Bybelskool

Chris van Wyk

Ek is gemeenteleraar by Somerstrand gemeente, Port Elizabeth. My passie in die lewe is om God bo alles te dien en gelowiges in geloofsvorming te begelei.

I am pastor at Summerstrand congregation, Port Elizabeth. My passion in life is to serve God above all and to lead believers in faith formation.

Comments (12)

  • Avatar

    Anthonie

    |

    Gaan so voort asseblief.

    Reply

  • Avatar

    Francois

    |

    Baie dankie vir die groot en goeie werk. As jy dit kan inpas, die Genesis tot Rigters, sal ek dit baie waardeer. Dit is treffend dat jy Psalm 27:4 aanhaal, want ons het pas na ‘n preek met juis dit as teks, in my tuis gemeente gehad. Dankie nogmaals, Francois.

    Reply

  • Avatar

    Marie

    |

    More Chris, ek heg groot waarde aan hierdie Bybelskool. Dit het telkemale my gedring om anders oor ‘n saak te dink! Asseblief – hou ons adresse en pos waaroor ons Here jou lei om oor te praat – ons drink elke woord in want so leer elkeen meer van ons Vader……….Baie dankie vir die tyd en kragte wat jy hier ingesit het. Wees verseker dit het nie ongesiens verbygegaan nie! Baie sterkte en ons sal bid oor die saak. Marie

    Reply

  • Avatar

    corne

    |

    More Chris, ek heg groot waarde aan hierdie Bybelskool. Asseblief – hou ons adresse en pos waaroor ons Here jou lei om oor te praat – ons drink elke woord in want so leer elkeen meer van ons Vader……….Baie dankie vir die tyd en kragte wat jy hier ingesit het. Wees verseker dit het nie ongesiens verbygegaan nie! Baie sterkte en ons sal bid oor die saak. Geseende dag. Salom Corne

    Reply

  • Avatar

    Alet

    |

    Chris, dit sal wonderlik wees as jy Genesis tot Rigters op die Internet kan voltooi.
    Ek is ‘n laatkommer, maar nou ‘n groot aanhanger!
    Baie Dankie

    Reply

  • Avatar

    Danie Fourie

    |

    Chris
    Dit is van groot betekenis en ek vra dat jy asb sal voortgaan
    Dankie
    Danie Fourie

    Reply

  • Avatar

    AnetteMeyer

    |

    Ek vind dit soveel makliker om die Bybel te lees met hierdie insette. Baie dankie en moet dit asb nooit van die internet wegneem nie.

    Reply

  • Avatar

    Annes

    |

    Chris, dis ‘n ongelooflike projek wat jy aangepak het en die kwaliteit is so goed. Baie dankie daarvoor. As jy energie het, druk deur met Genesis, ens. Dit sal vir baie jare deur mense gebruik kan word.
    Vrede broer!

    Reply

  • Avatar

    Hilda

    |

    Hallo Chris,
    Eerstens baie dankie vir die skatte wat jy vir soveel ontsluit het. Ek is een van die onsigbare ontvangers daarvan en dink dit is ‘n baie belangrike bron oor die Bybel, ook vir naslaan en herlees en weer lees. Ek het erens langs die pad hierop afgekom – kan nie eers mooi onthou hoe en wanneer nie.

    Tweedens dink ek dit sal jammer wees as die bron onvolledig is. So, my eerste aanbeveling sal wees dat dit mettertyd vervolledig word. Ek het nog nie naasteby deur al die boeke gewerk nie maar as ‘n nalatenskap dink ek die Bybelskool moet volledig wees en webblad moet asb nooit verdwyn nie. Daarvoor het jy veels te hard gewerk en is die inhoud te kosbaar.

    Reply

  • Avatar

    Francois Conradie

    |

    Ds,
    Ek is van Kempton Park en volg jou Bybelstudie die afgelope 2 jaar. Ek neem vir jare deel aan Bybelstudie by my eie en ‘n ander gemeente ook Daar is niks wat vir my soveel beteken en soveel insig gee as jou Bybelstudie nie. Ek dink jou (en by implikasie jou gemeente ) se bydra is ‘n geskenk van God aan sy navolgers in Suid Afrika. As die Here dit vir jou moontlik maak doen asb ook die oorblywende boeke. Sterkte, seen en voorspoed jou toegebid.FC

    Reply

  • Avatar

    Jaco

    |

    Ds Chris, ek volg ook jou Bybelstudie al ‘n paar jaar en dit is baie insiggewend. Ek lees my by el op die ipad en hy is nou al vol kopieë van jou ontledings as notas by die betrokke hoofstukke. Dis dan lekker om gedurende die kerkdiens vinnig daardie stukke by te lees. Voltooi asb die res !! Baie dankie vir jou ongelooflike werk! Seën.

