LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

2 KONINGS 2:1-12

Elia se hemelvaart 

^2:1 Dit is wat gebeur het toe die Here vir Elia in ‘n stormwind in die hemel opgeneem het. Elia en Elisa was van Gilgal a af op pad, ² toe Elia vir Elisa sê: “Bly asseblief hier, want die Here stuur my na Bet-El. ” Elisa het egter gesê: “So waar as die Here leef, en u leef, ek sal u nie verlaat nie!” Hulle het toe afgegaan na Bet-El.

³ Die profetegroep wat in Bet-El was, het na Elisa uitgegaan en vir hom gevra: “Weet u dat die Here vandag u heer bo u kop gaan wegneem?” Hy het geantwoord: “Ek weet dit ook. Bly net stil!” 

⁴ Elia sê toe vir hom: “Elisa, bly asseblief hier, want die Here stuur my na Jerigo. ” Maar hy het geantwoord: “So waar as die Here leef, en u leef, ek sal u nie verlaat nie!” 

Toe hulle in Jerigo aankom, ⁵ het die profetegroep wat in Jerigo was, na Elisa gekom en vir hom gevra: “Weet u dat die Here vandag u heer bo u kop gaan wegneem?” Hy het geantwoord: “Ek weet dit ook. Bly net stil!” 

⁶ Elia het weer vir hom gesê: “Bly asseblief hier, want die Here stuur my na die Jordaan toe.” Maar hy het geantwoord: “So waar as die Here leef, en u leef, ek sal u nie verlaat nie!” Hulle twee het toe verder gegaan. 

⁷ Vyftig man van die profetegroep het ook gegaan en teenoor hulle op ‘n afstand bly staan. Hulle twee het langs die Jordaan gestaan.

⁸ Elia het sy mantel gevat, dit opgerol en die water daarmee geslaan. Die water het na weerskante verdeel, en hulle twee het op droë grond oorgegaan. ⁹ Hulle was net deur, toe vra Elia vir Elisa: “Vra wat ek vir jou kan doen voordat ek van jou af weggeneem word.” Elisa het geantwoord: “Laat daar asseblief ‘n dubbele deel van u gees na my kom.”

¹⁰ Daarop sê Elia: “Jy vra iets wat moeilik is. As jy my sien terwyl ek van jou af weggeneem word, mag dit dan vir jou so wees; maar indien nie, sal dit nie gebeur nie.”

¹¹ Terwyl hulle nog so loop en praat, is daar skielik ‘n strydwa van vuur en perde van vuur! Dit het skeiding gebring tussen hulle twee, en Elia het in die stormwind opgegaan na die hemel. ¹² Elisa het dit sien gebeur en het bly uitroep: “My vader, my vader, strydwa van Israel en sy perde!” Toe hy hom nie meer kon sien nie, het hy sy klere vasgegryp en in twee geskeur.

 Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

PSALM 50:1-6

^50:1 ‘n Psalm. Van Asaf. 

Die God van die gode, die Here, het gepraat 

en die aarde opgeroep – 

van waar die son opkom 

tot waar dit ondergaan. 

² Vanuit Sion, plek van volmaakte 

skoonheid, laat God sy lig straal.

³ Ons God kom 

en Hy gaan nie stilbly nie; 

voor Hom brand ‘n verterende vuur, 

rondom Hom woed ‘n geweldige storm. 

⁴ Hy roep na die hemel daarbo, 

en na die aarde, 

om sy volk te oordeel: 

⁵ “Maak my getroue volgelinge 

vir my bymekaar, 

hulle wat by die offers 

my verbond hernu.” 

⁶ Die hemel maak 

sy geregtigheid bekend, 

want God, Hy is regter. Sela

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

MARKUS 9:2-8

² En na ses dae neem Jesus vir Petrus en Jakobus en Johannes saam en lei hulle op na ’n hoë berg waar hulle alleen op hulle eie was. Hy het voor hulle van gedaante verander ³ en sy klere het glansend wit geword, baie wit, soos wat ’n materiaalkleurder op die aarde dit nie kan wit maak nie.

⁴ Elia het toe saam met Moses aan hulle verskyn en was in gesprek met Jesus. ⁵ En in antwoord sê Petrus vir Jesus: “Rabbi, dit is goed dat ons hier is. Laat ons drie tente maak, een vir U, een vir Moses en een vir Elia.” ⁶ Want hy het nie geweet wat hy moes sê nie, want hulle was beangs.

⁷ Daar het toe ’n wolk gekom wat ’n skaduwee oor hulle gooi en ’n stem het uit die wolk gekom: “Hierdie is my geliefde Seun. Luister na Hom!” ⁸ En skielik, toe hulle rondkyk, het hulle niemand meer gesien nie, net Jesus alleen by hulle. (ASV)

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

GENESIS 9:8-17

⁸ Toe sê God vir Noag en sy seuns by hom: ⁹ “En Ek, kyk, Ek sluit my verbond met julle en julle nageslag ná julle, ¹⁰ en met alle lewende wesens wat by julle is – voëls, mak diere, al die wilde diere van die aarde by julle – met alles wat uit die ark uitgegaan het, naamlik al die diere op die aarde. ¹¹ Ek sluit my verbond met julle: Nooit weer sal alle vlees deur die waters van die vloed uitgeroei word nie; ja, daar sal nie weer ‘n vloed wees om die aarde te verdelg nie.” ¹² God het gesê: “Dit is die verbondsteken wat Ek plaas tussen My en julle en al die lewende wesens by julle, vir toekomende geslagte: ¹³ My boog plaas Ek in die wolke. Dit sal dien as teken van die verbond tussen My en die aarde. ¹⁴ Wanneer Ek wolke laat saampak oor die aarde, en die boog verskyn in die wolke, ¹⁵ sal Ek my verbond onthou wat daar is tussen My en julle en elke lewende wese, ja, alle vlees. Die waters sal nie weer ‘n vloed word om alle vlees te verdelg nie. ¹⁶ Wanneer die boog in die wolke is, sal Ek dit sien, om so herinner te word aan die ewigdurende verbond tussen God en alle lewende wesens, alle vlees wat op die aarde is.” ¹⁷ God het vir Noag gesê: “Dit is dan die teken van die verbond wat Ek gesluit het tussen My en alle vlees wat op die aarde is.” 

Teks en konteks

LEES

Raak stil voor die Here in gebed.

Lees die teksgedeelte deeglik deur, selfs 2 of 3 keer, hardop as dit kan. Wat tref jou? Let op vir temas in die gedeelte. Wat sê dit van God? Wat sê dit van mense? Wat sê dit van die wêreld? Skryf dit in jou joernaal neer.

PSALM 25:1-10

Ons lees die Psalm as ‘n geheel om die konteks deeglik te kan verreken:

^25:1 Van Dawid. 

א ALEF

Na U, Here, hunker ek. 

ב BET

² My God, op U vertrou ek; 

laat my tog nie beskaamd staan nie; 

laat my vyande nie oor my jubel nie. 

ג GIMEL

³ Ja, niemand wat op U wag, 

sal beskaamd staan nie; 

maar hulle wat sonder rede 

ontrou is, sal beskaamd staan. 

ד DALET

⁴ Here, maak u paaie aan my bekend; 

leer my u weë. 

ה HE

⁵ Lei my deur u waarheid 

ו WAW

en leer my, 

want U is die God wat my red; 

op U wag ek die hele dag. 

ז ZAJIN

⁶ Dink aan u barmhartigheid 

en u troue liefde, Here, want dit is van altyd af daar. 

ח GET

⁷ Aan die sondes van my jeug 

en my oortredings 

moet U nie dink nie; 

dink aan my in u troue liefde, 

omdat U goed is, Here.

ט TET

⁸ Die Here is goed en reg, 

daarom leer Hy sondaars die pad. 

י JOD

⁹ Mag Hy verdruktes lei in wat reg is; 

mag Hy hulle sy pad leer. 

כ KAF

¹⁰ Al die paaie van die Here is troue liefde en waarheid 

vir hulle wat hou by sy verbond 

en sy bepalings. 

ל LAMED

¹¹ Ter wille van u Naam, Here,

vergewe my sondeskuld, 

want dit is groot. 

מ MEM

¹² Wie is die mens 

wat vir die Here ontsag het? 

Die Here leer hom die pad 

wat hy moet kies. 

נ NUN

¹³ Sy lewe verloop voorspoedig 

en sy nageslag sal die land besit. 

ס SAMEK

¹⁴ Die Here neem 

hulle wat vir Hom ontsag het, 

in sy vertroue, 

en sy verbond is daar 

om hulle te onderrig. 

ע AJIN

¹⁵ My oë bly altyd op die Here, want dit is Hy wat my voete 

uit die vangnet bevry. 

פ PE

¹⁶ Draai U na my en wees my genadig, 

want ek is eensaam en magteloos. 

צ TSADE

¹⁷ Die benoudheid van my hart 

is oorweldigend; 

lei my uit my kwellinge. 

ר RESJ

¹⁸ Sien tog my ellende 

en my swaarkry raak 

en vergewe al my sonde. 

¹⁹ Kyk na my vyande, 

hoe baie hulle geword het; 

en hoe fel hulle my haat. 

שׁ SJIN

²⁰ Beskerm tog my lewe en red my; 

laat my nie beskaamd staan nie, 

want ek skuil by U. 

ת TAW

²¹ Mag onskuld en opregtheid 

oor my wag hou, 

want ek wag op U. 

²² Bevry Israel, o God, 

van al sy benoudheid. 

Teks en konteks