, en wys hoe moeilik dit is om by datums in die Bybelse tyd uit te kom. Geniet!

1. Winter in Betlehem en omstreke is nie so swaar soos in Europa nie. Dit is kort en matig.

Jesus het bv in die winter die fees van die tempelwyding bygewoon in Jerusalem (8 km van Betlehem) êrens tussen November en Desember (Joh 10:22).

Die gemiddelde temperatuur in Desember is 12 grade Celsius vandag, hoewel ons nie weet hoe dit 20 eeue terug was nie. Dit is wel die reënseisoen in Israel soos ons in Esra 10:9 lees en daar is soms sneeu vir ‘n dag of twee. Maar dit het nog nooit die boere gekeer om hulle vee in die veld te versorg nie.

Die landstreek oos van Betlehem val skerp na die Dooie See se kant toe wat dit eintlik warmer maak as die hoër liggende gedeeltes na die weste. Die weer hoef dus nie ‘n mens se standpunt oor Kersfees te beïnvloed nie.

Die tyd 25 Desember is dus nie onmoontlik nie, maar kan nie histories geverifieer word nie. Maar, dit geld alle ander voorstelle vir datums. Die kerk het dus een van die datums wat voorgestel is, gekies. Dit is net so goed soos enige ander datum.

2. ’n Interessante manier om uit die Bybelse gegewens ’n datum te probeer vasstel, is om met die tyd te werk wat Sagaria uit die diensorde van Abia in die tempel diens gedoen het (Luk 1:5).

Die priesters is in 24 families geloot vir ’n week se diens in die tempel. Hulle het dit dus min of meer twee keer ’n jaar waargeneem.

Die Bybelse jaar het 12 maande gehad (1 Kon 4:7; 1 Kron 27:1-15; Est 2:12; Dan 4:29; Openb 22:2). Die indeling van die jaar is met die Uittog uit Egipte verander sodat dié maand, Nisan (Abib), die eerste maand van die jaar sou wees. ’n Teologiese rede dus.

Hier is die name van die 12 maande van die jaar in Bybelse tye:

  1. Nisan (Abib) – 30 dae – Mrt/Apr (Neh 2:1; Est 3:7) – lente, die tyd van die Paasfees op die 14de dag (Eks 12; Lev 23:5-14)
  2. Ziv (Iyyar)  – 29 dae – Apr/Mei (1 Kon 6:1,37)
  3. Sivan – 30 dae – Mei/Junie (Est 8:9)
  4. Tammuz – 29 dae – June/July (Eseg 1:1) – somer
  5. Ab – 30 dae – Julie/Aug (Num 33:38) – die tyd van die Pinksterfees, die fees van die weke, 50 dae ná die Paasfees (Lev 23:15-22)
  6. Elul – 29 dae – Aug/Sept (Eseg 8:1)
  7. Tishri (Ethanim) – 30 dae – Sept/Okt (1 Kon 8:2) – herfs, die tyd van die Groot Versoeningsdag op die 10de dag (Lev 23:26-43) sowel as op die 15de dag die viering van die Huttefees (Lev 23:33-44)
  8. Bul (Marhesvan) – 29/30 dae – Okt/Nov (1 Kon 6:38)
  9. Kislev – 30/29 dae – Nov/Des (Jer 36:9)
  10. Tebet – 29 dae – Des/Jan (2 Kon 25:1) – winter
  11. Shĕbat – 30 dae – Jan/Febr (Sag 1:7)
  12. Adar – 29 dae – Febr/Mrt (Est 3:13)

Die familie van Abia het telkens die 8ste week diens gedoen van die sesmaandelikse siklus (1 Kron 24:10), dws ongeveer aan die einde van die maand Ziv in die lente en min of meer in die maand Bul in die herfs onderskeidelik.

Wat dit egter moeilik maak om hiermee te werk, is dat die maande volgens die maan gewerk het, 29 of 30 dae, maar die jaar volgens die son, 364 dae.

Daar is dus gereeld aanpassings gemaak vir die verlore dae ’n jaar, soms selfs ’n dertiende maand ingevoeg in die jaar (Adar II) om min of meer by die sonjaar te bly ter wille van die seisoene, sodat bv Paasfees in die lente kon bly en Pinkster in die oestyd.

Dit beteken die weke van hulle dienswerk het nie presies in die maanmaand ingepas nie, so daar is telkens aanpassings gemaak. Enige berekening wat ’n mens maak moet die onsekerheid van die ooreenkoms tussen die weke en die aanpassing in die maande verreken.

