Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Opmerkings (3)

  • Avatar

    Karen Strydom

    |

    Dit is vreesaanjaend om te dink slegs 2 uit 12 mense het werklik God se leiding vertrou om die land inbesit te kan neem. Dis amper ‘n refleksie op die persentasie mense wat vandag WERKLIK God so in hulle lewe vertrou dat hulle elke dag in Sy vrede en rus leef omdat hulle Hom in gehoorsaamheid vertrou. Die impak van gehoorsaamheid aan God is deur die eeue heen bewys as enorm vir die een wat dit doen, al dan nie.

    Reply

  • Avatar

    Elsie

    |

    Besig met bybelstudie oor Hebreers, nou besig met 6:13 -20.
    Het die intermezzo soos beskryf deur Andrie du Toit moeilik gevind m.b.t. die waarskuwing dat iemand wat afvallig raak nie weer tot bekering kan kom nie.

    Reply

    • Avatar

      Chris van Wyk

      |

      Ek hou van die manier waarop William Lane dit sê: “If those who have enjoyed a full and authentic Christian experience should then fall away, a renewal to repentance is impossible” (Word Biblical Commentary: Hebrews 1-8). Let op die “if” en die “should“, want die skrywer dink nie só iets is regtig moontlik nie. Hy sê wel: “Dit is immers onmoontlik om hulle wat eenmaal verlig is, wat die hemelse gawe gesmaak, en deel gekry het aan die Heilige Gees, en wat die goeie woord van God gesmaak, en ook die kragte van die komende bedeling, en tog afvallig geword het, weer opnuut tot bekering te bring, aangesien hulle wat hulleself betref, die Seun van God opnuut kruisig en openlik tot skande maak,” (Hebr 6:4-6 in BDV). Hoekom sou ons dit só erg wees, as ‘n mens ter wille van die argument sou bedink? Want dit sou beteken dat die lewende God aktief teengestaan word. Maar, dit is iets wat eintlik nie kan gebeur nie. Daarom sê die skrywer: “Maar selfs wanneer ons só praat, geliefdes, is ons, wat julle betref, oortuig van beter dinge wat betrekking het op verlossing.” (Hebr. 6:9).

      Die Dordtse Leerreëls sê daarom die volgende:

      • Die Sinode verwerp die dwaling van hulle wat leer: Nie elke uitverkiesing tot saligheid is onveranderlik nie, maar sommige uitverkorenes kan verlore gaan en gaan inderdaad ook vir ewig verlore, nieteenstaande enige besluit van God. Die Sinode leer: Met hierdie growwe dwaling maak hulle God veranderlik en vernietig die troos wat die vromes uit die vastigheid van hulle uitverkiesing put. Ook weerspreek hulle die heilige Skrif wat leer dat die uitverkorenes nie verlei kan word nie (Matt 24:24); dat Christus almal wat deur die Vader aan Hom gegee is, nie sal verloor nie (Joh 6:39), en dat God die wat Hy vantevore verordineer, geroep en geregverdig het, ook verheerlik het (Rom 8:30). (Hoofstuk 1, Verwerping punt 6)
      • Wanneer hulle so in die sonde val, bewaar God eerstens in hulle sy onverganklike saad waaruit hulle weergebore is, sodat dit nie vergaan of vernietig word nie. Tweedens vernuwe Hy hulle deur sy Woord en Gees seker en kragtig tot bekering. Die gevolg is dat hulle oor die sondes wat hulle gedoen het van harte en volgens die wil van God berou het en deur die geloof, met ‘n gebroke hart, vergifnis in die bloed van die Middelaar begeer en verkry. So besef hulle weer die genade van God wat nou met hulle versoen is, aanbid hulle sy ontferming en trou om daarna met groter ywer hulle eie heil met vrees en bewing uit te werk.(Hoofstuk 1, Verwerping punt 7).
      • Die Sinode verwerp die dwaling van hulle wat leer: Die ware gelowiges en wedergeborenes kan nie alleen heeltemal en onherroeplik uit die regverdigende geloof, die genade en saligheid uitval nie, maar val inderdaad ook dikwels daar uit en gaan vir ewig verlore. Die Sinode leer: Hierdie opvatting maak juis die genade van die regverdiging en die wedergeboorte en die voortdurende bewaring deur Christus kragteloos. Dit is ook in stryd met die nadruklike woorde van die apostel Paulus: As Christus vir ons gesterf het toe ons nog sondaars was, veel meer dan sal ons, noudat ons geregverdig is in sy bloed, deur Hom gered word van die toorn (Rom 5:8,9), en van die apostel Johannes: Elkeen wat uit God gebore is, doen geen sonde nie, omdat sy saad in hom bly; en hy kan nie sondig nie, want hy is uit God gebore (1 Joh 3:9). Net so is dit in teëspraak met die woorde van Jesus Christus: Ek gee my skape die ewige lewe, en hulle sal nooit verlore gaan tot in ewigheid nie, en niemand sal hulle uit my hand ruk nie. My Vader wat hulle aan My gegee het, is groter as almal: en niemand kan hulle uit die hand van my Vader ruk nie (Joh 10:28,29). (Hoofstuk 5, Verwerping punt 3)

