Bybelskool

Rut

Hoe om die Bybelboek te lees

Die Bybel moet ons lewe vorm. Daarvoor is dit nodig dat ons leer om die Bybel te leef terwyl ons dit lees. Daardeur hoor ons die stem van God in die Bybel, leer ons hoe om Jesus prakties te volg, en skryf die Gees ons in God se verhaal met die wêreld in.

Een van die maniere wat gelowiges deur die eeue gebruik het om die Bybel só te lees, dat dit jou lewe beïnvloed, jou transformeer, is Lectio Divina, geestelike of goddelike lees.

Gebruik die volgende metode om hierdie Bybelboek deur te werk:

RUS

  • Raak stil. Dink na oor wat die afgelope 24 uur gebeur het. Dank God vir die goeie. Gee vir Hom die slegte.

HOOR

  • Lees die gedeelte in die Bybel soos dit aangetoon word. Fokus op wat jou tref.
  • Lees my bydrae oor die gedeelte.
  • Kies een gedagte wat jou tref en dink daaroor na. Dink veral oor die praktiese betekenis daarvan vir jou.
  • Antwoord die Here in gebed.
  • Geniet ‘n paar oomblikke die teenwoordigheid van die Here sonder woorde.

LEEF

  • Besluit op ‘n praktiese manier om op God se woord aan jou te reageer.

Maak 'n opmerking

Onlangse kommentaar

  • Avatar

    Chris van Wyk

    |

    Jy is reg. Satan is uit God se teenwoordigheid verdryf soos Jesus in Lukas 10:18 en Johannes in Openbaring 12:9; 20:2,7 beskrywe. Die Satan/duiwel het daarom sy rol as aanklaer, soos dit in die OT beskrywe word (Job 1:9–11; 2:4–5; Sag. 3:1) verloor. Lees veral Johannes se perspektief daarop in Openbaring 12:10. In Christus is daar immers geen veroordeling meer nie (Rom. 8:1) en kan ons ons gewete voor God tot rus bring (1 Joh. 3:20) en met vrymoedigheid die Here dien (1 Joh. 3:21).

    Die Satan/duiwel is egter steeds aktief op aarde soos Paulus (1 Tes. 2:18; 2 Tes. 2:9; 1 Tim. 1:20; 5:15; 1 Kor. 7:5; 2 Kor. 2:11; 11:14; 12:7; Ef. 4:27; 6:11; 1 Tim. 3:6,7; 2 Tim. 2:26) en Johannes (Openb. 2:10,19,13,24; 3:9; 12:12) ons verskeie kere waarsku. Sy mag is aan die een kant gebreek deur Christus soos die Hebreërskrywer ons herinner (Hebr. 2:14). Ons het nou die mag om hom teë te staan, soos Jakobus en Johannes ons herinner (Jak. 4:7; 1 Joh. 4:14; 5:18). Maar, sê Petrus, hy loop steeds rond soos ‘n brullende leeu (1 Pet. 5:8). Staan hom dus teë in versoeking, dien die Here, en hy sal van jou af wegvlug.

  • Avatar

    Norval Ackerman

    |

    Ek lei af dat Satan tot op ‘n “laat” stadium nog toegang tot die hemel gehad het. Ek dink bv aan daaraan toe God vir Satan gevra het of hy Job se getrouheid raak gesien het, Vertolk ek dit ook reg dat Satan as ‘n aanklaer optree oor alle mense self kinders van die Here al weet hy ook dat kinders van die Here rein gewas is. Ek woon in Nieu Seeland en hier is min kommentare beskikbaar om mens te help

  • Avatar

    Morne

    |

    Ek is bly vir vandag se boodskap, dankie Mnr Chris, dit maak dit tog duidelik vir my dat die kerk so n belangrikke rol in ons samelewing speel en kan nie wag om Sondag in die kerk te wees nie.

    Amen

  • Avatar

    Chris van Wyk

    |

    Om in tale te praat, is nie heidens nie, maar ‘n gawe van die Heilige Gees. Paulus verduidelik die plek wat tale inneem in die geloofsgemeenskap in 1 Korintiërs 12-14. Die gemeente se siening van die gawe van tale as die taal van die engele (13:1) en iets wat in ’n toestand van ekstase manifesteer (12:2) het wel gedreig om so oorbeklemtoon te word, dat die ander gawes oorheers is, en hulle eredienste onverstaanbaar begin word het. Daarom het Paulus hulle gehelp om te verstaan dat nie almal al die gawes het nie, ook nie tale nie, en dat daar beter gawes is (profesie is bv. beter as die gawe van tale, soos hy in hoofstuk 14 wys), maar dat alles ondergeskik is aan die gawe van die liefde wat aan almal in die gemeente gegee is, waaroor hoofstuk 13 handel.

    Hy brei in hoofstuk 14 uitvoerig uit oor die onverstaanbare onsinnigheid van tale in die erediens eerder as die verstaanbare opbouende karakter van profesie, veral ook omdat tale eintlik ’n teken vir die (lidmaat-)ongelowiges is (vgl Jes 28:11-12; Deut 28:49 – God se grootheid is raakgesien in die vreemde taal van die Assiriërs, hoewel dit nie begryp is nie). Nie dat Paulus die gebruik van tale afkraak nie, hy gebruik dit immers self. Maar tale is bedoel vir die binnekamer en aanbidding, nie soseer vir die eredienste en byeenkomste nie, omdat dit ’n gebedstaal is. Paulus sal dus eerder 5 woorde met sy verstand wou praat (met ’n openbaring, kennis, profesie of lering) as 1 000 woorde in ’n ongewone taal. Dit is die geestelik volwasse manier om in eredienste op te tree, wat nie net vir gelowiges iets beteken nie (opbou), maar ook vir ongelowiges of buitestaanders (appèl).

  • Avatar

    mariza

    |

    iemand het aan my verduidelik om in tale te praat is van ‘n heidense gees omdat korinte n heidense stad was. help asb om dit reg te kan verduidelik dat dit van die Heilige Gees is.

  • Avatar

    Elzan

    |

    Baie dankie hiervoor. Wat my tref is die smart wat hy moet eet. Hoeveel van ons kan die daarmee assossieer nie! En om te verstaan dat dit n moeilike proses is om dit ten goede te laat werk. Dit val my op dat die beelde in die visioene bekende beelde was uit die mitologie/godsdiens van daardie tydperk. Die “leeu van babylon” n bekende uitbeelding (ook op die befaamde poorte), verwant aan beide die heerser sowel as die godin Ishtar (godin van die hemel,van fertiliteit en oorlog: n energieke simbool dus), die arend, wat ook die siel vervoer (vlerke is orale in die beelde van die tyd te sien), so ook die wiel. Maar laat ek julle nou nie hier verveel nie! My bron is n ou boek “Myths of Babylonia & Assyria deur D.A. Mackenzie. As iemand sou belangstel: Google gerus “images legends and myths of ancient Babylon”, of “images religion middle east 600 bc”..(Mackenzie vermoed ‘n invloed van antieke Hinduisme, so bv die “wheel of life” en die “eagle Garuda.” )

  • Avatar

    Rudi Smith

    |

    Ek geniet die stukke baie, al kry ek nie die tyd om elke dag die hele stuk te bestudeer nie. My persoonlike bybelstudie het ook voordeel getrek hieruit.

  • Avatar

    Chris van Wyk

    |

    Ek het die hele NT al behandel. Hier is die skakel na Romeine. Al 27 NT boeke wat ek behandel het asook die 29 OT boeke is alfabeties by die skakel Bybelboek-Reekse beskikbaar. Lekker lees!

  • Avatar

    Kallie

    |

    Baie dankie vir al jou moeite om ons meer van Jesus te leer!

    Het jy al Romeine behandel, ek is tans besig om Romeine te lees en dit sal wonder lik wees om die inligting stuk daaroor te ontvang.
    Nogmaals baie dankie !

  • Avatar

    Chris van Wyk

    |

    Dit is my voorreg. So pas klaar gemaak met die laaste deel van Maleagi wat môreoggend versend word. Baie dankbaar.

  • Avatar

    Joan

    |

    Soos vele ander is ek so dankbaar dat ek van die Bybelstudie kon verneem en nou deelneem aan Maleagi.
    Ek is ook so dankbaar vir die tyd en geleentheid om daagliks hierdie lesse te ontvang.
    Baie dankie.

  • Avatar

    Chris van Wyk

    |

    Dankie vir die interessante kommentaar. Leonard Sweet en Frank Viola maak dieselfde punt in hulle boek Jesus, A Theography waarin hulle hierdie verbande, en nog baie meer, tussen die OT en NT uitlig. Dit is vir my ook regtig versterkend vir my geloof. Ek onthou ook ‘n bydrae van Elliot waarin hy die verdere skuif wys van die tempel na die huise van gelowiges as plek waar God teenwoordig is in Lukas-Handelinge. Hy sê die tempel word in die NT: “an alienating form of collective institutional life” terwyl die huise van gelowiges: “a creative form of integrative group life” word. God woon nou in sy mense, soos Paulus later sal skryf in 1 Korintiërs 6:19-20: “Of besef julle nie dat julle liggaam ’n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie: julle is gekoop, en die prys is betaal. Julle moet God dus in julle liggaam verheerlik.”

  • Avatar

    Nico

    |

    Goeiemôre Chris
    Nou die dag oor RSG na jou geluister. Ons BS-groepie doen tans ook Sagaria. Ek lees ook hoe NT/Tom Wright skryf oor hoe God koning word. Hoe Jesus die temple vervang in die nuwe bedeling, as ek dit bietjie simplisties kan stel. Verwys “Simply Jesus”.
    N.a.v. al die sake besef mens die herbou van die tempel is geskiedenis. Belangrik vir sy tyd, maar dit praat oor ’n era wat verby is. Ons leef in die nuwe skepping/versoening/voortgaande geskiedenis.
    Kommentatore verwys na aanhalings in die NT uit Sag om te sê dit is vervulling van dié profesie/sieë.
    Tom benader dit vanuit die hoek dat toe Jesus besig was om sy opdrag/missie uit te voer dele uit bv. Sag hom gehelp om te weet hoe om Jerusalem in te ry, op die rug van ’n donkie.
    In die sin word die profesie vervul as mens vorentoe kyk en Jesus weet wat om te doen as hy terug kyk. Die groot plan sien. Daar is ’n koppeling. Alles deel van die groot prentjie/plan/verloop.
    Ek hoop nie ek lê woorde in NT se mond nie, maar dit is die strekking wat ek kry. Maak vir my as 21e eeuse gelowige sin.
    Dankie en seën. Nico

  • Avatar

    Margarite

    |

    Goeie dag.

    Ek is só opgewonde om die stuk in Openbaring oor hierdie Nuwe Jerusalem te lees!!!
    Ek sing self die lied ook en leef myself so in.

    Groete

    Margarite van Loo

  • Avatar

    Calley

    |

    Dankie vir RSG, want dis waar ek van julle gehoor het , gewoonlik is ek al lankal op maar toevallig vanoggend luister ek na die program. Dis lekk om bybelstudie te doen in jou eie taal.