Eers ’n bietjie agtergrond oor die jaartal waarvan ons praat.

Lukas verbind die verhale van die Verlosser aan die gebeure op die wêreldfront ter wille van die konteks daarvan (Luk 2:1-3). Hy noem keiser Augustus (regeer van 27 vC tot 14 nC) en goewerneur Sirenius van Sirië. Eersgenoemde omdat Palestina deel van die Romeinse ryk was, en laasgenoemde omdat hy waarskynlik die hele Palestynse gebied se volkstelling gereël het (volgens sommige historici was Quirenius Varus toe goewerneur, met Sirenius waarskynlik ’n militêre veldheer wat Varus bygestaan het).

Die volkstelling het in 8-6 vC plaasgevind, wat min of meer die tyd is toe Jesus gebore is. Hierdie volkstelling, sê Lukas, was die eerste van sy soort. Daar was ook ‘n tweede volkstelling (Hand 5:37) toe daar ‘n volksopstand was deur Judas, die sogenaamde Galileër.

Lukas verwys ook na Herodes wat bevestig dat hierdie gebeure voor ons jaartelling plaasgevind het (Luk 1:5), want Herodes is dood in die jaar 4 vC. Die aankondiging van Johannes die Doper se geboorte aan Sagaria was dus waarskynlik tussen 7 en 6 vC (Luk 1:5-25).

Nou, ’n groot “as”.

As Sagaria dus in die jaar 7 vC die laaste week van die maand Ziv sou diens gedoen het, sou sy dienstyd min of meer met die eerste week van Mei ooreengestem het (Biblical Lunar Calendar). As sy dienstyd die laaste week van die maand Bul was, sou dit min of meer met die eerste week in November ooreengestem het.

Nog ’n groot “as”.

As Elizabeth die tweede week van Mei óf die tweede week van November swanger sou geword het, en Maria ses maande later, sou Jesus (indien alles normaal verloop het) vyftien maande ná Sagaria se dienstyd in óf Mei óf November gebore gewees het.

Dit beteken Jesus is óf in September 6 vC óf in Januarie 5 vC gebore.

‘n Jaar vroeër of later afhangende van waar ‘n mens vir Sagaria plaas …

Daar is egter soveel “asse” in hierdie berekening dat die eintlike punt wat ek daardeur wil maak, is dat dit bykans onmoontlik is om die datum van Jesus se geboorte presies te bepaal.



     

Trackback from your site.

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (3)

    • Avatar

      Piet

      |

      hi daar Andre, ek sien jy het ‘n video van jonathan cahn opgesit. Wees baie versigtig vir meneer cahn en sy leringe, stories en teoriee. Eerstens- baie predikers en Geesvervulde gelowiges waarsku teen hom, omdat hy primer deel is van die j00dse cabala en mistisisme- pleinweg okkulte. Tweedens leer hy meestal uit die j00dse Tamudiese okkulte boek, wat absoluut goddeloos en evil is in AL hul leringe. Daar is baie waarskuwings teen die Talmud, wat die Torah sg. verduidelik maar absoluut teen die Torah is. Baie plekke in die Bybel waarsku Jesus sowel as die profete teen die Talmud- Jes 10:1; Mark 7:5-13 ens

      Reply

Leave a comment

Onlangse kommentaar

  • Avatar

    Lizelle Van Wyk

    |

    Hi Chris, dankie vir jou ontleding van Ps 50,dit laat n mens nogals dink oor dit wat jy lees en hoe jy dit in jou lewe gaan toepas
    Chris is daar n moontlikheid dat ek jou kan email wil graag n paar dinge vra wat vir my onseker is
    Lizelle v Wyk

  • Avatar

    Chris van Wyk

    |

    Hi Jan, vertroue in die beloftes van die Here neem die vrese en blokkasies in ‘n mens se lewe weg. Begin om een Psalm per dag te lees. Soek vir net twee goed daarin. ‘n Belofte van die Here wat jy vir jouself kan toeëien en vra dat die Here dit vir jou waarmaak; ‘n Opdrag wat jy kan uitvoer, soos om jou weg aan die Here oor te laat, óf Hom te loof vir wat Hy vir jou doen, óf soos om Hom te vertrou en op sy uitkomste te wag. Dit is terwyl ons met God besig is dat ons agterkom dat Hy al die tyd besig is met ons. Hy sal jou voete op ‘n vaste rots plaas sodat jy in vreugde en vrede kan lewe.

