Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei. I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Opmerkings (2)

  • Avatar

    Anler

    |

    Hi Ds Chris. Ek is van Port Elizabeth en was al vele keer ‘n diens bygewoon in julle gemeente. Ek verlang sommer nou terug na PE. Ek het gister aand ‘n gesprek met my Pappa gehad, waar ek nou werk is ek tussen bos en dal en voel veral naby aangesien dit baie natuur om my is, en met Hom gepraat soos ek met my pa sal praat op aarde en Hom my harts begeerte gevra en in ‘n droom gisteraand is daar vir my gese ek moet Efesiërs gaan lees. Ek het nou navorsing gaan doen op die web en so op die tuisblad gekom. Ek kan nie ‘n antwoord op my vraag sien in Efesiers nie of miskien is ek net oor haastig. Kan u my asb leiding gee waaroor die boek gaan en hoe ek op ‘n antwoord kan kom. Ek sal ook bitter graag per epos met u in verbinding wil tree. Baie dankie en groete aan my tuis dorp. L 🙂

    Reply

Maak 'n opmerking

Onlangse kommentaar

  • Avatar

    André Kritzinger

    |

    Glipsie – intog moet uittog wees.

  • Avatar

    Chris van Wyk

    |

    Dankie de Wet! Ek dink Psalm 119 is ‘n onontginde juweel met 176 skitterende perspektiewe op die impak wat die Woord op jou lewe kan hê. Geniet en gebruik!

  • Avatar

    De Wet

    |

    Chris
    Dit wat jy hierbo geskryf het in Sept 2015 – oor Psalm 119 -laat my verstom. En maak my baie opgewonde. Dankie. Ek waardeer jou harde werk.
    Ek begin môre-aand met ‘n reeks oor die Lees van die Bybel. Dit is juis ps 119 wat my ‘n paar weke gelede my begin boei het. Dit was die verwysing na “pad waarop ons loop” wat vir my ‘n belangrike metafoor gee vir Bybellees. Ons manier van Bybellees behoort veel meer ‘n oefening te wees van “wandel en loop in sy weë” as wat dit ‘n ekspert vraag-en-antwoord vertoning is. Ek leen ook die beeld van “Reis in die Woord” by NT Wright.
    Jou oordenking en opsomming van Psalm 119 bevestig dit vir my. Ek sal graag na hierdie Bybelskool-bydraes van jou verwys.
    Ek het regtig groot waardering vir jou persoonlike getuienis en opgewondenheid oor die Woord as Woorde van God!
    Groete
    De Wet

  • Avatar

    Chris van Wyk

    |

    Hi Alwyn. Dit gaan in Eks. 13:12 oor “elkeen wat die eerste keer die moederskoot open”, soos dit meer letterlik vertaal kan word. Die voorskrif word aan die tiende plaag gekoppel waarin die Here elke eersgeborene van Egipte “geneem” het. Die Israeliete kon hulle eersgeborenes loskoop via die die bloed van die Pasgamaaltyd in Egipte, en deur ‘n offer daarna. Die beginsel was dat ná Egipte elke eersgeborene aan die Here behoort het, behalwe wanneer hulle losgekoop word. In die verdere verduideliking blyk dit eintlik net op die manlike eersgeborenes van toepassing te wees. Dit het duidelike implikasies vir ons nadenke oor God se Eersgeborene wat aan ‘n kruis geoffer word sodat niemand van ons deur die “tiende plaag” die ewige dood getref kan word nie. Oor die donkie – dit is meer onseker, maar ek dink dit is weens ekonomiese realiteite. As jy die donkievul wou benut, kon jy dit met ‘n skaap vervang. Anders kon jy hom doodmaak. Donkies was nie ‘n geskikte offer nie, hoewel dit onseker is presies hoekom nie. Hoop dit help.

  • Avatar

    Alwyn

    |

    Chris My Bybelkennis laat my erg in die steek. Help asseblief. Eks 13:12 waar dit gaan oor die oudste seuns en manlike diere wat eerste gebore is en wat aan die Here opgedra moet word. Hoe het die Israeliete dit vertolk? Letterlik op die altaar? Is dit dan ook die rede waarom die oudste seun losgekoop kon word.Wat het die loskoop behels?
    Die omdraai van die donkie se nek verstaan ek ook nie

  • Avatar

    Elna Schoeman

    |

    Dankie Chris!
    Ek sal die 53 vertaling met kruis verwysings moet uithaal! Sjoe… stom geraak van skok. Ek is seker dit was dit…foeitog wat `n lewens opdrag!
    Jou B studie oor Esegiël help baie!
    Dankie.

  • Avatar

    Chris van Wyk

    |

    Hi Elna, Dit wil voorkom asof Esegiël vir ‘n tyd lank stil was, moontlik in die verwerking van sy eie verlies, of, meer waarskynlik, in afwagting van die volgende woord van die Here wat sterker op die nuwe toekoms wat die Here beplan, sou fokus. Dit sou ingelei word deur ‘n woord van ‘n vlugteling wat van die verwoesting van Jerusalem sou kom vertel. Ons lees daarvan in Eseg. 33:21 vv. Dit is baie keer hoe die Here met sy boodskappers werk. Hulle moet wag tot Hy ‘n opdrag gee.

  • Avatar

    Elna Schoeman

    |

    Chris,
    vers 26 en 27 praat van `n vlugteling wat `n boodskap sal bring en dat Esegiël nie meer stom sal wees nie. Help asb!
    Wie is die Boodskapper en was Esegiel stom? Net gedemonstreer?
    Groete!