    Reply

    • Avatar

      Chris van Wyk

      |

      Hi Jaco – so jy kan kyk of ek reg preek! Haha. Jy is darem net ‘n bobaas lidmaat. Ek oorweeg nog, maar vermoed ek moet op een of ander manier dié werk klaarmaak, al is dit net via die Internet. Ek wil baie graag in die gemeente met lering aangaan op Woensdae, soms leer-en-aktuele sake, ander kere moontlik Alfa, of die huwelikskursus van Alfa, ander kere ‘n reeks oor die tekens van Openbaring … ensomeer. Bid saam met my dat die Here duidelikheid gee.

      Reply

Leave a comment

Onlangse kommentaar

  • Avatar

    Ernst

    |

    Dankie Chris.

  • Avatar

    Chris van Wyk

    |

    Hi Leana. Jy kan die vorige Bybelboeke se bydraes lees by die Bybelboeke spyskaart item.

  • Avatar

    Leana Weyers

    |

    Baie dankie vir die inligting. Kan ek asb vra waar ek die boeke wat reeds behanel se inligting aflaai. Ek is nuut en wil graag daardie inligting inwin.

  • Avatar

    Chris van Wyk

    |

    Hi Ernst. Die vierde gebod word Bybelsgesproke deur twee goed gemotiveer.

    • Israel moes die sabbatdag vier, om hulle te herinner daaraan dat God alles goed gemaak het, soos Hy op die sewende dag gerus het na al sy werk aan die skepping (Eks. 20). Met die viering van die sabbatdag het hulle erkenning aan God gegee vir alles wat Hy gemaak het.
    • Israel moes ook die sabbatdag vier, om hulle te herinner daaraan dat hulle God se volk is, soos God hulle uit die slawerny van Egipte verlos het (Deut. 5). Met die viering van die sabbatdag het hulle erkenning aan God gegee vir die verlossing wat hulle in die regte verhouding met God gebring het.

    Die NT beskou die sabbatdag as ‘n skaduwee van wat sou kom. Die werklikheid is Christus. Dié wat dus in Christus is, vier hulle afhanklikheid van God elke dag, nie net op een dag nie. Hulle vier ook hulle rus van die sonde elke dag, nie net op een dag nie. Hulle het dus nie meer nodig om een dag bó ‘n ander te vier nie, hoewel hulle welkom is om dit te doen, en dit ‘n gesonde ritme van rus en werk kan skep. Niemand mag Christene egter voorskryf daaroor nie.

    Drie NT Skrifgedeeltes dra dié boodskap.

    • Paulus sê: “Daarom moet julle nie dat iemand vir julle voorskrywe wat julle moet eet en drink nie of dat julle die jaarlikse feeste of die nuwemaansfees of die sabbatdag moet vier nie. Dit is alles maar net die skaduwee van wat sou kom; die werklikheid is Christus. Moenie dat iemand wat behae skep in danige nederigheid en in die aanbidding van engele en wat voorgee dat hy allerhande visioene gesien het, julle daarmee mislei nie. So iemand verhef hom oor wat hy in eiewaan van homself dink, en hy hou nie aan die hoof, aan Christus, vas nie. Uit Christus groei die hele liggaam, ondersteun deur die gewrigte en saamgebind deur die spiere, soos God dit laat groei.” (Kol. 2:16-19).
    • Paulus sê ook: “Aanvaar die een wat in die geloof swak is, sonder om met hom te stry as sy opvatting van joune verskil … Vir die een is een dag belangriker as ander dae; vir ’n ander is alle dae ewe belangrik. Elkeen moet net in sy eie gemoed oortuig wees van sy opvatting. Die een wat ’n bepaalde dag op ’n besondere wyse hou, doen dit tot eer van die Here … Niemand van ons leef tog vir homself nie, en niemand sterf vir homself nie. As ons lewe, leef ons tot eer van die Here; en as ons sterwe, sterf ons tot eer van die Here. Of ons dan lewe en of ons sterwe, ons behoort aan die Here. Hiervoor het Christus ook gesterf en weer lewend geword: om Here te wees van die dooies en die lewendes. Jy, waarom veroordeel jy dan jou broer? En jy, waarom verag jy jou broer? Ons sal tog almal voor die regterstoel van God moet verskyn, want daar staan geskrywe: ‘So seker as Ek lewe, sê die Here, voor My sal elke knie buig, en elke tong sal bely dat Ek God is.’ (Jes. 45:23). Elkeen van ons sal dus oor homself aan God rekenskap moet gee.” (Rom. 14:1-12).
    • Die Hebreërskrywer skryf: “Daar wag dus nog steeds ’n sabbatsrus vir die volk van God, want elkeen wat in die rus van God ingaan, rus van sy werk, net soos God van Syne. Laat ons ons dan beywer om in daardie rus in te gaan, sodat niemand hulle voorbeeld van ongehoorsaamheid navolg en ook omkom nie.” (Hebr. 4:9-11).

    Paulus het op sy sendingreise saam met die Jode die sabbatdag gevier in ‘n poging om die evangelie aan hulle te verkondig. (Hand. 13:42 44; 16:13; 18:4). Saam met die Christene het hy egter die eerste dag van die week gevier met nagmaal, in herinnering aan die kruisdood en opstanding van die Here Jesus, en die ander kerklike dinge, soos die insamelinge van die dankoffer, nagekom (Hand. 20:7; 1 Kor. 16:2).

    Dit lê agter die ontwikkeling in die Christelike kerk om op Sondag bymekaar te kom eerder as op die sabbatdag.

  • Avatar

    Ernst

    |

    Chris maar hoe verstaan mens dan dat die Bybelse Sabbat (7de dag) nie meer gehou word nie? Dis tog deel van die 10 gebooie.

    Dankie ek hoor graag jou verduideliking.

  • Avatar

    Chris van Wyk

    |

    Dankie André. Ja, wanneer ons oop raak vir God om deur sy Woord met ons te praat, dan word ons meegesleur deur sy teenwoordigheid om ons roeping as sy kinders te kan vervul. Dit is ‘n avontuur!

  • Avatar

    Andre Bower

    |

    Chris, elke Woensdag is daar klein juwele waarvoor ‘n mens bedag op moet wees. Jy het genoem dat ons die Bybel moet lees soos dit geskrywe is en nie soos ons dit wil verstaan of uit ons raamwerk nie.

    Dit is werklik so. Om ‘n dissipel vir Jesus te wees is verg baie. Jesus verwag absolute gehoorsaamheid, en soos jy al genoem het, dit is nie onderhandelbaar nie. Ek kan nie vereistes lees soos dit my pas nie.

  • Avatar

    Chris van Wyk

    |

    Hi Henriëtte. Jy leer my nou ‘n ding. Dit lyk my daar is maar min visse wat nie skubbe het nie. Barber is blykbaar een. Snoek se skubbe is net klein. Vandaar dat sommige hom as onrein beskryf. Hier is ‘n uitstekende bron wat visse beskryf in terme van hulle aanvaarbaarheid al dan nie binne die Joodse wetgewing. Nie dat dit meer op ons van toepassing is nie, maar net vir interessantheid.

  • Avatar

    Henriëtte

    |

    As senior burger maar nog baie onkundig in die Bybel en gebruike, slurp ek die kennis op. As Weskusser is ek egter nie so seker dat ‘n snoek nie skubbe het nie. Ek verstaan hy verloor sy skubbe wanneer hy uit die water uit kom. Sê maar net, anders is ek jammer dat die snoek vir hulle misgun is! (Verskoon die aweregse bydrae in die uitgelese geselskap)

  • Avatar

    Chris van Wyk

    |

    Hi Francois. Ek het reeds geskrywe oor die vraag of die wet van God nog geldig bly vandag. Jy kan dit as ‘n inleiding lees. Ek het ook die wyse waarop die wet in ons belydenisskrifte hanteer word, ondersoek wat jy vir nog dieper delf, kan gebruik. Die NGB (artikel 25, 34) sê bv. dat ons die getuienis van die wet gebruik om ons in die evangelie te bevestig en ook ons lewe in alle eerbaarheid tot eer van God en volgens sy wil in te rig. Dit is die hart van my oortuiging. Ek gaan verder om daar te skryf:

    1. Aan die een kant word Jesus Christus dus as die einde van die wet beskryf waardeur die gebruik van die seremonies en heenwysings van die wet afgeskaf is.
    2. Daar word aan die ander kant egter ook geleer dat die waarheid en inhoud daarvan in Christus Jesus bly bestaan, omdat dit in Hom ‘n vervulling gekry het. Die getuienisse van die wet (en die profete) kan daarby nog steeds gebruik word om ons in die evangelie te bevestig en ons lewe in eerbaarheid en tot God se eer en volgens sy wil in te rig.

    Hierdie siening is onder andere gebaseer op Jesus se woorde in die Bergrede in Matteus 5:17-18: “Moenie dink dat Ek gekom het om die wet of die profete ongeldig te maak nie. Ek het nie gekom om hulle ongeldig te maak nie, maar om hulle hulle volle betekenis te laat kry. Dit verseker Ek julle: Die hemel en die aarde sal eerder vergaan as dat een letter of letterstrepie van die wet sal wegval voordat alles voleindig is.”, en Paulus se uitleg van die wet in 1 Timoteus 1:8-11: “Maar ons weet dat die wet goed is wanneer iemand dit op die regte manier gebruik … Dit stem ooreen met die evangelie van die heerlikheid van die lofwaardige God, wat aan my toevertrou is.”

%d bloggers like this: