Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (4)

  • Avatar

    Kenneth Daniel Pietersen

    |

    Goeie naand Man van die Allerhoogste God. Ek wil u graag bedank vir die pragtige uitlegging van die Woord in Galasiers. Graag wens ek u te vra om vir my n uiteensetting van Galasiers 4:4-5,te gee,met Jesus Christus as ons voorbeeld,asseblief as n predikasie.

    Groete.
    Kenneth

    Reply

    • Avatar

      Chris van Wyk

      |

      Hi Kenneth – hier is ‘n paar gedagtes oor Galasiërs 4:1-7 waarin die twee verse voorkom:

      In hierdie gedeelte trek Paulus ‘n kontras tussen ‘n onvolwasse kind (in Grieks nepios) en ‘n volwasse kind (in Grieks huios). Hy wil die Galasiërs leer dat vertroue op die wet ‘n teken is van geestelike onvolwassenheid (soos kinders met doeke aan, by wyse van spreke), nie van volwassenheid nie (soos kinders wat hulle erfporsie ontvang het deur die geloof in die Here Jesus Christus).

      Paulus praat in vers 1-2 van jong kinders (mv. nepioi) wat nie regtig verskil van slawe nie, want hulle kan nog nie die erfporsie van hulle pa in besit neem nie. Hulle is nog nie volwasse kinders (mv. huioi) nie. Hulle het voogde en bestuurders wat hulle erfporsie bestuur tot op die tyd wat hulle pa bepaal het dat hulle kan erf. Hulle status verskil dus min van slawe.

      Hy pas dié waarheid toe in vers 3 op die Galasiërs se status vóór hulle Christus leer ken het. Hulle het die “basiese beginsels” (in Grieks stoicheia) van die wêreld nagevolg, soos dit letterlik in die Grieks staan. Hier praat Paulus eintlik oor enige godsdienstige sisteem wat nie rekening hou met die waarheid in Christus nie.

      Dan vervolg Paulus in vers 4-5 met die wonderlike boodskap van God wat sy Seun op die regte tyd (in die volheid van die tyd) gestuur het om as mens uit ‘n vrou gebore te word. Hy het “onder die wet” kom leef, om dié wat onder die wet was, die Jode, los te koop van hulle verslawing onder die wet. Die wet was nou nie meer hulle “bestuurder” nie.

      Jesus het hulle daarom vrygemaak om die erfporsie wat God vir hulle het as sy kinders (huioi), en vir die gelowiges uit die heidene as “aangenome kinders” (in Grieks huiothesia) in besit te kan neem. Die Jode is dus nie meer nepioi nie, maar huioi, volwasse kinders. Dieselfde geld die gelowiges uit die heidende. Hulle is ook nie meer nepioi nie, maar huiothesia, aangenome volwasse kinders van God.

      Die resultaat word in vers 6-7 uitgespel. Omdat hulle nou volwasse kinders is van God, het God die Gees van sy Seun in hulle harte uitgestuur, en die Gees roep: Abba, Vader! Hulle is dus nie meer slawe nie, of onvolwasse kinders nie, maar volwasse kinders wat erfgename is van God deur Christus.

      Die Gees is nou hulle “bestuurder” soos hy in Galasiërs 5 verder sal uitspel.

      Reply

  • Avatar

    Gerhard Mathee

    |

    Goeie dag ds.
    In u opsomming van Gal 4 onder punt no 2 skryf u die volgende: “Hoe kan ‘n mens dit aan jouself doen om die weg van die wet bewandel deur jou te steur aan die besnydenis, die feeste, die seremonies, die dieet reëls, as Christus jou dan vry gemaak het daarvan? ” Dit wil vir my se dat Paulus nie na die 10 gebooie verwys as die Wet nie, maar na ander reels soos u hier noem. Na watter Wet verwys Paulus in die hele Galasiers brief?

    Reply

    • Avatar

      Chris van Wyk

      |

      Hi Gerhard. Ek het ‘n langer artikel geskryf wat jy ook kan lees daaroor. Die antwoord op jou vraag is die volgende:

      Die woord vir wet (nomos) kom 32 keer voor in Paulus se brief aan die Galasiërs. Dit wys hoe ‘n belangrike konsep dit vir hom was. In al die verwysings na die wet bedoel Paulus die hele wet – die Tora, die Pentateug, die eerste vyf boeke van die Bybel. Daarom praat hy ook van die “boek van die wet” (Gal 3:10), en die “hele wet” (Gal 5:3,14).