  • Avatar

    Sonja Slater

    |

    Goeiedag Ds Chris, Soos ek voorheen gevra het kan u asb die riglyne vir Levitikus tot Rigters vir my beskikbaar stel? Se net waar ek dit kan aflaai asb. Dankie.

  • Avatar

    Chris van Wyk

    |

    Hi Sonja. Ek het aanvanklik boek vir boek gewerk en dan riglyne gegee sodat mense dit kan deurlees. Dié stof is wel beskikbaar, maar redelik “oud” in die sin dat ek gegroei het in my verstaan van ‘n hele paar dinge met die deurwerk van die hele Bybel. Eksodus se riglyne is geïnkorporeer in die huidige boek, en die res is ek tans besig om te skryf. Vir die res van Eksodus sal jy dus geduldig moet wees! Ek sou egter Levitikus, Numeri, Deuteronomium, Josua en Rigters se riglyne kon beskikbaar stel. Dit is egter effe verouderd!

  • Avatar

    Sonja Slater

    |

    Goeiedag Ds Chris, Ek het vanaf middel Desember 2016 ‘n nuwe dringendheid in my om meer vd Here en die Bybel te weet en het begin om Bybelstudie te doen, elke dag ‘n stiltetyd te hou met behulp van ‘n Bybeldagboek en ek lees fisies die Bybel deur van Genisis tot Openbaring, woord vir woord, en wil dit in een jaar doen. Nou, ek is amper deur Genisis met my Bybelstudie (bo en behalwe die fisies deurlees) en sou graag die boeke in volgorde wou deurwerk. Ek laai solank af wat u reeds van Eksodus het maar sou dit vinniger wou doen as wat u publiseer. Ek soek ook Bybelstudie oor Levitikus, Numeri ens wat nog nie op u webtuiste is nie. U praat by die beskrywing van 1 en 2 Konings dat u reeds saam met u lesers en gemeente die 5 boeke van die pentateug deurgelees het maar ek sien niks van dit nie? Dankie vir u goeie werk en dat u my help om die Bybel beter te verstaan. Groete.

  • Avatar

    Chris van Wyk

    |

    Hi Petie

    Sondebelydenis en geloofsbelydenis is twee verskillende goed. Die eerste is ‘n belydenis van jou skuld en wel iets wat in die binnekamer kan en moet gebeur, maar ook soms saam met die gemeente en soms in die teenwoordigheid van ‘n medebroer of suster. Die tweede is ‘n belydenis van jou geloof in die Here Jesus Christus en iets wat verseker ook teenoor God gedoen kan word, dit is immers wat ons in gebed doen, maar waarvan dit ook waar is dat sonder dat ‘n mens dit teenoor iemand in die openbaar erken dit nie ‘n groot effek op jou lewe in gemeenskap met ander het nie.

    Oor sondebelydenis die volgende opmerkings uit die Bybel:

    Die idee van sondebelydenis teenoor God self, sonder dat daar iemand by is, is duidelik op ‘n hele paar plekke in die Bybel:

    • “My sonde het ek U bekend gemaak, en my ongeregtigheid het ek nie bedek nie. Ek het gesê: Ek wil aan die HERE my oortredinge bely; en Ú het die ongeregtigheid van my sonde vergewe.” (Psalm 32:5).
    • “Ek het gesê: ‘Wees my genadig, Here! Maak my tog gesond; ek het teen U gesondig.’” (Psalm 40:5).
    • “Teen U alleen het ek gesondig.” (Psalm 50:6)
    • “Wie sy sonde bely en daarvan afsien, sal genade ontvang.” (Spr. 28:13).
    • “Terwyl ek nog spreek en bid en my sonde en die sonde van my volk Israel bely en my smeking voor die aangesig van die HERE my God neerwerp, ter wille van die heilige berg van my God. (Daniël 9:20 ).
    • “As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.” (1 Joh 1:9).

    Daar word net een keer word gesê dat dit ook teenoor mekaar sal wees:

    • “Bely mekaar julle misdade en bid vir mekaar, sodat julle gesond kan word. Die vurige gebed van ’n regverdige het groot krag.”(Jak. 5:16).

    Ons kan die een doen en die ander ook nie nalaat nie.

  • Avatar

    Petie

    |

    Ek stem nie saam met die sonde belydenis in die binnekamer nie. Die Griekse woord wat vertaal word as bely impliseer dat dit in die teenwoordigheid van iemand anders gedoen word. Die woord kan ook vertaal word as erken. Om my sonde in my binnekamer voor God te erken maak ‘n by implikasie ‘n bespotting van God omdat Hy nie net jou sonde reeds ken nie maar dit ook reeds vergewe en versoen het. Dit vind in die teenwoordigheid van ‘n regverdige (verkieslik een met ondervinding van die geestelike implikasies van jou sonde en hoe om daar mee te deel) sodat hy vir jou kan bid en jy genees kan word van die geestelike wonde en siektes wat uit jou sonde voort gespruit het. Anders sou dit moontlik gewees het om in jou binnekamer te bely dat Christus die Seun van God is en dat God Hom uit die dode op gewek het ens. Maar Jesus stel dit duidelik dat Hy elkeen wat dié belydenis voor die mense sal aflê sal Hy voor Sy Vader en Sy engele bely. Die selfde Griekse woord is in byde gevalle gebruik om die kosep te staaf. Dit is maar my beskeie oortuiging in die verband.
    Groette in Christus.

%d bloggers like this: