Skip to main content

Psalm 11

Om God te vertrou in ’n krisis

Sommige plaas Psalm 11-13 in die tyd van 1 Samuel 18-20 toe Dawid deur Jonatan aangeraai is om te vlug. ’n Interessante moontlikheid is om dit in die tyd van Dawid se volkstelling te plaas, 2 Samuel 24 en 1 Kronieke 21, waar Gad vir Dawid die opsie gegee het om te vlug vir mense as deel van die oordeel van die Here. Uit die inhoud lyk dit egter of dit op ‘n ander onbekende tyd van konflik dui wat Dawid beleef het waarin hy juis op sy onskuld voor die Here staatmaak.

Hoe dit ook al sy, dit is ‘n Psalm van vertroue in die Here se regverdige heerskappy, in ‘n tyd waarin Dawid beleef dat sy goddelose teëstanders dreig om die oorhand te kry.

Teks en konteks

Psalm 11 is eintlik streng gesproke nie ’n gebed nie, maar ’n geloofsbelydenis, waarin Dawid sy vertroue op God bevestig. En hy doen hierdie belydenis as ’n reaksie op die bedreiging van sy vyande wat nie net sy geloof in God bevraagteken nie, maar strukture (van die samelewing/geloofsgemeenskap) afbreek en Dawid se dood (of val) beplan. Craigie gee hierdie Psalm daarom die titel Confidence in Crisis.

Hy word aangeraai om te vlug na die berge. Die versoeking is: om nie vas te staan in die Here nie, maar te vlug na waar dit menslik gesproke veiliger sou wees. Wanneer ‘n mens immers vasstaan, gee jy jou teenstanders ook meer van ‘n teiken om aan te val. Dit neem dus ‘n besondere moedige optrede van Dawid om nie terug te deins en te vlug nie.

Wat Dawid moed gee, is dat al wankel die aardse fondamente, God is bo dít verhef in die hemel as sy tempel (of paleis). En Dawid deel in die vastigheid wat dit vir hom gee. God is immanent en transendent, in die hemel en op aarde, en op Hom kan ’n mens jou lewe bou en op Hom kan jy jou verlaat.

Dawid se geloofsbelydenis sluit verder in dat dié God verder en dieper sien as almal. Hy onderskei tussen goddeloses en regverdiges, deurdat hy albei toets, soos ‘n mens metaal deur vuur suiwer. En die gevolg of uitkoms van die toetsing verander sy houding teenoor die goddeloses. Letterlik staan daar “Sy siel haat dié wat geweld liefhet.”

In sy nabye teenwoordigheid verskroei die goddeloses (geskoei op Sodom en Gomorra as agtergrond), maar ervaar die regverdiges sy liefde. Let op dat die fokus val op dié wat regverdig en opreg HANDEL. En die regverdiges sal God se aangesig sien, dws, sal ‘n Godsverskyning ervaar (vgl Ps 9:17).

Boodskap en betekenis

In my nadenke hieroor het ek besef, vertroue in ‘n krisis is beide ‘n noodsaaklikheid as ‘n deug, maar dit moet ook deur wysheid aangevul word. Dit is iets wat net in ‘n noue verhouding met die Here duidelik sal word.

Soms kan vlug ‘n goeie opsie wees soos Dawid dit in sy vroeëre vlugtogte voor Saul en Absalom talle kere gedoen het. En talle ander  gelowiges het daardie opsie deur die loop van die Bybel uitgeoefen. Ook ‘n Paulus toe hy in gevaar gekom het in Damaskus en oor die stadsmuur in ‘n mandjie ontsnap het (Hand 9:24-25).

Soms is om te vlug egter die verkeerde opsie, soos dieselfde Paulus verklaar het in Handelinge 21:10-15 toe hy aangeraai is om nie na Jerusalem toe te gaan nie, weens die gevaar van gevangeniskap. Maar, hy het die raad geweier, want hy het geweet dit was die wil van die Here dat hy voor die keiser moes verskyn, en die beste manier het geblyk te wees deur hom vrywillig bloot te stel aan die moontlikheid om in Jerusalem in hegtenis geneem te word.

Dit is wat Jesus ook gedoen het, toe Hy doelbewus die woestyn in is om die toets van standvastigheid in die versoeking in die woestyn te slaag. Hy probeer die uitdaging van honger nie ontwyk deur self te voorsien nie, maar van God afhanklik te bly (Matt 4). Dieselfde geld die ja sê vir die kruis in Getsemane. Daarom het Hy ná sy gebed Hom vrywilliglik oorgegee om gevange geneem te word (Joh 18).

Mag die Here jou die wysheid gee om die regte opsie in jou eie lewe uit te oefen. Soms moet ‘n mens jouself uit ‘n posisie van konflik haal ter wille van die evangelie. Ander kere moet jy juis jouself blootstel aan die konflik ter wille van die evangelie, al beteken dit swaarkry.

