Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (6)

  • Avatar

    Johan Serfontein

    |

    Dagsê Chris,
    Groot hartseer oor jou blikbrein wat nou weg is. Baie jammer daaroor!
    I Sam 3:10 “Praat Here, U dienskneg luister!”
    “Praat Here…”: Hier vra Samuel vir inspraak, leiding, opdrag en aktiewe betrokkenheid. Hy is nie net 'n passiewe hoorder nie.
    “U dienskneg…”: Samuel bevestig hie die verhouding en status waarin hy tot die Here staan, nl 'n werker in Sy diens. Weereens nie net 'n passiewe hoorder, omstander nie.
    “luister”: Hy hoor nie net nie, hy “luister”. Daar is dus 'n aktiewe interpretasie, meelewing en aanvaarding van wat gesê gaan word, en wat die opdrag gaan wees.
    Jes 6:8 sê presies dieselfde, hoewel die twee rolspelers in totaal verskillende omstandighede is.

    Dit beteken vir my dat elkeen in sy/haar eie omstandigheid, situasie of agtergrond 'n roepstem gaan/kan hoor. Ons moet egter sensitief wees om te hoor wanneer en hoe die Here ons tot diens roep.

    Ek het nie kopiereg op my bydrae hierbo nie en jy kan dit dus deel met ander of uitmekaar trek as ek die bal mis geslaan het.

    Groete, Johan

    Reply

  • Avatar

    Pierre Matthee

    |

    Wat my opval van Eli, is hoe gelate hy sy lot aanvaar toe hy uitvind dat sy seuns gaan sterf. Dit moes vir hom verskriklik gewees het (en uiters vernederend) toe God vir hom sê daar sal ‘n priester kom wat ………… en dan word ’n hele rits goeie en gehoorsame eienskappe genoem, wat impliseer dat sy seuns (en hyself!) regtig ernstig kortkom. Maar hy reageer nie eens hierop nie! Hy aanvaar bloot.

    Reply

  • Avatar

    Pierre Matthee

    |

    Terug by Eli: Samuel was ‘n jong man wat op ‘n jong ouderdom reeds baie dinamies was. Dit beindruk my veral dat hy die volk bymekaar kon kry, blykbaar sonder veel moeite, om tot God te bid. Dit vra baie dinamika van ‘n jong man (hoe oud was hy toe?). Maar aangesien Eli sy mentor was, moet dit darem ook tog ‘n pluimpie vir Eli wees, of hoe?

    Reply

  • Avatar

    chrisvanwyk

    |

    Ek stem saam – dit getuig van 'n soort kapitulasie – ek het gefaal, so lank dit my nou net nie te veel kos nie!

    Reply

  • Avatar

    chrisvanwyk

    |

    Ek dink Eli was 'n sagte mens, wat goeie raad kon gee, en dus 'n goeie mentor was vir Samuel. Sy probleem was dat hy ook sag opgetree het toe die Here se naam in diskrediet gebring is deur sy seuns. As God met Baäl gelyk gestel word, en die wet doelbewus oortree word, het 'n mens geen keuse as om streng op te tree nie. Anders tree God op, en dan bekom dit die leiers suur. Samuel se eerste oorlogsoptrede was in sy laat twintigs (7:2), maar teen dié tyd het hy al 'n reputasie gehad dat wat hy sê uitkom, soos vroeër al grafies geïllustreer is met Eli-hulle se dood.

    Reply

  • Avatar

    chrisvanwyk

    |

    Jy slaan die spyker op die kop. Dit is die tipe verhouding waarbinne ons met die Here moet lewe. Eli en Saul versaak hierdie verhouding met slegte gevolge vir hulleself en hulle mense. Saul en Dawid darenteen wys ons hoe dit heling en diens bring, selfs wanneer dit nodig is om Dawid se sonde uit te wys, soos ons later sal sien.

    Reply

Leave a comment

Onlangse kommentaar

  • Avatar

    Hendrik

    |

    Mooi woorde kyk vandag na ons Here Jesus rondom die Hemelvaart en wat Hy gese het en gedoen voor Hy op gevaar het. Betekenis van Leidsman het my hier gebring,Mag God jou seen.

  • Avatar

    Pieter

    |

    Naand Chris
    Dankie vir die lig in jou woorde

  • Avatar

    Chris van Wyk

    |

    Hi Johan. Ja, WordPress sou dit gestuur het. Jou e-pos wys by my as geregistreer. So jy het dit waarskynlik al gedoen. Ek sal nie Wes-Kaap bywoon nie. Sterkte vir julle sitting.

  • Avatar

    Johan

    |

    Goeie middag Chris.
    Wardeer dat jy my geregistreer het.
    Gaan WordPress vir my n e-pos stuur wat ek net moet bevestig.
    Gaan julle ons die wes kaap senode bywoon in Mei maand sal graag sal wonderlik wees as ons mekaar daar kan sien.
    Groete
    Johan Swanepoel
    Durbanville bersig gemeente

  • Avatar

    Chris van Wyk

    |

    Hi Johan. Ek sien nie jou e-pos in my lys nie. Ek sal jou registreer, maar jy moet dit net goedkeur as WordPress vir jou vra dat jy dit bevestig.

  • Avatar

    Johan

    |

    Sal dit so wardeer as ek weer die e-pose gereeld kan ontvang

  • Avatar

    Chris van Wyk

    |

    Hi Joey. Dit beteken dat die skare die verantwoordelikheid vir Jesus se dood ook op hulleself as ‘n nasie geneem het, sodat dit nie net die Joodse leiers se besluit was om Jesus te kruisig nie, maar ook hulle eie.

    Hulle uitspraak: “Laat die skuld vir sy bloed op ons en ons kinders rus!” berus op ‘n metafoor uit Deuteronomium 19:10 wat hulle omkeer en doelbewus op hulleself van toepassing maak, en daarmee sê, Jesus is skuldig aan Godslastering en verdien om gekruisig te word:

    “Daar mag nie onskuldige bloed vergiet word in die land wat die Here jou God aan jou as besitting sal gee nie, want dan sal daar bloedskuld op jou rus.”

    Johannes lewer daarop op kommentaar as hy in die proloog van sy evangelie skryf:

    “Hy het na sy eiendom toe gekom, en tog het sy eie mense Hom nie aangeneem nie.” (Joh 1:11)

    Gelukkig het Johannes ook verklaar:

    “Maar aan almal wat Hom aangeneem het, dié wat in Hom glo, het Hy die reg gegee om kinders van God te word.” (Joh 1:12)

    Johannes voeg daarby dat hierdie geloof nie kom van Joodse afkoms nie, of menslike gedrag of keuses nie, maar van God self af:

    “Hulle is dit nie van nature nie, nie deur die drang van ’n mens of die besluit van ’n man nie, maar hulle is uit God gebore.” (Joh 1:13)

    Dit geld ons almal.

    Die skuld vir die kruisdood het dus gelê op beide die Joodse leiers en die skares van daardie tyd. Hulle het ook hulle eie kinders daarby ingesleep, en sou hierna ook die kerk van Jesus vervolg (Hand 7-8).

    Jesus het dit natuurlik voorspel in die profetiese rede:

    “Julle slange, addergeslag! Hoe sal julle ontkom aan die straf in die hel? Luister dus goed! Ek stuur profete, wyse manne en leraars na julle toe. Julle sal party van hulle doodmaak en kruisig, en party in julle sinagoges gesel en hulle van die een dorp na die ander vervolg. So sal julle verantwoordelik wees vir die bloed van al die vromes wat op die aarde uitgestort is, van die bloed van die onskuldige Abel af tot by die bloed van Sagaria seun van Berekja, vir wie julle tussen die tempel en die altaar vermoor het. Dit verseker Ek julle: Die straf vir al hierdie dinge sal op die mense van vandag neerkom.” (Matt 23:33-36)

    Jesus het dus ‘n straf oor hulle geprofeteer. Hierdie straf is voltrek in die jaar 70 nC op hierdie mense met die verwoesting van Jerusalem deur die Romeinse ryk en die verstrooiing van die Jode oor die wêreld.

    Maar, dit het nie gelei tot ‘n volskaalse verwerping van die Joodse volk daarna nie. Daaroor skryf Paulus in Romeine 9-11. Daar is steeds Jode wat in Jesus glo en daarom deel is van die koninkryk van God.

  • Avatar

    Joey Coetzee

    |

    Goeie dag,
    Vraag: Wat het hulle bedoel met “Laat sy bloed op ons en ons kinders kom”
    Matv27:22-25

  • Avatar

    Fanie Nel

    |

    Hi Chris, baie dankie vir die breedvoerige antwoord. Ek sal dit so oordra.

Prontuit die Waarheid