Bybelskool

Rut

Hoe om die Bybelboek te lees

Die Bybel moet ons lewe vorm. Daarvoor is dit nodig dat ons leer om die Bybel te leef terwyl ons dit lees. Daardeur hoor ons die stem van God in die Bybel, leer ons hoe om Jesus prakties te volg, en skryf die Gees ons in God se verhaal met die wêreld in.

Een van die maniere wat gelowiges deur die eeue gebruik het om die Bybel só te lees, dat dit jou lewe beïnvloed, jou transformeer, is Lectio Divina, geestelike of goddelike lees.

Gebruik die volgende metode om hierdie Bybelboek deur te werk:

RUS

  • Raak stil. Dink na oor wat die afgelope 24 uur gebeur het. Dank God vir die goeie. Gee vir Hom die slegte.

HOOR

  • Lees die gedeelte in die Bybel soos dit aangetoon word. Fokus op wat jou tref.
  • Lees my bydrae oor die gedeelte.
  • Kies een gedagte wat jou tref en dink daaroor na. Dink veral oor die praktiese betekenis daarvan vir jou.
  • Antwoord die Here in gebed.
  • Geniet ‘n paar oomblikke die teenwoordigheid van die Here sonder woorde.

LEEF

  • Besluit op ‘n praktiese manier om op God se woord aan jou te reageer.
     

Maak 'n opmerking

Onlangse kommentaar

  • Avatar

    Betsie Marais

    |

    Baie dankie vir die insig in Esegiel 13. My eerste gedagte, toe ek die hoofstuk lees, was dat hulle die mense geleer het om astrale projeksies uit te voer. Maar dit het met jou gees te doen en nie met die siel nie.
    Dit help so baie om die kommentaar te lees.
    Dankie vir u moeite!!

  • Avatar

    Chris van Wyk

    |

    Hennie, ek dink die waardes van die Seisoen van Menswaardigheid kan goed inpas as hooftemas: Respekteer, Luister, Liefhê en Omarm (embrace). Jy kan die boekie Jesus-verhale van Menswaardigheid gebruik wat vir jou twee verhale vir elkeen van dié temas sal gee, sowel as ‘n oorhoofse verhaal, Jesus wat die voete van die dissipels was. Meer inligting by die webtuiste Seisoen van Menswaardigheid. Ons gemeente werk ook op die oomblik deur die nege Jesus-verhale, so jy sal preke ook daar kan kry wat jou in jou nadenke kan help.

  • Avatar

    Hennie Coetzer (Pastorale hulp)

    |

    Chris,
    Ek moet vir my gemeente dagstukkies vir elke dag van die maand (Julie) skryf oor die onderwerp GESINDHEID. Die dagstukkies word verdeel in VIER hooftemas, een vir elke week. Wat, na jou mening sal ‘n goeie voorstel van die hooftemas wees vir die vier weke. Ek vind dat GESINDHEID en LIEFDE oral oorvleuel. Ons motiveer die gesinne in ons gemeente om terug te gaan na die etenstafel en elke aand te leer uit die Skrif.

  • Avatar

    Alwyn

    |

    Ek leer maar weer elke dag: Soms is dit beter om net stil te bly

  • Avatar

    gloria

    |

    WOW!!!!! Dankie dr Chris. ek het dit…Wonderlik!! Nou kan ek saam bybelstudie hou….en so leer meer omtrent die GROOT BOEK.

    Ek is so opgewonde!!
    lekker aand en nogmaals baie dankie
    gloria

  • Avatar

    Chris van Wyk

    |

    Hi Gloria – stapsgewyse:
    1) Gaan na http://bybelskool.com/subscribe/ op die Internet
    2) Vul jou e-pos in die blokkie in en klik op Subscribe
    3) Maak jou e-pos program oop en klik op die Confirm Follow skakel wat in die e-pos sal wees wat van WordPress na jou gestuur word.
    4) Dan sal die bydraes per e-pos na jou toe gestuur word.

    Anders kan jy dit elke weeksdag ook lees by http://bybelskool.com/job/

  • Avatar

    gloria

    |

    Ds Chris.die program wat die bybelskool gebruik het ek nie op my rekenaar..en ek is maar baaaiiiieee dom met tegnologie.. n Ander manier hoe ek die bybelskoolmateriaal kan ontvang op rekenaar….ASB
    groetnis
    gloria

  • Avatar

    Chris van Wyk

    |

    Hi Alwyn – letterlik staan daar in Job 1:4: “En sy seuns was gewoond om ’n maaltyd te gaan hou in die huis van elkeen op sy dag.” Daar is verskil van mening of “sy dag” op ‘n seun se verjaarsdag dui en of dit doodgewoon dui op ‘n onderlinge reëling. Elke sewende jaar is egter nie die bedoeling nie. Ek interpreteer dit dat dié dag nie op ‘n verjaarsdag dui nie, maar op ‘n onderlinge reëling wat ‘n week lank geduur het. Nie net het elkeen dan sy beurt gekry nie, maar dit het herhaal, sodat hulle lewe eintlik een voortdurende fees was. Ek oordryf moontlik om dié patroon as ‘n weeklikse een te beskryf, maar probeer daarmee die punt maak dat hulle lewens om dié feesvierings gedraai het.

  • Avatar

    SAlwyn

    |

    Dankie Chris Help met vers 4 van hoofstuk 1 Ek lees dit anders Sewe seuns Elke seun kry elke sewende jaar ‘n geleentheid om die partytjie aan te bied Waar interpreteer ek verkeerd

  • Avatar

    gloria

    |

    Pitkos elke oggend sal WONDERLIK wees!!! So begin ek die dag met SY hand in myne

  • Avatar

    Alwyn

    |

    Wag nou dat dit 4 uur raak

  • Avatar

    Chris van Wyk

    |

    Nee, die verwysing is nie korrek nie. Dit moet eintlik Eks. 31:16 wees. Dankie vir die uitwys! Hier is die teks in konteks:

    12 Die Here het vir Moses gesê:

    13 “Jy moet vir die Israeliete sê: Onderhou my sabbatte. Dit is van geslag tot geslag ’n teken tussen My en julle sodat julle kan besef dat Ek, die Here, julle vir My geheilig het. 14 Onderhou dus die sabbat. Dit moet vir julle ’n gewyde dag wees. Hy wat dit ontwy, moet doodgemaak word. Wie op dié dag werk, moet van sy volk afgesny word. 15 Ses dae kan daar gewerk word, maar die sewende dag is ’n rusdag, ’n sabbat wat gewy is aan My, die Here. Elkeen wat op die sabbatdag werk, moet doodgemaak word. 16 Die Israeliete moet die sabbat onderhou. Ook op hulle nageslag lê die verbond ’n blywende verpligting om die sabbat te onderhou. 17 Dit sal vir altyd ’n teken wees tussen My en die Israeliete. In ses dae het Ek, die Here, die hemel en die aarde gemaak, maar op die sewende dag het Ek nie gewerk nie, maar gerus.”

    18 Nadat die Here op Sinaiberg met Moses gepraat het, het Hy die twee plat klippe met die getuienis daarop aan Moses gegee. Dit is die plat klippe waarop God met sy vinger geskryf het.

  • Avatar

    Alwyn

    |

    Chris In die teks noem jy Dit was ‘n teken van die verbond met verwysing Eks 20:22. Is die kruisverwysing korrek?

  • Avatar

    Annes

    |

    Sien uit hierna Chris. Ek weet dit sal deeglik wees – soos altyd!