      Reply

Maak 'n opmerking

Onlangse kommentaar

  • Avatar

    Chris van Wyk

    |

    Dankie Jan. Jy vat dit só goed raak. Om uit die voorraad van die Bybel nuwe en ou dinge vir ons tyd na vore te bring, is ‘n ander manier om die leuse van die Bybelskool te verwoord. Die Woord is inderdaad ‘n huis om in te woon.

  • Avatar

    Jan Louw

    |

    Dankie Chris vir die mooi waarhede wat jy vir ons uit die gedeelte na vore bring, oor die huwelik en geloofsvorming.
    Mat 13:52 Hy sê toe vir hulle: “So is elke skrifgeleerde wat ‘n leerling word in die koninkryk van die hemel, soos ‘n huiseienaar wat uit sy voorraad nuwe en ou dinge te voorskyn bring.”

  • Avatar

    Jan Louw

    |

    Die tema vat die gebeure pragtig saam. Dankie Chris.

  • Avatar

    Chris van Wyk

    |

    Die NG Kerk se mening oor saamwoon kan jy hier bereik.

    Die belangrikste drie punte in dié standpunt (wat ‘n mens as ‘n geheel moet lees) wat met jou vraag verband hou, is die volgende:

    5. Die Algemene Sinode is nogtans daarvan oortuig dat die historiese ontwikkeling van die huwelik in die Bybel en in die geskiedenis vir ons duidelike riglyne bied van wat ’n Christelike huwelik is: ’n vaste, formele ooreenkoms tussen twee persone van die teenoorgestelde geslag om hulle lewens in alle opsigte met mekaar te deel in ’n lewenslange verbintenis waarin seksualiteit ‘n eksklusiewe karakter dra, geseën of bevestig deur die kerk, gesluit in die teenwoordigheid van getuies, sover as moontlik in die gemeenskap van gelowiges en verkieslik erken deur die staat as ’n wettige huwelik.
    6. Die Algemene Sinode oordeel dat, in die lig van bostaande, gelowiges met reg die huwelik ’n gawe van God noem en dat seksuele gemeenskap buite so ’n vaste, formele ooreenkoms nie aan Christelike riglyne voldoen nie.
    8. Die Algemene Sinode wil mense wat in ʼn etiese saamwoonverhouding leef en dus die Christelike norme vir die huwelik uitleef, aanmoedig om die verbintenis nog vaster te maak deur die kerklike en staatkundige aspekte ook in plek te kry.

    In antwoord op jou vrae:

      1. Die huwelik is ‘n gawe van God en nie net ‘n menslike bepaling nie.
      2. Ja
      3. Nee, dit is die taak van die kerkraad en ander amptelike liggame.
      4. ‘n Skeepskaptein tree namens die staat op, nie namens die kerk of geloof nie.
      5. Nee
      6. Nee (behalwe as hulle minderjarig is, uiteraard, dan sal die staat iets te sê hê daaroor)
      7. Nee
  • Avatar

    Barrie Vermeulen

    |

    Geagte Ds Chris

    Baie dankie vir die voorreg om weereens u webtuiste te gebruik.

    Dit gaan oor die oeroue vraag van saambly. Ek weet die Bybel wys by verkeie plekke dat dit nie so behoort te wees nie. Ek wil egter weet waar in die Bybel:

    1. Dit bepaal word hoe en waar die huwelik moet plaasvind? Is dit ‘n bepaling van God of is dit ‘n menslike verordening soos ons dit doen?
    2. Of dit werklik so ‘n sonde is as die twee werklik mekaar liefhet en getrou gesweer het aan mekaar?
    3. Of die kerk (Dominie) die reg het om sodanige mense onder tug te plaas?
    4. Wat van ‘n skeepskaptein, hy het die reg om huwelikke te doen maar hoe weet die paartjie of sy godsdiens oortuiging reg is? Indien nie, is hierdie huwelik wettig?
    5. Wat van ‘n grondeienaar wat bv. woonstelle uithuur? Moet hy nou ‘n CV eis van elke paar wat van voorneme is om in een van sy woonstelle in te trek?
    6. Is die ouers strafbaar as hulle kinders saambly?
    7. Is dit dan nie maar beter as om sommer oral in die bondel te flankeer nie?