      Reply

Leave a comment

Onlangse kommentaar

  • Avatar

    Hennie

    |

    Ek stem nie heeltemal saam met jou nie.
    Mens hoef nie denk spronge te maak om die Bybel se storie oor Jona net te aanvaar as die waarheid nie

    2de punt, Die Bybel se nêrens die aarde is 6000 jaar uit nie. Weereens probeer mense ‘n afleiding maak van die teks, maar ‘n mens kan enige van baie foute maak deur nè mens se eie “somme” te doen.
    As die Bybel uit drukklik gesê het die aarde is 6000 jaar uit het ek dit aanvaar en geglo maar nou probeer mense geslagte optel en so by ‘n ouderdom kom.
    Kom ek gee jou slegs een voorbeeld hoe die optel van almal se ouderdomme verkeerde antwoorde gee.
    Wie se Adam het verouder terwyl hy in die tyn van Eden was, dit maak nie vir my sin dat ‘n sonde vrye mens sy lewe jare sou begin tel het terwyl sy liggaam volmaak is nie. Hy kon net sowel duisende jare op aarde gelewe het voor die sonde val en eers na die sonde val het hy begin verouder en sy jare begin optel, die Bybel se nie vir ons hoe lank hulle in die tuin gelewe het voor die sonde val nie
    Ek sê nje dit is die antwoord oor hoekom die aarde se berekende ouderdom en die en die bekende ouderdom van die som van die geslagte in die bybel nie ooreenstem nie. Maar daar kan baie redes wees, carbon dating is ook nie so wetenskaplik soos hulle probeer voorgee nie en hulle kon daarmee ook foute gemaak het.

    Al wat ek sê is die Bybel kan ten volle waar wees en daar kan verskille wees wat ons in die wetenskap sien, sonder dat mekaar weer spreek

  • Avatar

    Jurie

    |

    Ons hou baie van hierdie Bybel studies

  • Avatar

    Sonja

    |

    Beste Ds. Chris.
    Net n BAIE GROOT dankie vir Paulus. n Deel van Die Bybel wat vir my persoonlik al soveel keer moes deutrek, bemoedig, aanspreek. Het die boek afgelaai en sien uit na die eredienste.

  • Avatar

    Chris van Wyk

    |

    Hi Carla, jy is geregtig om ‘n ander standpunt te handhaaf, maar neem net in ag dat ‘n hele aantal van die dissipels net die doop van Johannes ontvang het, en nie die doop van Jesus nie. So is Apollos ook nie oor gedoop na hy net die doop van Johannes ontvang het nie (Hand 18). Dit is God wat optree in die doop, nie die dopeling nie. Die kinderdoop is dus geldig as ‘n daad van God al kom geloof by hulle ná die doop.

  • Avatar

    Chris van Wyk

    |

    Hi Tom – Die krisis wat die Here hier afkondig oor Juda is gemik daarop dat daar ‘n nuwe eendragtigheid onder die volk onder leiding van die priesters gevestig kan word. Die priesters moet daarom ‘n vasdag bepaal waar al die leiers en die inwoners van die land bymekaar kan kom om na die Here te roep. Wat hulle beleef, is ‘n “dag van die Here”, ‘n dag waarin Hy verwoestende bedreigings gebruik om hulle tot bekering te roep. Die verwoestende effek daarvan word weereens in terme van die tempel ekonomie uitgespel, sowel as in terme van die saaiboere se skade, maar nou ook bykomend in terme van die veeboere wie se vee bulk en blêr. Die profeet self roep hartroerend tot die Here en wys dat hy raaksien wat gebeur, dat dit hom diep raak en verklaar dat hulle almal, soos die diere, “wag op uitkoms van U af.”
    Boodskap
    Dit is regtig fundamenteel dat die boodskap van die Here van geslag tot geslag oorgedra moet word, nie net in goeie tye nie, maar ook in tye van verlies en vernietiging. ‘n Mens sou selfs kon sê, veral in tye van vernietiging. Ons staan immers in ‘n geloofsverbintenis nie net met die gelowiges wat saam met ons aanbid nie, maar veral en in die eerste plek in ‘n geloofsverbintenis met ons kinders en kleinkinders en selfs verder aan in die geslagte.
    Dit is ook net so fundamenteel deel van die boodskap van die Here dat verlies en vernietiging ‘n oproep tot samehorigheid en eendragtigheid is vir die hele geloofsgemeenskap. Dit is hierdie tye wat deur die Here gebruik word om mense tot inkeer en ‘n herverbintenis aan Hom te bring wat só noodsaaklik is as soeke na en die wag op die uitkoms van die Here. Soos Joël kan ons dan ook uitroep dat ons “wag op uitkoms van U af.” Daarom is vas en bid so belangrik.

  • Avatar

    Chris van Wyk

    |

    Hi Steven, baie mense was ongeletterd in daardie tyd en kon nie lees nie. Johannes sê dus: “Geseënd is die een wat die woorde van hierdie profesie ‘voorlees vir ander’, en die mense wat dit hoor en wat ter harte neem wat daarin geskrywe staan, want die eindtyd is naby.”

  • Avatar

    Chris van Wyk

    |

    Hi Christa, ek gaan steeds aan met Prontuit die Waarheid. Volgende aflewering volgende Donderdag.

  • Avatar

    CHRISTA

    |

    Hallo Chris
    Dis vir my wonderlik hoe die evangelie ten spyte van die vervolging kon oorleef en hoeveel miljoene
    mense vandag dit navolg! Wat nou van die evangelies Prontuit die waarheid?

Prontuit die Waarheid