  • Avatar

    Jan van zyl

    |

    Goeie dag Pastoor,soms voel dit of my gebede nie verhoor word nie,ek is wedergeboorte en is baie lief vir die Here,Ek weet nie waar die blokasie is nie.
    Mooi dag.

  • Avatar

    Johannes Petrus van Niekerk

    |

    Hi Chris,

    Baie dankie vir die antwoorde, waardeer dit baie. Nou is dit baie meer verstaanbaar.

    Ek sal jou weer raapleeg….maar nou eers weer bietjie met my broer redeneer (-:

    Groete
    JP

  • Avatar

    Chris van Wyk

    |

    Hi JP, die 613 wette is al die wette in die eerste vyf boeke van die Bybel, die Pentateug of wet van Moses. Die Tien Gebooie word twee keer herhaal (Eks 20; Deut 5) en is die hart daarvan. Dit bly geldig. Die seremoniële en burgerlike wette word deur Christene nie meer nagevolg nie, maar die morele wette wel. Dit is op grond van talle verwysings in die NT – bv Paulus wat sê dat ons nie meer dae en feeste ensomeer moet onderhou nie (Kol 2:16-17), ook nie die sabbat (Rom 14) of besnydenis (Gal 3-4) nie, en op ander plekke duidelik die morele wette handhaaf (Ef 4-5; Gal 5-6) sowel as die Tien Gebooie (Rom 13).

    Die evangelie is vir alle mense bedoel, eerstens vir die ware Jood wat in Jesus glo (dit is nie wit mense nie!), en tweedens vir elkeen uit die nasies wat in Hom glo (dit sluit alle etnisiteite in). Die hele NT is vol van dié boodskap, bv Matteus 28:18-20, Handelinge 2:37-39 en Efesiërs 2. Enigiemand wat anders beweer, verdraai die evangelie.

    Die Sabbat is inderdaad op Saterdag, maar ons vier die opstandingsdag op ‘n Sondag. Dit is “soos die Sabbat” vir ons, maar nie presies dieselfde nie. Romeine 14 gee ‘n duidelike riglyn dat ons mekaar nie daaroor moet aanvat nie, maar elkeen net oortuig van sy eie opvatting op grond van die Skrif moet wees. Dieselfde geld die feeste en ander “dae” wat uiteraard nie verkeerd is om te doen nie, maar nie bindend op alle gelowiges is nie.

  • Avatar

    Johannes Petrus van Niekerk

    |

    Hi Chris,

    Baie dankie vir die antwoord op my brief, ek waardeer dit. Jy het baie dinge duideliker vir my gemaak, alhoewel daar is nog steed onduidelikhede. In punt no.10 se jy dat Hebreers help ons om te verstaan watter dele van die wet nie meer van toepassing is. My probleem is dat daar 603 Moses wette is – ek weet nie eens wat dit alles behels nie – behalwe dat ek die 10 Gebooie ken. My vraag is, watter van die 603 wette is nie meer van toepassing op ons nie? Hoe gaan ek weet? Of moet ek gaan op dit wat in Hebreers staan? Verder se jy dat offers en verwante rituele nie van toepassing is nie – sluit dit nou die 7 feeste en besnyding in? Of moet ons dit nog doen?

    Dan wil ek die volgende weet – is die evangelie net vir die Israeliete bedoel? Indien so, waar pas ons dan in? Ons is nie Israeliete of afstamelinge nie. Ek sien ons as “heidense-christene” – is ek reg of verkeer? Die rede vir die vrae is omdat my broer sien homself as ‘n Israeliet omdat hy wit is (of ten minste ‘n afstameling) en ek kan nie saam met hom stem nie. Volgens hom moet die 7 feeste nog gevier word en besnyding moet nog toegepas word (hy doen dit ook so). Verder se hy dat Sabbat op Saterdag is en nie soos ons (NG kerk) dit op Sondag het. Volgens my is “Sabbat” vir die Israeliete gegee (Saterdag) wat deel is van die Moses wet. Ons wat heidense-christene is, hoef nie Sabbat te hou nie, maar volg wat in die 10 Gebooie staan: 6 dae moet jy werk en op die 7de dag rus. Die “kerkvaders” het besluit Sondag is die rusdag….sover ek weet. Is ek reg of verkeerd?

    Ek verneem van jou.

    Groete
    JP

  • Avatar

    Chris van Wyk

    |

    JP, die beste manier om by ‘n atwoord uit te kom, is om al die tekste in die Bybel oor die onderwerp van die “wet” te vat en soos ‘n mosaïek te begin pak dat jy die patrone kan raaksien en uiteindelik ‘n breër visie kan kry van wat die betekenis van die wet vandag nog is. Gebruik ‘n konkordansie of die soekfunksie van ‘n Bybelprogram. Hier is ‘n paar dele uit die Bybel se gegewens wat my breër prentjie van die blywende betekenis van die wet informeer.

    1. Jesus het die wet “vervul”. Dit beteken Hy het die wet sy volle betekenis laat kry. Hy het dit volmaak nagekom soos God dit aanvanklik bedoel het.

    2. Dat die wet egter steeds van toepassing is, bevestig Jesus self in die Bergrede waar Hy bv die tweede tafel van die wet as deel van die Bergrede uitlê in Matteus 5 as riglyn vir geseëndes in die koninkryk. Dit sal só bly tot in die nuwe bedeling wat volledig sal aanbreek met Jesus se wederkoms.

    3. Die wet is immers ‘n integrale deel van die OT wat net soos die NT as die Woord van God vir ons gegee is. Niks daarvan word ontbind nie (Matt 5:17). Niks daarvan gaan verby nie (Matt 5:18).

    4. Die dubbele liefdesgebod wat Jesus uit die wet beklemtoon, “hang” aan die wet net soos aan die boodskap van die profete, dws die boodskap van die OT. Neem die wet weg en die liefdesgebod het nie meer ‘n begronding nie.

    5. Ons sien dit in die res van die NT. Van Paulus word geskrywe dat hy gewandel het as een wat die wet onderhou (Hand 21:24). Hy het steeds alles geglo wat in die wet geskrywe is (Hand 24:14). Hy kon homself verdedig in die hof dat hy niks teen die wet gesondig het nie (Hand 25:8). Daarom kon Paulus die wet gebruik om die Jode van die betekenis en boodskap van die evangelie te oortuig (Hand 28:23).

    6. Niemand van ons kan egter die wet volmaak nakom nie. Daarom, tereg soos jy uitwys, word ons geregverdig voor God deur in Jesus Christus te glo. Jesus het die wet volmaak namens ons vervul en ons van die vloek daarvan bevry soos Paulus in Galasiërs en Romeine uitvoerig skrywe.

    7. Deur Christus is die reg van die wet namens ons vervul, sodat ons deur die krag wat die Gees nou in ons werk ons aan die wet van God kan onderwerp en die werke van die vlees kan doodmaak en al hoe meer kan groei in die lewe wat God bring (Rom 8:1-17).

    8. Deur God en ons naaste lief te hê, vervul ons nou die wet, soos Paulus uitvoerig in Romeine 13 skryf. En let op hoe hy dele van die tien gebooie aanhaal as begronding van die liefde. Sonder die wet weet ons nie wat verkeerd en wat reg is nie. Sonder veral die Tien Gebooie weet ons nie wat liefde is nie.

    9. Paulus gebruik nog op talle plekke die wet as motivering vir die opdragte wat hy vir die gemeentes gee. Oor die huwelik (1 Kor 7:39), oor vergoeding (1 Kor 9:8-9), oor die vrug van die Gees (Gal 5:23), vir die herkenning van sondes (1 Tim 1:9-10).

    10. Die Hebreërskrywer help ons egter ook verstaan watter dele van die wet nie meer op ons van toepassing is nie ná die vervulling van die Here Jesus Christus (Hebr 10:1). Dit sluit die offers en verwante rituele in, want die volmaakte offer is in Jesus gegee. Dieselfde geld die besluit van die “sinode” in Jerusalem wat gelowiges uit die heidene van die besnydenis en ander volkseie burgerlike gebruike gevrywaar het (Hand 15).

    Dit is maar net enkele grepe op pad na ‘n prentjie van hoe God se wil in ons lewe tot sy reg kom. Die wet bly daarin ‘n rol speel.

  • Avatar

    Engela du Toit

    |

    Ek is besig om Jesaja te studeer en besluit om te google om dit beter te verstaan.Baie dankie vir die bybelstudie oor Jesaja.Ek sal waardeer as u dit vir my kan e-pos asb.
    Engela

Prontuit die Waarheid