Kronologiese Bybelleesplan


Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments

Maak 'n opmerking

Onlangse kommentaar

  • Chris van Wyk on 2 SAMUEL 11:1-15Die Skrif is duidelik daaroor dat God nie sonde kan doen nie. Hy keur ook nie sonde ooit goed nie. Hy laat boonop geen sonde ongestraf nie (Eks 34). Dit is in dié lig wat 'n mens die profesie moet verstaan. God laat Dawid aan die gevolge van sy eie sondes oor, dit is dat Absalom onder andere in opst…
  • PHILIPPUS C FOURIE on 2 SAMUEL 11:1-152 Samuel 12 vers 11 waar God aan Dawid sê dat Hy sy vroue aan sy naaste sal gee om by te slaap en dit sal geskied in daglig sodat almal dit sal sien. Ek was deur my naaste hieroor gekonfronteer met die argument: Hoe kan God dit self toelaat en laat gebeur as Hyself hier owerspel toelaat? Dit is mos…
  • Chris van Wyk on Amos 9:1-10Waardeer.
  • Klazina Jacobs on Amos 9:1-10Dankie. Baie insiggewend!
  • Chris van Wyk on Jona 1:1-16Dankie Kobus, ek sien uit na module 4 waar ons saam dieper in die NT gaan delf!
  • Kobus De Wet on Jona 1:1-16More Dr Chris, vanmore is ek weer in verwondering oor die Woord van God na ek u stuk gelees het oor Jon 1:1-16. Ek het altyd in terme van Jona en die vis Jona gelees, uit my sondagskool perpektief, nou ontdek ek die diepte in Jona: die chiastiese rangskikking, God se name en natuurlik die Radam - di…
  • Chris van Wyk on Matteus 17 – Jesus word verheerlik as teken van sy Goddelike weseDankie Monique, dit is my voorreg!
  • Monique Steyn on Matteus 17 – Jesus word verheerlik as teken van sy Goddelike weseDie Bybelskool help my so vreeslik Baie, Om die Bybel en die Woord van Jesus better te verstaan. Ek Wil net Soo Baie dankie se. Wees geseend.
  • Chris van Wyk on 2 Kronieke 1Hi Ayden, verhale uit die OT is voorbeelde wat ons help om te verstaan hoe God in ander se lewens gewerk het - in dié geval Salomo - sodat ons kan kyk of daar raakpunte met ons eie lewe is, en ons die boodskap aan die mense van daardie tyd, ook op onsself van toepassing kan maak. Jy kan die boodskap…
  • Ayden Corbett on 2 Kronieke 1Ekt gebid en gevra dat die Here vir my n vers uit die bybel moet kies en my sal help verstaan wat ek lees en toe maak ek oop op 2 krinieke 1...dra die stukkie n spesifieke betekenis of boodskap buitens dat jy wysheid moet kies om die Here se volk te regeer inplaas daarvan om vir rykdom en n lang Lew…
  • Chris van Wyk on Kolossense 2:6-23 – In Christus Jesus is ons met die volheid van God vervulHi Eugene, alles moet getoets word aan die geskrewe Woord van God. As sy iets sien of sê wat daarmee in stryd is, is dit verkeerd. En as jy dit uitwys, is dit nie 'n sonde teen die Heilige Gees nie.
  • Chris van Wyk on 1 Konings 11:1-43;  2 Kronieke 9:29-31Jesus wys in Matteus 12 en Lukas 11 uit dat sy eie wysheid dié van Salomo oortref. Die koningin van Skeba sal dus in die oordeel opstaan en die geslag van Jesus oordeel, omdat sy op Salomo se wysheid gereageer het, en die Jode nie dieselfde gedoen het met Jesus nie (Matt 12:42; Luk 11:31). Die boods…
  • Chris van Zyl on 1 Konings 11:1-43;  2 Kronieke 9:29-31Chris, sê asseblief iets meer oor die laaste sin van vandag se bydrae. Groete
  • Eugene Beetge on Kolossense 2:6-23 – In Christus Jesus is ons met die volheid van God vervulGoeie dag kan u dalk verduidelik as die vroue predekant helder ligte en engele sien of engele wat tekens doen. Hoe moet n mens as Christen dit verwerk of interpreteer sonder om te laster teen die Heilige gees . U inset word opreg wardeer.
  • Chris van Wyk on Openbaring 19:1-10 – Gelukkig is hulle wat uitgenooi is na die bruilofsfees van die LamHi, dit is beelde wat gebruik word om dieselfde werklikheid uit te druk. In vers 7 word die kerk as 'n bruid uitgebeeld om die intieme verhouding tussen God en sy mense uit te druk. Die bruid is enkelvoud, maar die mense wat deel daarvan is natuurlik meervoud. Maar, dit is nie 'n probleem nie, want…