This page was exported from Bybelskool [ https://bybelskool.com ]
Export date: Wed May 22 8:56:41 2019 / +0000 GMT

1 Konings 15:33-16:20 - Onbetroubare eiesinnige leiers



Dit bly steeds 'n tyd van storm en drang in die noordelike ryk, wat nie net afgeskeur het van die suide nie, maar ook dreig om onderling uit mekaar te spat.  Drie konings volg mekaar op voordat die dinastie van Omri 'n aanvang neem.  Elkeen van hulle is egter onbetroubare eiesinnige leiers. Baesa word koning in die plek van Nadab maar vertoorn ook die Here, deur nie die kans wat die Here hom gee met erkenning aan God aan te gryp nie en dieselfde dwase afgodery as Jerobeam te bevorder.  Weereens word die oordeel van die Here oor hom en sy hele huis uitgespreek, dié keer deur Jehu, seun van Ganani, waarvan ons nie veel af weet nie, behalwe dat hy blykbaar ook 'n skrywer was (2 Kron. 20:34).  Die enigste positiewe kommentaar oor Baesa was dat hy dapper was. Baesa se verhaal belig 'n interessante feit, dat 'n mens die Here se wil kan uitvoer – in sy geval, om die huis van Jerobeam uit te wis – maar dit te doen ter wille van jouself of om jou eie redes, en dan juis daarvoor gestraf te word.  Baesa word dus geteken as 'n eiesinnige rebel en nie 'n  gehoorsame dienaar nie. Sy seun Ela word na hom koning, maar regeer net 2 jaar voordat een van sy onderdane, Simri, die aanvoerder van die helfte van die strydwa-mag, teen hom saamsweer.  Ela klink na 'n dronklap koning en word in sy paleis vermoor. Simri volg hom op maar regeer op sy beurt net 7 dae lank voor hy deur Omri, die hoof van die leër, om die lewe gebring word.  Dit is opmerklik dat, anders as met die ander konings tot dusvêr in Israel, dit die volk is wat Omri tot koning uitroep.  Dit is baie betekenisvol in die lig van die latere vereniging van die noordelike volk, hoewel die Konings skrywers nie baie van hom as koning dink nie, weens sy afgodediens. Hoewel daar hierna egter nog steeds verdeeldheid heers, word die aanhang van Omri al hoe sterker en het hy uiteindelik na die dood van sy hoofteenstander, Tibni, koning oor die hele Israel geword. Die leeswerk vir hierdie week sluit hier af, omdat die Omri dinastie se verhaal in die volgende verse begin wat nie net 'n verenigende rol gespeel het onder die noordelike stamme nie, veral ook met die bou van die hoofstad Samaria, maar ook voortgesit is met die regeringstyd van sy seun Agab wat so 'n groot rol in die verdere verhaal van Konings speel.

Dit bly steeds 'n tyd van storm en drang in die noordelike ryk, wat nie net afgeskeur het van die suide nie, maar ook dreig om onderling uit mekaar te spat. Drie konings volg mekaar op voordat die dinastie van Omri 'n aanvang neem. Elkeen van hulle is egter onbetroubare eiesinnige leiers.

Baesa word koning in die plek van Nadab maar vertoorn ook die Here, deur nie die kans wat die Here hom gee met erkenning aan God aan te gryp nie en dieselfde dwase afgodery as Jerobeam te bevorder. Weereens word die oordeel van die Here oor hom en sy hele huis uitgespreek, dié keer deur Jehu, seun van Ganani, waarvan ons nie veel af weet nie, behalwe dat hy blykbaar ook 'n skrywer was (2 Kron. 20:34). Die enigste positiewe kommentaar oor Baesa was dat hy dapper was.

Baesa se verhaal belig 'n interessante feit, dat 'n mens die Here se wil kan uitvoer – in sy geval, om die huis van Jerobeam uit te wis – maar dit te doen ter wille van jouself of om jou eie redes, en dan juis daarvoor gestraf te word. Baesa word dus geteken as 'n eiesinnige rebel en nie 'n gehoorsame dienaar nie.

Sy seun Ela word na hom koning, maar regeer net 2 jaar voordat een van sy onderdane, Simri, die aanvoerder van die helfte van die strydwa-mag, teen hom saamsweer. Ela klink na 'n dronklap koning en word in sy paleis vermoor.

Simri volg hom op maar regeer op sy beurt net 7 dae lank voor hy deur Omri, die hoof van die leër, om die lewe gebring. Dit is opmerklik dat, anders as met die ander konings tot dusvêr in Israel, dit die volk is wat Omri tot koning uitroep. Dit is baie betekenisvol in die lig van die latere vereniging van die noordelike volk, hoewel die Konings skrywers nie baie van hom as koning dink nie, weens sy afgodediens.

Hoewel daar hierna egter nog steeds verdeeldheid heers, word die aanhang van Omri al hoe sterker en het hy uiteindelik na die dood van sy hoofteenstander, Tibni, koning oor die hele Israel geword.

Die leeswerk vir hierdie week sluit hier af, omdat die Omri dinastie se verhaal in die volgende verse begin wat nie net 'n verenigende rol gespeel het onder die noordelike stamme nie, veral ook met die bou van die hoofstad Samaria, maar ook voortgesit is met die regeringstyd van sy seun Agab wat so 'n groot rol in die verdere verhaal van Konings speel.

 

 


Post date: 2010-05-05 00:00:59
Post date GMT: 2010-05-04 22:00:59
Post modified date: 2010-05-05 00:00:59
Post modified date GMT: 2010-05-04 22:00:59

Powered by [ Universal Post Manager ] plugin. MS Word saving format developed by gVectors Team www.gVectors.com