Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (4)

  • Avatar

    juriejurgens

    |

    Toe ek gisteraand deur 1 Sam 1 lees, het die woord “tempel” my opgeval, en het ek begin dink oor die oorgang van tabernakel na tempel. Ek was nog altyd onder die indruk dat Salomo se tempel die eerste tempel was. Ek het bietjie op my “e-sword” gesoek, en die volgende gesien:

    1. 1 Sam 1:9 is die tweede plek in die Ou Testament waar die woord “tempel” voorkom – die eerste is in Rigt 9:46 waar van 'n heidense tempel gepraat word – sommige vertalings het dit as “the house of the god Berith” en in daardie vertalings kom “tempel” vir die eerste keer in 1Sam 1 voor.
    2. Die laaste keer wat ek kon kry waar na die tabernakel verwys word, is in Jos 22:19 & 29.
    3. In 1 Sam 2:22 word egter weer gepraat van die ” tent van ontmoeting”, en nie “tempel” nie – ek wonder hoe mens dit moet verstaan? (Ander vertalings gebruik tabernacle)
    4. In 2 Sam 7:6 se God vir Natan dat Hy nog nooit in in huis gewoon het nie, maar in 'n tent en tabernakel.

    Oppervlakkig gesien kan mens amper die indruk kry dat “tempel” in 1Sam1 “uit plek” is, en ek wonder of mens hoegenaamd veel hiervan moet maak? Is dit dalk deel van die oorgang – dat die tabernakel mettertyd plek-plek versterk is met meer permanente boumateriaal, en dus van tent na tempel gegroei het? Ek sal sal graag jou ekspert opninie wou verneem.

    Reply

  • Avatar

    chrisvanwyk

    |

    Jou gedagte dat daar 'n meer permanente struktuur mettertyd gebruik is, kan bes moontlik in die kol wees.

    'n Bietjie agtergrond: Die woordjie הֵיכָל (hê∙ḵāl) word gebruik in 1 Samuel 1:9. Dit kan vier betekenisse hê: 1) tempel, heiligdom of aanbiddingsplek (soos hier in Samuel); 2) paleis, plek waar ‘n koning of ander hooggeplaaste woon (bv. 1 Kon 21:1; 2 Kon 20:18; Ps 45:9; Dan 1:4); 3) hoofsaal of gebouekompleks (1 Kon 6:3); 4) ’n ander gebou by die tempel wat deel is van ‘n tempelkompleks (Eseg 41:1–25). Die woord vir tabernakel is tabernakel אֹהֶל (’ohel)

    Sommige geleerdes dink, soos jy aanvoel, dat 'n meer permanente (hout-)struktuur die tabernakel vervang het (vgl die deurkosyn waarvan gepraat word), wat moontlik tot hierdie meer algemene aanduiding aanleiding kon gegee het. Silo is in elk geval verwoes met die buitmaak van die ark (Samuel gaan bly in Rama – 1 Sam 7:15-17), wat kon beteken het dat die tabernakel óf êrens gebêre is (onwaarskynlik) of tot niet gegaan het.

    Wanneer die ark terugkom in Jerusalem (2 Sam 6) word dit geplaas in die tent (’ohel) wat Dawid daarvoor gereed gemaak het, moontlik weer gebou op die patroon wat in Eksodus voorgeskryf is.

    Reply

  • Avatar

    Dalene Dippenaar

    |

    Liewe Chris,

    Hanna het diep in my hart gekruip. Sy het haar losgemaak van die kind wat sy van die Here afgesmeek het en hom aan die Here gewy. Hy was nog 'n klein seuntjie toe sy hom weggebring het na die tempel toe, maar sy het elke jaar vir hom 'n manteltjie gemaak.

    Ons het saam met Ds. Marais ook 'n kind afgesmeek van die Here en moes ons ook losmaak van hom sodat hy verstandig kon raak. Ek het hierdie week ook weer vir hom '' 'n manteltjie gemaak'' toe ek sy kamer skoongemaak het en 'n nuwe skildery teen die muur opgesit het.

    Dankie vir die voorbeelde van omgee wat ons in die bybel aantref.

    Groete,
    Dalene

    Reply

  • Avatar

    chrisvanwyk

    |

    Ek onthou die verhaal baie goed van julle seun. Dit bly vir my beide 'n voorbeeld van gebedsverhoring en hoe 'n “priester” teenwoordig moet wees by sy mense en by God. Ds Dave wat regtig 'n inspirasie vir my in my eerste jaar van bediening.

    Reply

Leave a comment

Onlangse kommentaar

  • Avatar

    Hendrik

    |

    Mooi woorde kyk vandag na ons Here Jesus rondom die Hemelvaart en wat Hy gese het en gedoen voor Hy op gevaar het. Betekenis van Leidsman het my hier gebring,Mag God jou seen.

  • Avatar

    Pieter

    |

    Naand Chris
    Dankie vir die lig in jou woorde

  • Avatar

    Chris van Wyk

    |

    Hi Johan. Ja, WordPress sou dit gestuur het. Jou e-pos wys by my as geregistreer. So jy het dit waarskynlik al gedoen. Ek sal nie Wes-Kaap bywoon nie. Sterkte vir julle sitting.

  • Avatar

    Johan

    |

    Goeie middag Chris.
    Wardeer dat jy my geregistreer het.
    Gaan WordPress vir my n e-pos stuur wat ek net moet bevestig.
    Gaan julle ons die wes kaap senode bywoon in Mei maand sal graag sal wonderlik wees as ons mekaar daar kan sien.
    Groete
    Johan Swanepoel
    Durbanville bersig gemeente

  • Avatar

    Chris van Wyk

    |

    Hi Johan. Ek sien nie jou e-pos in my lys nie. Ek sal jou registreer, maar jy moet dit net goedkeur as WordPress vir jou vra dat jy dit bevestig.

  • Avatar

    Johan

    |

    Sal dit so wardeer as ek weer die e-pose gereeld kan ontvang

  • Avatar

    Chris van Wyk

    |

    Hi Joey. Dit beteken dat die skare die verantwoordelikheid vir Jesus se dood ook op hulleself as ‘n nasie geneem het, sodat dit nie net die Joodse leiers se besluit was om Jesus te kruisig nie, maar ook hulle eie.

    Hulle uitspraak: “Laat die skuld vir sy bloed op ons en ons kinders rus!” berus op ‘n metafoor uit Deuteronomium 19:10 wat hulle omkeer en doelbewus op hulleself van toepassing maak, en daarmee sê, Jesus is skuldig aan Godslastering en verdien om gekruisig te word:

    “Daar mag nie onskuldige bloed vergiet word in die land wat die Here jou God aan jou as besitting sal gee nie, want dan sal daar bloedskuld op jou rus.”

    Johannes lewer daarop op kommentaar as hy in die proloog van sy evangelie skryf:

    “Hy het na sy eiendom toe gekom, en tog het sy eie mense Hom nie aangeneem nie.” (Joh 1:11)

    Gelukkig het Johannes ook verklaar:

    “Maar aan almal wat Hom aangeneem het, dié wat in Hom glo, het Hy die reg gegee om kinders van God te word.” (Joh 1:12)

    Johannes voeg daarby dat hierdie geloof nie kom van Joodse afkoms nie, of menslike gedrag of keuses nie, maar van God self af:

    “Hulle is dit nie van nature nie, nie deur die drang van ’n mens of die besluit van ’n man nie, maar hulle is uit God gebore.” (Joh 1:13)

    Dit geld ons almal.

    Die skuld vir die kruisdood het dus gelê op beide die Joodse leiers en die skares van daardie tyd. Hulle het ook hulle eie kinders daarby ingesleep, en sou hierna ook die kerk van Jesus vervolg (Hand 7-8).

    Jesus het dit natuurlik voorspel in die profetiese rede:

    “Julle slange, addergeslag! Hoe sal julle ontkom aan die straf in die hel? Luister dus goed! Ek stuur profete, wyse manne en leraars na julle toe. Julle sal party van hulle doodmaak en kruisig, en party in julle sinagoges gesel en hulle van die een dorp na die ander vervolg. So sal julle verantwoordelik wees vir die bloed van al die vromes wat op die aarde uitgestort is, van die bloed van die onskuldige Abel af tot by die bloed van Sagaria seun van Berekja, vir wie julle tussen die tempel en die altaar vermoor het. Dit verseker Ek julle: Die straf vir al hierdie dinge sal op die mense van vandag neerkom.” (Matt 23:33-36)

    Jesus het dus ‘n straf oor hulle geprofeteer. Hierdie straf is voltrek in die jaar 70 nC op hierdie mense met die verwoesting van Jerusalem deur die Romeinse ryk en die verstrooiing van die Jode oor die wêreld.

    Maar, dit het nie gelei tot ‘n volskaalse verwerping van die Joodse volk daarna nie. Daaroor skryf Paulus in Romeine 9-11. Daar is steeds Jode wat in Jesus glo en daarom deel is van die koninkryk van God.

  • Avatar

    Joey Coetzee

    |

    Goeie dag,
    Vraag: Wat het hulle bedoel met “Laat sy bloed op ons en ons kinders kom”
    Matv27:22-25

  • Avatar

    Fanie Nel

    |

    Hi Chris, baie dankie vir die breedvoerige antwoord. Ek sal dit so oordra.

Prontuit die Waarheid