    Ek waardeer u moeite om hierdie vraag te beantwood.

    Groete in Christus.
    Barrie Vermeulen.

  • Avatar

    Neels Hubinger

    |

    Kosbare diepsinnige en omvattende insig en betekenis, baie dankie Chris vir die toepassing vandag…

  • Avatar

    christa marais

    |

    Dankie Chris, dit was pragtig! Het ook vir my ‘n kosbare les geleer!

  • Avatar

    Chris van Wyk

    |

    Dit is my voorreg, maar ook my verantwoordelikheid, Lida. Jy bid vir my dat ek “al die skatte” sal ontdek wat geloofsoë sal oopmaak. Jy herinner my met dié gebed daaraan dat dit presies is waarvoor die Here my geroep het. In 1983 het ek in my sesde jaar op universiteit diep en lank nagedink oor my roeping in die lewe en dit toé só verwoord:
    1. “Om die Here intiem, persoonlik te ken en vanuit die gemeenskap met Hom te lewe.”
    2. “Om die skatte van die evangelie vir alle mense oop te sluit en beskikbaar te maak.”
    Daaraan wy ek my toe steeds meer en meer.
    Syn odos – saam op pad.

  • Avatar

    Lida Visser

    |

    Goeie more Chris
    Wat n wonderlike eer en voorreg om saam jou n nuwe ontsekking van Genisis te doen.
    Dit het nir alleen my geloof versterk nie maar my geloofsreis saam met julle is asemrowend en die legkaart waaroor ek altyd getwyfel het, het nou vir my in plek geval.
    Baie dankie aan my He.else Vader vir hierdie geleentheid en ook vkr jou met die harde werk en navorsing wat jy doen om soveel mense soos ek ons geloof te versterk. Dankie vir elke tree wat jy saam my loop deur Genisis.
    My gebed is dat die Here jou sal seen en krag insig wysheid en kennis sal gee om ons geloofsoë oop te maak en om al die skatte te ondek deur die werking van die Heilige Gees.
    Ek het n dankbare hart vir die geleentheid.
    Liefde en seengroete
    Lida

  • Avatar

    Anler

    |

    Hi Ds Chris. Ek is van Port Elizabeth en was al vele keer ‘n diens bygewoon in julle gemeente. Ek verlang sommer nou terug na PE. Ek het gister aand ‘n gesprek met my Pappa gehad, waar ek nou werk is ek tussen bos en dal en voel veral naby aangesien dit baie natuur om my is, en met Hom gepraat soos ek met my pa sal praat op aarde en Hom my harts begeerte gevra en in ‘n droom gisteraand is daar vir my gese ek moet Efesiërs gaan lees. Ek het nou navorsing gaan doen op die web en so op die tuisblad gekom. Ek kan nie ‘n antwoord op my vraag sien in Efesiers nie of miskien is ek net oor haastig. Kan u my asb leiding gee waaroor die boek gaan en hoe ek op ‘n antwoord kan kom. Ek sal ook bitter graag per epos met u in verbinding wil tree. Baie dankie en groete aan my tuis dorp. L 🙂

  • Avatar

    Susan Leeuwner

    |

    Ek het nie Genesis 14 se Bybelstudie ontvang nie!

  • Avatar

    Chris van Wyk

    |

    Hi – In die eerste plek verwys dit na die versoening wat in families binne die geloofsgemeenskap sal kom, dat ouers saam met hulle kinders die Here sal dien. Dit sluit natuurlik in die tweede plek versoening in binne families wat uitmekaar geruk is deur watter krisis ook al, ook in dié gevalle waarna jy verwys.

  • Avatar

    Johann Viljee

    |

    Ek vra net:
    Verwys Maleagi 4:5-6 en Lukas 1:17 nie na die tienduisende kinders in SA (en reg oor die wereld) wat na hul biologiese ouers soek nie. In ‘n mindere maat soek die ouers ook na hul biologiese kinders?

%d bloggers like this: